السبت , فبراير 4 2023

قصيدة عام مضى ما يجوزش فيه إلا الرضا مكتوبة | فارس قطرية 2023

نقدم لكم قصيدة قصيدة عام مضى ما يجوزش فيه إلا الرضا مكتوبة الشاعر فارس قطرية 2023.

قصيدة عام مضى ما يجوزش فيه إلا الرضا، قد طرحها الشاعر فارس قطرية بمناسبة العام الميلادي الجديد 2023.

قد يهمك:

قصيدة عام مضى مكتوبة

فارس قطرية 2023

كلمات قصيدة عام مضى ما يجوزش فيه إلا الرضا فارس قطرية 2023:

عام مضى ما يجوزش فيه إلا الرضا

فيارب راضين بالقضا ورامين همومنا لرحمتك

اكتب لنا الخير في اللي جاي واروي زعلنا بفرحتك

على أد ما تعبنا وعنينا وشوفنا أيام مش تمام

خلي اللي جاي برد وسلام واربط قلوبنا بتقوتك

عشمان يارب في كام طلب ومافيش طلب يكبر عليك

عشمان أزور بيتك قريب وأرمي الهموم وأنا بين إيديك

عشمان أسلم ع النبي وأتمشى حبة في حضرته

وأرتاح شوية من البشر ومن الحياة وأهرب إليك

فاتت سنة ولسه الدعا ماوقفش ولا يوم هأقطعه

إن كان لي فيه خير قربه وإن كان لي شر إنت امنعه

أنا عبد ما أعرفش النصيب ولا لي دخل في حكمتك

أن بطلب إللى أنا نفسي فيه وبأقول يا رب وبتسمعه

عمالة بتعدي السنين وأنا قلبي لسه في مطرحه

أبسط كلام بيزعله وأبسط كلام بيفرحه

ولا عمري شلت في قلبي كره

ولا افتريت يوم ع اللي مني وأنت عالم يا رب إن قلبي كداب افضحه

أتمنى في العام الجديد أحباب يبقوا قريبين

أمي وأبويا وصحبتي وكل اللي مني طييبين

ما يورنيش فيكم أذى ولا نتسرق ولا نفترق

بدعلكو من قلبي بصحيح لو حتى ما قولتوش أمين

إن شالله يا أما أطلعك حج السنة دي في الحرم

وان شا الله يابا تعيش كمان ويزيدوا فيك طبع الكرم

وإن شا الله يا صحابي العزاز يهديكوا ويمسيكوا خير

ويدوم علينا الستر دايماً في الحلال والمحترم

كل اللي لي في قلبهم خير من زمان

الله يفتح ليكوا أقفال البيبان

ويعود عليكو بالفرح ويعود عليكو بالإيمان ونعيش سوا وتموتوا بعدي

لا أخلف وعودكو في أي شئ ولا تخلفوا ولا تنسوا وعدي

لأخواتي وصحابي العزاز في القلب ليكم دعوتين

ليكو مكانة ومنزلة وفاكركوا حتى إن روحتوا فين

عشرتكوا أغلى من الدهب الله يديمها بالأصول

وما تزعلوش مني أما أغيب أو يوم أقصر حبتين

ولكل واحد راح خلاص الله يسهلو الطريق

ندعي له بالخير أصله كان عشرتنا برده وكان صديق

وإن كان علينا فالمسامح أجره عند الله عظيم

وإحنا أهو مسامحين يا رب القلب قدامك برئ

لكن في كام واحد كده جرحونا جرح ما يتنسيش

الضربة كات صعبة وعافية وسايبة شئ ما بينتهيش

أهو دول بقى عوزين عود ينفع يكون رد القلم

علشان سابونا بحزن بين بعده مش عارفين نعيش

وزي العادة والمعتاد عشمنا كبير في كرم الله

يجيب الحق ويطيب خاطرنا بعد قولة أه

ولو علي مشي وسابنا وقل الأصل والمعروف

فهنجيب زير من الزقازيق ونكسر زير وقلة وراه

وختاماً ربنا يدينا على قد نوايانا ويهبنا السعادة والفرحة في السنة الجديدة بأمر الله

وعجبي

3 تعليقات

  1. خلي اللي جاي برد وسلام واربط قلوبنا بتقوتك

  2. اكتب لنا الخير في اللي جاي واروي زعلنا بفرحتك

  3. الحمد لله على ما مضى اللهم اجعل هذا العام عام فيه يغاث الناس ويعصرون

اترك تعليقاً

لن يتم نشر عنوان بريدك الإلكتروني.