موقع اسكتشات فنون سمعية وبصرية
نقدم لكم كلمات قصيدة في حب أخويا فارس قطرية | تحميل Mp3 Mp4.
قد يهمك:
كلمات قصيدة في حب أخويا فارس قطرية
تحميل Mp3 Mp4
كلمات قصيدة في حب أخويا فارس قطرية:
في حكمة بتقول لك إيه
إللي ما عندوش أخ في ضهره بيفضل مهما يغطوه مكشوف
ولا له ولا عزوة تشيل عنه ولا حد يقف له في أي ظروف
وحداني ولو حواليه ألوفات وفقير وإن كان المال ألوفات
إنسان بتروح له تقول محتاج يديك من غير ما تكون مكسوف
وده مين يشبه لك في الدنيا وفي غلاوتك يا ابن أمي ودمي
وقت لما تضيق بيا الدنيا مالقيش غير أخويا يشيل همي
دمنا واحد أصلنا واحد إتنين طالعين من بيت واحد
ومافيش ولا قبلك ولا بعدك أفرد له رقبتي وأنا مغمي
طول عمري بحبك من قلبي وطول عمرك سداد في الأزمة
إيه تسوى الدنيا أخويا بعدك دي كنوز الدنيا مالهاش لازمة
مع إن الخناقات والحوارات اللي بتعملها بتقفلني
نتخانق مين لبس الساعة ونتخانق مين لبس الجزمة
لكن في الجد وفي الشدة إنت إللى ألاقيه واقف ثابت
إنت اللي بتفضل ما بتمشيش حتى لو الناس كلها سابت
ماهو أخوك عمره ما هيشوف زعلك ويبص بعيد أو ما يهموش
الأخ النعمة إللى تصونها أصل الأصحاب كلها خابت
من يوم ما وعينا على الدنيا وعرفنا هموها وبلاويها
أنا وأنت يا صاحبي اتأكدنا ما لناش غير بعض سند فيها
نبعد والدنيا تفرقنا ونرجع على الأصل وع المبدأ
يا ما شوفنا بلاوي تهد جبال وايديك في إديا نعديها
عن أول يوم تبعد عني علشان شغلانة في حتة بعيدة
أو لما دخلت الجيش ومشيت وما نزلتش تحضر جنبي العيد
أو عن تفخيمك من نفسك وإن أنت عملت البحر طحين
وأنا عارفك غلبان فباسيك علشان ما تصدعنيش وتزيد
بس انت وعهد الله في قلبي أغلى الغالين يا ابن الغالين
انت اللي فضلت في عز العوز وقت لما ماكنش في ناس تانيين
شلتني ياما وشلتك ياما وعارفين بعضنا على ايه كويس
ولو أخوك جنبك وايديك في ايديه ما تخافش خلاص من بني أدمين
وكبرنا يا خويا وزي زمان وافقين مع بعض في أي مكان
بيروح وبيجي علينا الناس ونحب فلان ونعادي فلان
بس اللي يفكر يجي عليك أنا أموت ولا إنه يصيبك ضر
وأنا عارف برده إنك سداد وأبوك خلفته كلها جدعان
بأتمنى يا أخويا وبدعي لك ربنا يحميك وما يبعدناش
نفضل مع بعض بخير وتمام وعيون الخلق ما تحسدناش
نتخانق حبه ونتصالح علشان أصلنا أصلاً صالح
على قد ما طال العمر وزاد في قلوبنا الكره ما يدخلهاش
وختاماً
أخوك يعني اللي من دمك
أخوك يعني اللي شال همك
أخوك عزوة وسند وأمان وورثك من أبوك وأمك
وعجبي
تحميل اخويا فارس قطريه Mp3 Mp4
ربنا يبارك في اخوتي ويحفظهم
الاخ نعمة من الله