الخميس , ديسمبر 1 2022

كلمات قصيدة الله يجازيهم | فارس قطرية

نقدم لكم كلمات قصيدة الله يجازيهم الشاعر فارس قطرية، مع تحميل القصيدة Mp3 Mp4

قد يهمك:

كلمات قصيدة الله يجازيهم

فارس قطرية

الله يجازي

كل إللي ادتهم خير مرة وردوا المعروف وخانوا

كل إللي أذاني بدون أسباب أو سيرتي اتشتمت بلسانه

كل اللي ماصنش رغيف كلناه أو باع وأنا كنت أصيل وياه

أدي معروف ياخده وينساه وجوابه يبان من عنوانه

مش كل الطير على شكله يقع

والله وقعنا في ناس فعلا لا شبهنا لا لون ولا تربية

ناس مهما اديتهم وراعتهم فأطباعم تفضل مؤذية

العمر ساعات يحدف بلاويه على هيئة ناس الله يجزيه

ياخدوك أفراح يرموك أحزان ويبانوا في أخرتها ضحية

والواحد ما ترباش يإذي اللي في يوم كان صاحب واتغير

يزعل لو عاب في الناس بكلام ويبان في عنين نفسه صغير

ربونا على أصول مش فيكو ولا عمرها يوم كانت ليكو

طب نعمل إيه في ناس بتعبنا وهم الناقصين

حاجة تحير

الصمت وقار مش ضعف ساعات لما الغلطان يبقى قليل

راسنا المرفوعة على عنيكو عمرها ما هتنزل وتميل

ونعيش على قد ماطال العمر بسيرة نضيفة وبكرامة

وتعيشوا تلموا بواقي ساعات عشتوها معانا وخلصنا

إحنا أغلى كتير إننا نفضل مع ناس وجودها يرخصنا

بنسامح ونقول هنغير ومسير الوقت يبدلهم

نتجرح إحنا ونتبهدل ولا حاجة بتقدر تعدلهم

في ناس بجحة بتغلط وتزيد يقتلوا جواك ثقتك في الناس

تديهم قيمة يدوس عليك وبيحترموك إن تهملهم

طبع الإنسان نمرود على الخير

وتمد ايديك ياكلوا دراعك

تصفى لهم وتراضي قلوبهم يتفننوا هما في أوجاعك

هتساع كسرتهم وتداوي ولا واحد فيهم هيساعك

وأول ما تقول أنا مش قادر احسب من فيهم هيراعي

كان عندي أصحاب داسوا العشرة وطلعوا واسختهم في طباعي

ولا حد هيفرق له غيابك ولا حزن بيقتل في شبابك

لو نمت حزين زعلان في البيت هيزورك مين من أحبابك

افهم ياعبيط مغزى الدنيا وشوف مين باقي ومين هيروح؟

كل إللي يقول إنك غالي أول ما مشيت تف وعابك

على قد ما هنعيش هنقابل وهتفضل دنيتنا تحدف

راكبين مركبنا وفي طريقنا والخاين نرميه ونأدف

بنسامح مرة وعشرة وألف وندي إللي يصونا عيونا

وإللي بيخسرنا بأفعاله ما بنبقى عليه

ونبان للناس عبط وماشين لكن عارفين في قلوبكم إيه

بيبانوا وبيظهر عارفينوا

بيبان الحب إن كان طاهر أو فيه مصلحة فيه وفاهمينوا

يكفينا إللي يحب لنا الخير ويمد ايديه بسلام صافي

أما إللي مخبي في حبه نفاق نديه مصلحته ويتوكل

نديه ونرضيه مش عايزينه

وعجبي

تحميل الله يجازيهم فارس قطريه Mp3 Mp4 دندنها

3 تعليقات

  1. جيدة

  2. جميلة

  3. ربنا ما يحوجنا لغيره

اترك تعليقاً

لن يتم نشر عنوان بريدك الإلكتروني.