الجمعة , مارس 29 2024

كلمات قصيدة فارس قطريه عن الأب | تحميل Mp3 Mp4

نقدم لكم كلمات قصيدة فارس قطريه عن الأب مع تحميل القصيدة Mp3 Mp4

قصيدة نعمة الأب قصيدة باللهجة العامية تحكي فضل الأب على أبنائه.

قد يهمك:

كلمات قصيدة فارس قطريه عن الأب

تحميل Mp3 Mp4

كلمات قصيدة نعمة الأب للشاعر فارس قطريه:

لو أبوك كان عايش قوم حالاً وبوس ايده وقول له يدوم خيرك

وإن أنا لفيت وقابلت كتير ومحدش شالني في يوم غيرك

سداد وسط الأيام واقف وجبالك ما يهزها أزمات

وجميع الناس يشهده بالخير يشكروا في طباعك وفي سيرك

أبو قلب جميل وأبو كف تقيل بيعلم بس بحنية

إللى بيستخسر فيه اللقمة ولا يستخسرش إن كات لي

موجود ويشيل عنك همك ويهمه تكون بس كويس

ووجوده في عمرك ليك راحة وأمان من الدنيا المؤذية

الأب النعمة إن راحت هتعيش أيامك بتعاني

في حاجات تتعوض بالأيام وحاجات ما يجيش زيها تاني

ولاعمرك يوم هتشوف إنسان بيحبك أحسن منه تكون

ولا يبكي عليك ويشيل همك غير أبوك من بعده مافيش تاني

عايشين على حسه وبحسه تتعامل وسط الناس هيبة

أنا أبويا اللي معلمني ما أنطقش كلام إن كان عيبة

أحترم الكل وأصون العيش ولا أظلم يوم ولا أتعافى

ربنا يديك عمرك عمرين يا حجيج ويبارك في الشيبة

موجود وأشهدلك بوجودك وبسيرتك وسط الناس ماشين

ولا أخاف من حد ولا عنيا في يوم تنزل مرة لبني أدمين

شاكرين الفضل وحافظينه وأشيل على الراس جزمة أبويا

هتزدني مقام وتعاليني وأشيله جميله سنين وسنين

لو هأشكر أبويا في شئ عمله هأشكره على عيني المليانة

على إنه ما قصرش في حاجة وعلى نفسي وبطني الشبعانة

على أصلي وفصلي وتربيتي وعلى اسمي إللى أنا ماشي بسيرته

وشقاه في الدنيا وفي الأيام علشان ما نشوفش إحنا إهانة

عن شخص بيقسى على الواحد ويبكي عنيه وبيبكي عليه

عن دهر وعمر وقلب جميل بتشوف الخير بس على ايديه

عن أبويا إللى ما حلتيش غيره ومكمل منه ومن خيره

وما الأيام بتضيق بي مالاقيش غير حضنه فبجري عليه

موجود يا أبا وكبير يا أبا ومعروف اسمك وبسرتك دايما ماشي وراكي

يا ما خدت كفوف منك تحول ومناي أنول فضلك ورضاك

علمت الواحد يبقى أصيل ويشيل الحمل إن حتى تقيل

بعلامك بامشي في وسط الناس فيقولوا ده يسلم مين رباه

تسلم لي إيديك ويدوم صوتك الخشن أبو نبرة حفظها تمام

وكلامك عن إنك ياما اتبهدلت زمان ولا كنت تنام

وبتمشي 200 كيلو برجلك وتذاكر على اللمبة إللي بجاز

يا إللي انت وجودك في الدنيا بيخلي الدنيا أمان وسلام

وعجبي

تحميل قصيدة نعمة الأب Mp3 Mp4

انقر هنا سمعها

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *