الإثنين , مايو 27 2024

كلمات قصيدة يـا أبويا يـا أغلي من عيني | فارس قطرية

نقدم لكم كلمات قصيدة يـا أبويا يـا أغلي من عيني فارس قطرية، مصحوبة بالفيديو، وهي من القصائد الجديدة في عام 2023.

قد يهمك:

كلمات قصيدة يـا أبويا يـا أغلي من عيني

فارس قطرية

من وأنا عيل وأنا كل ما أقابل حد يقول عن أبويا جميل

راجل ولا ميت راجل جدعان في الأزمة ما بيجليش ويشيل

الناس كلها عارفة تمامه وتقيل في كلامه وفي مقامه

تتهز الشنبات قدامه وحضوره خفيف وخصامه أصيل

كل لما الواحد سنه يزيد ويلف الدنيا يشيل الهم

يكتشف إن الأب دا نعمة ومالهش بديل ولا خال وعم

بني آدم لو تطلب عينه يديك العين بضمير راضي

وياخد من عمره وأيامه ويقول للعمر ضناي أهم

عمرك ما هتعرف قيمة أبوك غير لما يسيبك وحداني

هتشوف بعدها إن الأيام عمرها ما هتحن عليك تاني

ده كفاية إنك لما بتغلط لك حد كبير يترد عليه

ده كفاية إنك علشان ترتاح بيقضي اليوم هو يعاني

من زي أبوك وقت ما تتعب من قبل ما تنده بيجي لك

تكسرك الدنيا وتيجي عليك فيوطي عليك هو يشيلك

أول إنسان بتفكر فيه لو يوم حسيت إنك خايف

وبينسى ساعات يدعي لنفسه في صلاته ولكن يدعي لك

بني آدم طيب وقريب ومقضي حياته في شغله ونومه

وعشان أرتاح وأنام مبسوط هو بيتبهدل طول اليوم

في حاجات الأب بيعملها وما بيقولهاش وما بنعرفهاش

بيروح وبيجي ويتمرمط وتلاقي الهم عليه بالكوم

بيشد ويأسى على الواحد علشان يتعلم يبقى شديد

الدنيا ما بتسميش ع الناس عاوزة إللي كتافه حديد في حديد

عاوزك تطلع واحد مظبوط وإن مشي هو تكمل وتعيش

لو سابك لأمك وحنانها ممكن تطلع غلبان وبليد

الواحد ماشي وراسه لفوق بيقول للكل أنا أبويا فلان

أنا أبويا إللي الدنيا بحالها تشهد له من الناس الجدعان

من يوم ما وعيت أنا ع الدنيا وأنا عايش من خيره وعزه

علمني إزاي أبقى كويس علمني أبويا أكون إنسان

الله يمسيك يا أبا بخيره وتفضل على حالك وسطينا

الله ينسيك يا أبا همومك والتعب إللي تعبته علينا

الله يهنيك ويزيد فضلك ولا يمنع خيرك على غيرك

وهتفضل طول عمرك متشال في قلوبنا وساكن في عنينا

وبقول لك وأنا قاصد أقول لك

ومين زيك يا سيد الناس يا بويا يا أغلى من عيني

يا تاج راسي وعكازي وفرحة عمري وسنيني

جيت الدنيا وأنا عيل لقيتك فيها يا أبا أمان

ولما بخاف تطمني وتمسح دمعتي بحنانك

تعليق واحد

  1. رحمة الله عليكي ابي الغالي ولا حرم اولادي من والدهم ابدا وبارك الله في عمره وصحته

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *