تحميل أغاني البوم حمزة نمرة قرار شخصي 2025 | كامل بالكلمات mp3 | mp4
نقدم لكم تحميل أغاني البوم حمزة نمرة قرار شخصي 2025، كامل بالكلمات mp3 | mp4، ضمن أغاني حمزة نمرة القديمة والجديدة.
وطرح حمزة نمرة ألبومه الجديد الذي أسماه قرار شخصي في شهر يوليو عام 2025، وقد طرح نمرة بعده في شهر نوفمبر من نفس العام ألبوم احكي.
ويحتوي ألبوم قرار شخصي على 13 أغنية وهم:
قرار شخصي رقم 1، وكده الأيام، وكايرو، وما بتلاقينيش، وبتستخبى، وافتكر، وطال غيابك، ويا سهرانين، واتخمينا، وشيل الشيلة، وكله على الله، وعزيز عيني، وشمس وهوا.
تحميل أغاني البوم حمزة نمرة قرار شخصي 2025
كلمات وفيديو أغنية قرار شخصي رقم 1
الأغنية كلمات عمر طاهر والحان وتوزيع حمزة نمرة.
قرار شخصي رقم واحد
وما تفكرش تحاسبني
أنا مش هجري ورا حاجة
عشان أعصابي محتاجة
أعيش بطريقة تناسبني
بصالح نفسي على نفسي
وماشي العمر تدريجي
وباخد سكتي عادي
مافيش أحلى من العادي
وتيجي زي ما تيجي
محصلة بعضها الدنيا
وفرقها مش مهول
ولو سألوني يوم عنها
أنا مضطر أقول
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
وبتصاحب على الأيام
وييجي الليل وقبل ما انام
أفكر عايز ايه تاني
أقول ولا حاجة نقصاني
أنا مرضي وكله تمام
يهل النور أقول سلامات
بحب اللحظة دي بالذات
تعالي يا دنيا نتسابق
ومين يكسب ماهوش فارق
بتشبه بعضها الحكايات
تبوخ دنيتي
أضحك ولا بسألها ليه
وبسأل نفسي ع المكسب
خسرت قصاده ايه
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
ما بهربشي وأهرب ليه
أنا اخترت الحياة تتعاش
وبتعلم طريقي منين
وما تعلمتهاش ببلاش
ما خليش حاجة تملكني
ولا حاجة تبكيني
ولو جت حاجة تجرحني
هييجي يوم تقويني
مافيش حاجة بتستاهل
أكون زعلان أوي جداً
أكون فرحان أوي جداً
أكون قلقان أوي جداً
كلمات وفيديو أغنية كدة الأيام
كلمات كوثر مصطفى والحان وتوزيع حمزة نمرة.
كده الأيام، كده الأيام
كده رحلة سنين العمر
كده الأيام
كده بتجري السنين وتمر
تعدي أوام
تعبنا والله تعبنا
يوم بنحلف ع الغرام
ع الغرام
ويوم بنرجع في الكلام
ويوم يعلم في القلوب
في القلوب
ويوم بيمشي والسلام
كده الأيام، كده الأيام
كده رحلة سنين العمر
كده الأيام
كده بتجري السنين وتمر
تعدي أوام
تعبنا والله تعبنا
غريب ولسه ما نعرفوش
يفتح لنا ع الجنة باب
حبيب وقولنا ما نبيعوش
هو اللي يسقينا العذاب
ويوم معانا ويوم علينا
تعبنا والله تعبنا
كده الأيام، كده الأيام
كده رحلة سنين العمر
كده الأيام
كده بتجري السنين وتمر
تعدي أوام
تعبنا والله تعبنا
كلمات وفيديو أغنية كايرو
كلمات فلبينو والحان أندري مينا وحمزة نمرة، وتوزيع أندري مينا.
يا خسارة همشي معلش همشي
هايصة الحياة ومش عارف حد
بحاول أفرح قبل اما اروح
عمال أدور طول الوقت
على حد شبهي لو حد جنبي
كُنت قلبت الدنيا بجد
ده العمر حتى يحلو حتة
لو روحت حتة وليك فيها حد
وأنا ليه أفرح لوحدي، أنا ليه؟
فمكان ما حدش شبهي أنا فيه
تقاسمني الفرحة دي أنا عايز ناس معايا
كايرو، حد هنا من كايرو
مش فارقة فين من كايرو
من أي حتة في كايرو
كايرو، حد هنا من كايرو
مش فارقة فين من كايرو
من أي حتة في كايرو
ليه، ليه، ليه
أووه
وأنا ليه، ليه، ليه
أووه
الحل عندي ما أبقاش لوحدي
ويا دنيا مرضي بأي حد
هاتي ناس حياتي دي زي حالاتي
تُقف معايا وفي ضهري تسد
هاتي الحبايب أقرب قرايب
وصحاب تهزر وقت الجد
هاتي حد غالي لو حُزن جالي
نِضحك على الاحزان مع بعض
وأنا ليه أضحك لوحدي، أنا ليه؟
فمكان ما حدش شبهي أنا فيه
تقاسمني الضحكة دي أنا عايز ناس معايا
كايرو، حد هنا من كايرو
مش فارقة فين من كايرو
من أي حتة في كايرو
كايرو، حد هنا من كايرو
مش فارقة فين من كايرو
من أي حتة في كايرو
كلمات وفيديو أغنية ما بتلاقينيش
كلمات محمود فاروق، والحان رامي بدران وحمزة نمرة، وتوزيع Apostolis Mallias
طول عمري مآمن قلبي
على حكايات وما حكاهاش
وهيفرق إيه ماهو ياما
قلنا كإنه ما قلناش
ولا حد قدر يفهمني
معرفتش أعبّر عني
وحاولنا ومقدرناش
أما انتي يادوب من نظرة
فاهماني بكل وضوح
شايفاني ازاي من جوه
وكإني كتاب مفتوح
من غير ما بقول قرياني
عجناني أوي وخبزاني
واقرب لي كمان من الروح
ما بتلاقينيش
براحتي إلا وياكي
وما بشوفنيش
بفضفض غير وأنا معاكي
ما بتلاقينيش
براحتي إلا وياكي
وما بشوفنيش
بفضفض غير وأنا معاكي
بصراحة بكون متوتر
لما بعيني ما اشوفكيش
قلبي بيتطمن أكتر
لو جنبي ومبعدتيش
أصل أنا في غيابك بقلق
وارجع على طول ما بصدق
واحكيلك وما اخبيش
ما بتلاقينيش
براحتي إلا وياكي
وما بشوفنيش
بفضفض غير وأنا معاكي
ما بتلاقينيش
براحتي إلا وياكي
وما بشوفنيش
بفضفض غير وأنا معاكي
كلمات وفيديو أغنية بتستخبى
كلمات محمود فاورق، والحان حمزة نمرة، وتوزيع عمر الخضري.
ولاد الناس الشبعانين معروفين
والمدعين المحدثين مفقوسين
مهما حاولوا ياخدوا لقطة مهروشين
مهما حاولوا يداروا برضه مكشوفين
يابني انت أيوة انت
شايف نفسك كده ليه
مين انت؟ ومن امتى؟
معووج بأمارة ايه
بتستخبى في الفلوس
صحبي الغنى غنى النفوس
ده شكله نقص ولا ايه
ملكش وصف في القاموس
داخل بزفة ومهرجان
عامل مهم في المكان
واتنين تلاتة كدابين
بيندهوك مستر فلان
جواك عقد وبتداريها
بس احنا فاهمين اللي فيها
أصل انت يابني في الحقيقة
بالونة والفراغ ماليها
أستاذ في لفت الانتباه
وهو مين فارق معاه
ومين هيتصاحب عليك
غير اللي قرشك اشتراه
طول عمري أحب السلكانين
ناس دوغري مش ممثلين
بابعتلهم أجدع سلام
لو لسه يعني موجودين
مغرور غرور
وياريتنا جايين عالمزاج
ده شوية وهتدخل علينا
لابسلي تاج
كلك عبر وشايفنا
مش قد المقام
ارحمنا من عقدك بقى
وشوف لك علاج
ياواد انت أيوة انت
نافش ريشك كده ليه
مين انت؟ ومن امتى؟
منفوخ بأمارة ايه
بتستخبى في الفلوس
داخلي دخلة الطاووس
ماشي وعينيك مش شايفة غيرك
ناقص على البشر تدوس
أنا أنا أنا وأنا وأنا
ما خلاص بقى زهّقتنا
هتموت وتبقى العين عليك
وانت ولا تهمنا
طب افترضنا ان انت جامد
وانك خلاص أهم واحد
خفيت كده من النقص يعني
ولا مافيش أمل يا بارد
كان نفسي أقولك اقتنعنا
كان نفسي أقولك اشترينا
بس انت من عمل ايدينا
يبقى بصراحة اللوم علينا
طول عمري أحب السلكانين
دول فوق دماغنا متشالين
ماليش أنا في المدعين
ما تفوق لنفسك انت مين
كلمات وفيديو أغنية وافتكر
كلمات حازم ويفي، ألحان: حمزة نمرة، توزيع: أندريه مينا.
وافتكر ليه ابتديت
ليه جريت وليه عانيت
ليه مشيت من بيت لبيت
شايل الحلم في خيالك
وافتكر حجم الخسارة
والإشارة والأمارة
افتكر رمي الحجارة
واللي نجاك من المهالك
وافتكر طعم المرار
والوجع والانكسار
وانحرافك ع المسار
وإن قلبك لسه سالك
وافتكر طول الطريق
وإن ليك طول في الغريق
وإن نورك له بريق
والدليل اللي اترمى لك
وافتكر مين كان معاك
واللي في السكة رماك
اللي جرحك واشتكاك
واللي لما احتجته جري جالك
وافتكر زوغان عينيك
وأما بكيوا عنيك عليك
وانت لسه القوة فيك
وإن ربك وحده شالك
وافتكر إنك مكسّر
لكن أنت مش مقصّر
تشتكي وربك ييسّر
فاله يغلب برضه فالك
وافتكر جرحك معلِّم
وإن قلبك مش مسلِّم
ماشي في الأحلام تلملم
بس مش واقف مكانك
وافتكر علشان تكمِّل
أي آخر كان له أول
والطريق مهما يطوِّل
جي وقتك جي أوانك
وافتكر لو كنت ناسي
ياما عدت بيك مآسي
وأنت في الملعب أساسي
عمر نَفَسك يوم ما خانك
وافتكر طول الطريق
وإن ليك طول في الغريق
وإن نورك له بريق
والدليل اللي اترمى لك
وافتكر مين كان معاك
واللي في السكة رماك
اللي جرحك واشتكاك
واللي لما احتجته جري جالك
وافتكر زوغان عينيك
وأما بكيوا عنيك عليك
وأنت لسه القوة فيك
وإن ربك وحده شالك
وافتكر إنك مكسّر
لكن أنت مش مقصّر
تشتكي وربك ييسّر
فاله يغلب برضه فالك
كلمات وفيديو أغنية طال غيابك
كلمات محمود فاروق، والحان حمزة نمرة و أندريه مينا، وتوزيع أندريه مينا.
لما تسمع غنوة حلوة
تلمسك تفتح حكاية
إفتكر إحساس قلوبنا
لما غنيتها معايا
يا غريب في البعد عنك
يا قريب وفي روحي ساكن
كلهم أبعد لي منك
بالقلوب مش بالأماكن
باسهر ليالينا
باسمع أغانينا
طال غيابك ياللي سايب
ذكريات ما بننساهاش
لو بيرجع كل غايب
يوم رجوعك ليه ماجاش
كل مرة ببقى خايف
من البعاد لنضيع وننسى
وابقى متكتف وشايف
واحدة واحدة قلوبنا تقسى
بس عهدنا واتفاقنا
كل مرة يفكرونا
لو نسينا أو تعبنا
أو بعدنا يرجعونا
أيامنا واحشاني
إوعى تغيب تاني
طال غيابك ياللي سايب
ذكريات ما بننساهاش
لو بيرجع كل غايب
يوم رجوعك ليه ما جاش
كلمات وفيديو أغنية يا سهرانين
كلمات محمد الشافعي، والحان حمزة نمرة وأندريه مينا، وتوزيع خالد عصام.
وأدينا سهرنا يا قلبي
ما سيبناش فرصة لعينا تنام
ولا باقي على بالي
غير ذكرى وكوم أوهام
بتاخدنا لنفس النقطة
لأكتر حتة في روحنا ضلام
ومابقاش فينا حيل
نتعذب زي زمان
مساكين يا سهرانين الليل
تايهين وتعبنا من التفكير
ساكتين وقلوبنا دايبة كلام
حكايات بنعيدها بالتفصيل
ليه نطفي النور ونقيد
كام جرح عنيد نفسنا ننساه
ليه خايف وراعبنا
من بكرة اللي ما عيشناه
ياما سيبنا روحنا وخوفنا حبسنا
وعيشنا الوهم معاه
ياما من تفكيرنا تعبنا
ونزلت دمعتنا معاه
مساكين يا سهرانين الليل
تايهين وتعبنا من التفكير
ساكتين وقلوبنا دايبة كلام
حكايات بنعيدها بالتفصيل
لو بس نعدّي الليلة
ونعرف نطلع منها سُلام
لو قفّلنا على السيرة
لو أنام وانا مش زعلان
طب مين يلحقنا يا قلبي
في نص الليل ونفضفض ليه
يا جراحي مين صاحي
أحكيله أنا حاسس إيه
مساكين يا سهرانين الليل
تايهين وتعبنا من التفكير
ساكتين وقلوبنا دايبة كلام
حكايات بنعيدها بالتفصيل
كلمات وفيديو أغنية اتخمينا
كلمات فلبينو، والحان حمزة نمرة، وتوزيع عمرو الخضري.
ليه فرشنا الأرض ورد
واحنا مش جايلنا حد
مولد وعلينا اتفض
وسابونا موجوعين
اتخدعنا من زمان
حتى يشهد المكان
كل مرة نقول رهان
وكل مرة خسرانين
علّقنا زينة لولاد لذينة
غدروا بينا بعد الوجايب
نفس السيناريو كله أذينا
نسحب ورق ونلبس في شايب
احنا اتخمينا واتغشينا
في ناس بايعين بايعين
شكراً لغبائنا اتعلقنا
احنا بحبال دايبين
ليه تعبنا وجيبنا فرش
ليه عزمنا ناس ما جاتش
الدنيا اديتنا درس ياكش
نطلع متعلمين
ومعلش يا قلبي خير
ده احنا معلشناك كتير
في الجروح بقيت خبير
آه وتشهد السنين
علقنا زينة لولاد لذينة
سوينا ليهم كل الهوايل
فتحنا بابنا للي أذينا
عملوا فينا أسوأ عمايل
احنا اتخمينا واتغشينا
في ناس بايعين بايعين
شكراً لغبائنا اتعلقنا
احنا بحبال دايبين
كلمات وفيديو أغنية شيل الشيلة
كلمات محمود عبد الله، والحان محمدي، وتوزيع أندريه مينا.
أنا على فكره في قلبي هموم
لكن بداريها
مانا ما بحبش أبين
كل اللي في أوراقي
واللي باصصلي في عيشتي
ياخدها على بعضيها
ما ينقيش الحته الحلوه
ويرمي الباقي
شيل الشيله بحالها
زي ما قلبي أنا شالها
ورهان مني انك حتقولي
عايز عيشة بدالها
أوجاعي اللي دافنها
الناس لو شايفينها
حيلاقوا ان وجعهم هما
أرحم بكتير منها
أنا مش بنكر خير أنا فيه
لو حتى ثواني
بس الخير ده انا برضه دفعت
كتير قدامه
هيا الدنيا بتدي أساساً
إيه مجاني
خُد موضوعي بقى من الأول
مش في ختامه
وشيل الشيله بحالها
زي ما قلبي أنا شالها
ورهان مني انك حتقولي
عايز عيشة بدالها
أوجاعي اللي دافنها
الناس لو شايفينها
حيلاقوا ان وجعهم هما
أرحم بكتير منها
كلمات وفيديو أغنية كله على الله
كلمات خالد عصام، والحان خالد عصام، وتوزيع حمزة نمرة.
ومع فهمك لإنك شيء
في كون مخلوق من اللاشيء
بقيت ما تشيلش جواك شيء
عشان تعرف تنام بتقول
ومع علمك لإنك دور
بتسعى عشان تاخد لك دور
وتطلع عادي دور فوق دور
ودور تجري ودور مقتول
شادد في الدنيا رحالك
ماشي ما بتشكيش في حالك
هي الدنيا مرتاحة لك
ده سؤال ما بيجيش في بالك
ماشي على الله
يتكعبل لو بص وراه
ماشي على طول
راضي بكله الآه والآه
والدنيا إن قامت
لا بيعمل جامد
ولا ماسك فيها
ولا فارقة معاه
شادد في الدنيا رحالك
ماشي ما بتشكيش في حالك
هي الدنيا مرتاحة لك
ده سؤال ما بيجيش في بالك
كله على الله
عامل اللي عليك
ما بتفكرش وماشي متطمن
مش فارقة معاك
تقفل تفتح ولا تضمن
راضي من جواك
عارف إن مافيش حاجة تضمّن
قلبك نور بينور لما الدنيا تضلم
ماشي تهونها
ع الزعلان والشارب منها
ماشي تلونها
يمكن تهدى وتحلى سنينها
ولا بتخاف منها
مهما تلخفنها
وإن جت عين الدنيا في عينك
تنزل عينها
شادد في الدنيا رحالك
ماشي ما بتشكيش في حالك
هي الدنيا مرتاحة لك
ده سؤال ما بيجيش في بالك
كله على الله
كلمات وفيديو أغنية عزيز عيني
كلمات خالد عصام، والحان حمزة نمرة و أندريه مينا، وتوزيع أندريه مينا.
قلبي اللي الحبايب عنه غابوا
وفي ضعفه طوب الأرض سابه
ليه عزيز عليه يطول عتابه
مش مستني يرد بابه
وانتي شيلتي حمل حلمي ياما
قولتي توصل بالسلامة
كنتي لما الدنيا تكون غيامه
نور ولما أتوه علامة
ويا حياة
يعني بعد كل ده
تبقى حاجة مزعلاه أنا قولتها
يا عزيز عيني
ده زعل هيروح
لو مرة تناديني
تتصافى الروح
يا عزيز عيني
ده زعل هيروح
لو مرة تناديني
تتصافى الروح
وان كرهت الدنيا من الأذية
مين يهون إلا هي
ولما اتوه في دنيا التمثيلية
مين هيبقى مرايا ليا
عدي يا ليالي بالهداوة
ما تبعديش إيد اللي داوى
ليه بتيجي ع اللي ليه غلاوة
وتدوقينا من القساوة
ويا حياة
يعني بعد كل ده
تبقى حاجة مزعلاه أنا قولتها
يا عزيز عيني
ده زعل هيروح
لو مرة تناديني
تتصافى الروح
يا عزيز عيني
ده زعل هيروح
لو مرة تناديني
تتصافى الروح
كلمات وفيديو أغنية شمس وهوا
كلمات خالد عصام، والحان خالد عصام، وتوزيع خالد عصام.
بيسألوني عنه دايماً
بيقولوا لي راح لفين
مش بييجي لي في حكايتك
مش انتوا كنتوا قريبين
مش ده اللي كنتوا سوا
شمس مع الهوا
خليك ساكت يا لساني
مش هنعمل محتوى
كنا سوا
كنا شمس وهوا
كان فاكر إنه هيبقى ليا
دراعي اللي اتلوا
كان وكان مالي المكان كلام
كان واخد الأيام
في حتة مش تمام
ريّحنا طار وطار
والله وريّحنا وغار
لو هكتب يوم إقرار
هكتب للماضي
يمكن يوم يمسحنا
بعد أما سابها
فتحت لي بابها
وأي ضلمة في حتة بعيدة
ده كان سببها
وطلع فيه ناس يساووا ماس
ده كان سحابة سودا بهبابها
كان وكان مالي المكان كلام
كان واخد الأيام
في حتة مش تمام
ريّحنا طار وطار
والله وريّحنا وغار
لو هكتب يوم إقرار
هكتب للماضي
يمكن يوم يمسحنا
وأي نعم كان يُحترم
وساب حاجات بعض الساعات
لكنه ساب جرحين كبار
خلوا الكلام ما بينا مات
خلالي عشرة في عيني قشرة
وساب وجع في الذكريات
شوف انت بعد ما كان حبيبي
فين مكانه في اللي فات
مش ده اللي كنتوا سوا
شمس مع الهوا
خليك ساكت يا لساني
مش هنعمل محتوى
كنا سوا
كنا شمس وهوا
كان فاكر إنه هيبقى ليا
دراعي اللي اتلوا
كان وكان مالي المكان كلام
كان واخد الأيام
في حتة مش تمام
ريّحنا طار وطار
والله وريّحنا وغار
لو هكتب يوم إقرار
هكتب للماضي
يمكن يوم يمسحنا
