قصيدة تحياتي لناس تعبوني في حياتي مكتوبة | فارس قطريه

نقدم لكم قصيدة تحياتي لناس تعبوني في حياتي مكتوبة للشاعر فارس قطريه.

قد يهمك:

قصيدة تحياتي لناس تعبوني في حياتي مكتوبة

فارس قطريه

كلمات قصيدة تحياتي لناس تعبوني في حياتي:

تحياتي

لناس تعبوني في حياتي

لشر انزاح وشاف له طريق وسابني أعيش وأشوف نفسي

ومش زعلان على غيابكم غيابكم حلى أوقاتي

تحياتي

دفعنا كتير عشان نهدى ونكسب نوم وراحة بال

وشوفنا القسوة من الأرقاب بكمية تهد جبال

وشلنا الطين لكل الناس وعشنا سنين كتير نداس

كفاية يادوب بقى نريح ونفصل حبة من الأندال

أنا الغلطان وأنا البياع وأنا القماص وأنا الكداب

وأنا اللي بسيبكوا في الشدة وبتجولي وبرد الباب

وأنا اللي في كل حاجة شيطان ولازم كل مرة أتعاب

وأنا القلاب والطين وهباب وشنطة وكاب

خلصنا خلاص أنا مروح ومش هلعب عشان هتبل طين وأتعاص

دا أجمل حاجة في الدنيا بجد تهج الناس وتسلاهم

تاخد لك بيت في حتة بعيد وهما يعيشوا بهواهم

تخف كلام عشان صوتك وتسمع جاز وست الناس

وهي بتبكي على الأطلال من الأحباب ورؤياهم

مصاحب نفسي من فترة وأنا ونفسي بقينا صحاب

بنتكلم ونتخانق ونتصالح وصرنا أقراب

بقيت مش عاوز أعرف حد وعايش مكتفي بذاتي

تحياتي لناس حلوة وبأمر الله بقم أغراب

ده طلع الوقت بينسي وبيأسي وكله تمام

كلام الحب ده بيوجع وبيعور ده أي كلام

وإن الغلطة لو صعبة بتقتل حبنا للشخص

وحتى لو رجع يبكي بدون تفكير تقول له سلام

خسرتوني وهتضيقوا في وقت ما تعرفوا غيري

ساعتها مش هيفرقني زعلكوا لو سنين قدام

قواعد احترام الذات

تصون نفسك وتحميها وما تخشش جدال خسران وأي خصومة تنهيها

ما تفضلش في مكان هانك ولا تسامح حبيب خانك

وقبل ما ترضي ناس غيرك تشوف نفسك وترضيها

يا كدة يا تموت بلاها تعيش هتفضل صاحي مش عايش

مافيش واحد له خير في الناس ونفسه مالهش خير فيها

لسه فاكر قلبي يديلك أمان ولا فاكر كلمة هتعيد اللي كان

ولا نظرة توصل الشوق بالحنان

اللي باع مرة وتركنا وساب مكانه لحد تاني

لما بيعوز تاني يرجع عمره ما يعود المكان

لسه فاكر كان زمان

يعيش روقاني والباقي ما لوش ولا أكل ولا عيشة

وأكمل عمري وأدلع وأدوس على الكبس والفيشة

كفاية خناق ولقى وفراق وتجريح فاضي على الفاضي

هأطير وكأني وزني خفيف وبأنزل في الهوا ماشي

وعجبي