السبت , فبراير 4 2023

قصيدة فن اختيار البني آدمين | فارس قطرية

قصيدة فن اختيار البني آدمين فارس قطرية، مع تحميل القصيدة Mp3 Mp4

قد يهمك:

قصيدة فن اختيار البني آدمين

فارس قطرية

كلمات قصيدة فن اختيار البني آدمين:

ما تجيش على نفسك ولا لحظة

أول ما تحس انك مظلوم مش واخد حقك تعبان

انك بتضحي وما بتلقاش تقدير مطلوب قدر الامكان

أول ما تحس انك خايف بعلاقتك باللي معاك سيبه

من حقك يا ابن الناس تتحب وتلاقي مع اللي تحبه أمان

تستاهل تفرح مع انسان ويشوفك أهله وأيامه

ويكون في طباعه الحنية ومش آسي في فعله ولا كلامه

يحترمك قدام الدنيا ويحترم الحب اللي عملتوه

تطمن بيه وتديه سرك وتعري عيوبك قدامه

تستاهل ما تشفش انك حمل في عيون اللي تحبه

وأصلاً الشخص اللي يحبك فعلاً هيشوفك أعظم أحلامه

العلاقات بالذات عاوزه الفاهم اللي ما عندوش الأنانية

عاوزه اللي بيعرف يبقى كبير مش كل حياته رومانسية

اللي لما بيغلط بيصلح وبيرجع ويقول أنا غلطان

أتخن علاقات ممكن تتهد إن كات مافيهاش الحنية

ما تخافش من الشخص اليغلط بس يرجع ويقول أنا أسف

خاف من اللي بيغلط ويزود

اوعى يا انسان تهمل حقك علشان لو سبته هتتعود

ما تجيش على نفسك مع واحد ما يجيش على نفسه عشان خاطرك

وان يوم حبيت تختار مظبوط ماتروحش تلخبط وتجود

ان ولا قليل ولا معيوب علشان تختار اللي يهينك

ويحسس روحك بيعوبها وهو المفروض انه يعينك

بيقلل ثقتك من نفسك فتحس انك حد قليل

وانت ولا قليل ولا حاجة بس انت اخترت اللي يهينك

شوف نفسك حد جميل يتحب واختار اللي يشوف زيك

حد يوريك انك قمره مش ممكن يبعد عن ضيك

انسان يختارك وسط الناس وتكون تغنيه عن كل الناس

وتكون مبسوط من أي كلام بيقوله ولو حتى زيك

الواحد هيعوز ايه يعني غير بس رفيق طيب وياه

يفرح أو يزعل ويتعب فيلاقي في دنيته حد معاه

انسان يتونس بيه في عمره ويعينه على هموم الدنيا

الواحد عايز ايه يعني غير قلب جميل بما يرضي الله

خلينا نقول ان زمانا كان صعب تلاقي علاقة بجد

بقى صعب تآمن على قلبك وتسلم يبقى سليم مع حد

لو روحت تدور على اللي يجوز يفهم ويصون مش هتلاقي

وان روحت تدور على الأطفال اللي ما بتفهمش هتزهق عد

الحب بقى رخيص ومجرد كلمة ملهاش معنى بتتقال

أول ما تقرب من انسان تتعلق بيه يتقلب الحال

من بعد ماكان مديك روحه

تلاقيه ما يحبش غير روحه

ماهو شافك راضي وهتكمل مش لازم يثبت لك أفعاله

هتعدي حقوقك من الأول ماتجيش في الأخر تطلب حقك

هترخص نفسك من الأول انسى انك تنطق كلمة لأ

هتتهان وتقول حاضر طيب

تتعاب وتقول حاضر طيب

هتقضي حياتك بتحاول وتعدي ساعات اليوم بالزق

مش كل الناس تعرف قيمتك إنت اللي بايدك بتحدد

ما تروحش تسيب قلبك للناس تستمتع بيه وانت تعدد

خليك موجود بس مش مضمون لو مش مرتاح عادي هتمشي

ما تخافش من اللي يقول هامشي

افرد رجليك بعده ومدد

وعجبي

تحميل فن اختيار البني ادمين فارس قطريه Mp3 Mp4

اترك تعليقاً

لن يتم نشر عنوان بريدك الإلكتروني.