موقع اسكتشات فنون سمعية وبصرية
نقدم لكم مجموعة مميزة من أناشيد أفراح إسلامية قديمة بالدف وبدون ايقاع مكتوبة.
قد يهمك:
أناشيد أفراح إسلامية قديمة بالدف
مكتوبة
أنشودة نبدى فرحنا اليوم أفراح الندى:
نبدى فرحنا اليوم باسم الواحد المنان
عايزين فرحنا يكون على السنة وعلى القران
مبروك وكمان مليون مبروك منى ومن كل الى يحبوك
إخوانك جولك بيهنوك والكل الليلة الليلة فرحان بيك
نقيت وظفرت بذات الدين والزوجة الصالحة دى خير معين
ورباط الله دا حبل متين الله يقويها يقويها ويقويك
ياما كنت اليوم ده بتستناه وزواجك حلم بتتمناه
وأهو جيه اليوم محلاه يا محلاه
وأكيد اللليلة الليلة راح نرقيك اللليلة راح نرقيك
شوف كل الناس فرحانة إزاى والرايح بيبارك للجاى
والفرحة كبيرة أوصفها ازاى وأهى باينة بتضوى جوه عينيك
أهى باينة جوة عينيك
للاستماع لأنشودة نبدى فرحنا اليوم
نشيد وهي ليلة بألف ليلة:
وهي ليلة بألف ليلة علتين وصبحوا الليلة عيلة
مين كان يصدق يا عريس حلمك تحقق يا عريس
سبحانه ربك يا عريس جمع ووفق
أبوك وأبوها يا عريس سنين عاشوها يا عريس
يبنوا في أماني يا عريس وأهو حققوها الليلة
أفراح وأنوار يا عريس وملايكة زوار يا عريس
والفرحة عامة فوق كل دار الليلة
أدي عريسك يا عروسة هيكون ونيسك
طوعيه وأنسيه يا عروسة بلين حديثك من الليلة
أمك وأمه يا عروسة ليالي حلمه يا عروسة
والرب حقق يا عروسة للكل حلمه
حلوة في حجابك يا عروسة ما بين صحابك ياعروسة
كان حلم غالي يا عروسة وأهو دق بابك الليلة
للاستماع لنشيد وهي ليلة بألف ليلة
أنشودة فرحونا:
فرحونا فرحونا بالعروسة و بعريسها فرحونا
و اسمعونا و اسمعونا و اسمعونا و بعد منهم جوزونا
يا طيور السما غني و قربي
وانزلني عندنا صلي على النبي
دا الورد شاركنا الفرحة وقال
عروستنا اتخطبت لابن حلال
هو ده هو ده و عريسنا ده أيوه ده أيوه ده عريسنا ده هو ده
هيه آه .. هو ده
صقفي يا كفوف
و اندهي يا دفوف
على كل جيران علشان عروستنا تشوف
قمر العرسان في الناس فرحان
قاعد سلطان و الكل ضيوف
والجمع الطيب مأنسنا بيغني و فرحان بعريسنا
وبندعي المولى اللي حراسنا من أول سنة يدي له صبي
قرب يا نسيم هاني الياسمين
والفل وطل ع المعازيم و ادعي الرايحين و ادعي الجايين
وادع لنا و قول المولى كريم
ده الفرح نصيب لبعيد وقريب
وبنفرح والمقسوم في الغيب
وعريسنا نصيبه في مسك وطيب
اللهم صلي عليك يا نبي
أنشودة دور يا قمر:
دور يا قــــــــــمر
دور يا قمر قول للشجر الليلة هيطول السهر
و اسهر و قول بنت الأصول اختارها طير صاحب نظر
دور يا قمر فوق السحاب قول للنجوم زينة الشباب
كتب الكتاب بعد أما جاب الشبكة و سمعنا الخبر
يا قمرنا لف الكون و هات شربات معطر بالآيات
و افرح و قول الطيبات للطيبين قول يا قمر
قطر الندى بدر البدور وياك هيملوا الدنيا نور
والناس هتدعي والحضور يرزقهم المولى بعمر
ياأحلى كوكب في السما قول للقلوب المسلمة
ده الكل عارف ربنا للطيبين ساقوا القدر
أنشودة لسه بحاول أكون نفسي:
لسه بأحاول أكوّن نفسي و اللي بيجي مبيقضيش
و بقيت بأحلم مركبي ترسي و ألقى عروسة متفرضنيش
كله بيجري ورا اللي معاه واللي معهش الناس رفضاه
ليه بنصعب شرع الله ليه رافضين بقليله نعيش
لسه بأحاول
لسه لسه لسه
أنا لسه بأحاول
اتغربت كتير و شوية و رجعت أحلم بالمأذون
جيت وخيالي في بيت وصبية واللي أنا جبته مجبش صالون
واللي جريت وطلبت إيديها
طلبت شقة العفش ماليها
و أما لقتني مألقيش عليها دوغري قالت لي متلزمنيش
لسه بأحاول
حظي قليل وفلوسي قليلة واللي هتقبل أجيبها منين
وإزاي هقدر أشيل الشيلة وأنا مأقدرش على غويشتين
و الأيام بتفوت وتعدي
و أنا مش لاقي نصيب على أدي
الله يرحم أيام جدي فيها جواز الناس مغليش
لسه بأحاول
كل ما بأمشي وبلمح زفة بسأل نفسي إزاي عملوها
ده أنا م الغلى قربت أتوفى واللي بأشوفها بخاف من أبوها
واللي معاه المهر في جيبه
قدم شبكة وفاز بنصيبه
وأنا متحير واللي بجيبه ما يكفيش الفول والعيش
بردو بحاول
أهلي قالوا لي ما تحسبهاش بكرة سنين الهنا جايين
وحفيت لما طلعت معاش ولا جمعتش غير أوضتين
واللي اتخبلت واستنتني
لما شافتني عجوز طردتني
أصلها فاتها القطر وفاتني وأنا قولت لها ما تستنيش
أنا برضوا ححاول
للاستماع أنشودة لسه بحاول أكون نفسي
أنشودة طيبة عصام فتحي:
يامدينة طيبة..طيبة نورك ياحبيبة..طيبة
مشاركنا الليلة ..طيبة مع أهل الطيبة .. طيبة
يامدينة النور ..طيبة اسقينا عطور .. طيبة
ادينا زهور..طيبة لعريس قمور .. طيبة
منا لعريس ..طيبة وأهو وسط أحبابه ..طيبة
حافظ مقامه ..طيبة ودا لولا إيمانه ..طيبة
ما كان دا مكانه..طيبة ياجماله ياجماله ..طيبة
وأهو بدر منور ..طيبة سبحان من صور..طيبة
طه الرسول ..طيبة له نور موصول..طيبة
هنعيد وقول ..طيبة ابعد ياعزول..طيبة
حيوا الصديق ..طيبة كان أوفى صديق ..طيبة
وعريسنا رقيق ..طيبة خد وجه برئ ..طيبة
ارجع يازمان ..طيبة لعبير عثمان ..طيبة
جمع القرآن ..طيبة من كل مكان..طيبة
عدل الفاروق ..طيبة علانا لفوق ..طيبة
وعريسنا الذوق ..طيبة خد أحلى شروق..طيبة
ياعروسة الليلة ..طيبة نوارة العيلة..طيبة
من عيلة اصيلة ..طيبة والليلة جميلة..طيبة
فرحتنا نهار ..طيبة طرحت أنوار..طيبة
حوالينا أزهار ..طيبة هييجيبوا عمار..طيبة
راح أقول من تاني طيبة يا مدينة طيبة
نورك يا حبيبة..طيبة مشاركنا الليلة ..طيبة
مع أهل الطيبة .. طيبة
أنشودة ليالي:
ليــــــــــــالي
ليالي ليالي هلت علينا ليالي ليالي تسعد أهالينا
ليالي بالأفراح هالة يا ليالي و ضحكة م القلب وطلة يا ليالي
وقلوب مجمعهم الله ده الفرح الليلة الليلة غالي
ليالي بالأفراح هتعيش يا ليالي جوه القلب متتنسيش يا ليالي
يا أحزان أبعدي متجيش ده عريس الليلة الليلة غالي
ليالي من أحلى الأيام يا ليالي أحلى و أحلى مع الإسلام يا ليالي
هنقول فيها أحلى كلام ده عريسنا اختار الأصل العالي
للاستماع لأنشودة ليالي هلت علينا
أنشودة افرح يا أبو خالو:
افرح يا أبو خالو
عريسنا يا جماله راح ياخد حلاله و يروحوا التنين
كل الناس جاية له و لا كان يوم في باله يتحقق بآماله بعروسة صالحة زين
قرب يا قناوي و اسمع أحلى غناوي وهات معاك بسطاوي و هات معاك عوضين
دا أنا طول عمري غاوي و للإسلامي هاوي والليلة دي ناوي أهنى العروسين
بينا يا فرحة بينا لعريسنا وودينا وانشدي أغانينا وغني يا عين
ويا فرحة خدينا لعريسنا وودينا واحلوي يا ليالينا بأجمل قمري
اسمع يا جناب العمدة في فرح في الكفر حدانا
وأنا عزماك النهارده تيجي تشارك ويانا
وهيفرح كفر هنادي لما تيجي الليلة دي
مش يبقى الفرح عادي لما هتكون معانا
جبنا الشمع من البندر والسكر والشربا
والعطر عشان يتعطر لعريسنا أبو بدلة ذوات
وشموع الإسلامية راح تحي الحفلة ديه
وهتبقى الليلة ندية وأنت يا عمدة معانا
للاستماع لأنشودة افرح يا أبو خالو
أنشودة يا قلبى غنى افراح عصام فتحي:
يااااه يا إيه يا قلبي غني
يا قلبي غني وقول مبروك لكل إيد لبست شبكة
وروح و بارك للي دعوك و قول لهم شبكة مباركة
الشبكة بتخلي الأغراب صحبة قاريب على أحباب
والدبلتين عربون لكتاب بيكون أساس أجمل شركة
يااااه يا إيه يا قلبي غني
في كل بيت على أرض الكون وليف بيسعد بوليفه
والفاضي عينه على المأذون ودبلة تلمع في كفوفه
وفي يوم ما بيجي له نصيبه بيروح لمأذونه يجيبه
ويبقى يوم مليان بركة يا قلبي غني
دي أي دبلة بأشوفها يا عين بأغني والغنى يحلى لي
وأقول لقلبي نصيبك فين يرد ويقول عقبالي
وأقول له اصبر ده نصيبك هيفوت عليك مش هيسيبك
اضحك وسمعني الضحكة يا قلبي غني
نشيد أفراح وورود:
أفراح أفراح أفراح أفراح وورود
والقلب بيضحك للعرسان والفرحة ما ليها حدود
والدنيا تقول ياسلام ع الفرح مع الإسلام
أفراحنا جميلة وطاهرة حلال والناس للدين بتعود
ودى آية من الرحمن إزاى خلق الانسان
من نقطة مية جعله عينين وكمان شفتين ولسان
لو يرجع قبل سنين تلاقيه كان لسة جنين
شوف كبر إزاى وبقى عريس سبحان ربى المعبود
وكمان ربنا سواه وحفظ قلبه وهداه
لطريق الحق وعيشة النور والصحبة الصالحة معاه
يجعلهم أحلى شباب يجمعهم أسمى كتاب
عايشين على نهج رسول وده بين الناس محمود
عروستنا الطاهرة كمان ما هى نعمة من المنان
عاشت ع الفطرة سنين وسنين يرويها نبع القرآن
معتصمة بحبل الله ولا يمكن يوم تنساه
القلب خلاص عمران بالنور وبيحفظ أغلى عهود
قال عايز ذات الدين راح أكمل بيها الدين
راح نبني حياة على الإسلام يحفظنا في حصن حصين
ده نعيم الدنيا قليل ونعيم الأخرة طويل
وأهو بكرة نعيش في جنان الله في رضاه وفي أرض خلود
أنشودة هيلا هلا فرحة من القلب وطلة مصطفى محمود وفريق الوعد:
هي هيلا هاللا
هيلا وهاللا وهاللا هيلا هاللا
فرحة من القلب وطله
ومن العين يحرسهم الله
واحنا الفرح مواعدنا
وأهو جينا قبل ميعادنا
والكل يقرب منا وبحب يصقف ياللا
خدينا يا فرحة خدينا نسهر ونقول أغانينا
دي ليلتنا وغالية علينا
غلاوتها تبان في عينينا
وعريسنا الغالي يا محلاه ده نصيبه حورية بتهواه
وبشرع المولى وبهداه نسهر أجمل ليلة معاه
للاستماع لأنشودة هيلا هلا فرحة من القلب وطلة
أنشودة صوت جوه قلوبنا:
صوت صوت
صوت جوه قلوبنا نادي علينا وقال
يلا نقوم بواجبنا لعريس العرسان
كلمة كلمة
كلمة من قلبنا لأخونا وأختنا
في طاعه ربنا بيتكم هيكون هنا
لعريس العرسان
فرحة فرحة
فرحة من قلبنا
يوم ما تنادي علينا
وتيجي تقولنا
ده الفرح فرحنا
للاستماع لأنشودة صوت جوه قلوبنا
نشيد يا طيـــــر:
يا طير يا طاير فوق في سماه انزل شاركنا في سهرتنا
وهات نجوم الليل وياك نعملها عقد لعروستنا
دي الجنة فيها بنات الحور بترمي على عرسانها زهور
وعريسنا خد من الجنة عطور بقدوم حورية دنيتنا
انزل يا طير وابعت سلامات لصحبة للرحمن ساجدة
ومد على الأحباب جناحات متقولش عمر اليوم عدى
انزل معنا وغني يا طير لحد لما يبان تكبير
والنور يقول ده صباح الخير والفجر يسمع غنوتنا
انزل وهات مليون كروان بيهنوا ويغنوا لوردة
عريسها قلبه في كل أذان بيسمي ويقوم يتوضى
بدر البدور خد وجه صبوح والقسمة جمعت روح على روح
للطيبة طيب بيروح والطيبين زهر حياتنا
هل تبدى القمر:
هل تبدى القمر أم عريسنا ظهر
ربنا يحفظه من عيون البشر
يا عريس ما شاء الله على حسنك الله الله
بنفدم تهانينا ونقول الله بارك الله
يا عريس تحية خد لك منا وصية
الزم طاعة المولى بتعيش عيشة هنية
حافظ معها ع الصلاة بالترفق والأناة
بالرحمة والتعاون تحلى والله الحياة
عريسنا كمل دينه بزوجة تقية تصونه
واللي ما ياخد ذات الدين مسكين والله يعينه
نشيد ألفين مبروك عليكي يا عروسة:
ألفين مبروك عليكى ياعروسه يامؤمنة
هانطير من الفرحه بيكى ونقولك كلنا
أم العريس دى أمك حبيها علشان تضمك
هتشيل ولدك وهمك وتكون أم وحما
أمك غاليه وحبيبة وحماتك زيها
مليانه حنان وطيبة وعريسك ابنها
قابليها بقلب صافى هتكون لك حضن دافى
ده الود عبيره شافى والرحمة فى شرعنا
على الأم نبينا وصى وحفظنا وصيته
وفي يوم ماعليها نقسى هنتوه عن سنته
وعريسك حته منها خليه مايغيبش عنها
هتكونى فى يوم مكانها لما يكون لك ضنا
بكره الأهل يشوفوكى بأولاد تضحك لهم
وأولادك يسألوكى علطول عن ستهم
ياعروسه خلى بالك من ايد هتشيل عيالك
دى نصيحة وقلناها لك واتقالت قبلنا
أم العريس دى أمك حبيها علشان تضمك
للاستماع نشيد ألفين مبروك عليكي يا عروسة
نشيد اظهر يا عريس اظهر:
اظهر يا عريس اظهر سلم ع كل الحاضرين
نور يا عريس نور دي روايحك عطر الياسمين
يا عريس خد بالك زوجتك حلالك شلها في عنيك
ربي يصونها لك ويريح بالك وكمان يرضيك
الدنيا بحالها بسماها ونجومها اليوم جايين
علشانه وعشانها هتشوف بعيونها أحلي عروسين
وأجمل عروسين
للاستماع لنشيد اظهر يا عريس اظهر
نشيد الله المولى حارسهم:
الله المولي حارسهم الله يبارك فرحتهم
والله دا الفرح الليله جمع ع الحب أحبابهم
بينا ياحبايب بينا بينا نكبر ونصلي علي نبينا
عروسين قمرين هنا ويانا والأنوار قايده مع الزينة
عروسين من بيت أصل ودين ع القرآن متربيين
وعريسنا بالطيب زين عروستنا أخلاقها جميلة
ع النور في طريقهم ماشيين بالشرع وبأصول الدين
حمدين الرب وشاكرين ويارب تممها الليلة
للاستماع لنشيد الله المولى حارسهم
المزيد من أناشيد أفراح إسلامية قديمة:
يارايح ارض الافراح هاتلى معاك هدية
سبح الله المعبود صلى على النبي الهادى
أفراح أفراح ورود والقلب بيضحك للعرسان والفرحة مليها حدود
الله المولى حارسهم والله يبارك فرحتهم
محلا الليله الله يبارك فيها الليله
الفين مبروك عليكي يا عروسة يا مؤمنة
يا ليالي الفرح هلي اناشيد افراح
اغنية اسلامية من فرقة افراح الفتح
انشوده جينا لفريق الهدى للفن الاسلامى
الدنيا ضحكت لعريسنا – أفراح الندى الثاني
أفراح الندى الأول( كامل).زين العابدين .ساهر الجندي
أفراح الندى الثاني(كامل) زين العابدين.ساهر الجندي
واووو ابه الجمال ده فكرتونا بايام زمان
منتظرين زيادة
دور يا قمر قول للشجر الليلة هيطول السهر
بحب الاغنية دي جدا
جهد مشكور
يااااه .. افرح يا ابو خالوا😂من زمان
ماشاء الله ما شاء الله جهد رائع
جميلة ما شاء الله