السبت , فبراير 4 2023

قصيدة وبالوالدين إحسانا مكتوبة | فارس قطرية

نقدم لكم قصيدة وبالوالدين إحسانا مكتوبة فارس قطرية.

والقصيدة كتبها الشاعر فارس قطرية تأثراً بفيديو انتشر على السوشيال ميديا لشخص يضرب أمه المسنة.

قد يهمك:

قصيدة وبالوالدين إحسانا مكتوبة

فارس قطرية

كلمات قصيدة وبالوالدين إحسانا:

غيرك يتمنى ولو لحظة يرجعوا من التربة معاه تاني

غيرك بينام وعنيه وجعاه من كتر عياطه وبيعاني

الله لا يوريك يا ابن الناس وجع اللي حبايبه سابوه وراحوا

سيبك من أوجاع الدنيا الموت ده الوجع الحقاني

جربت تنام وانت بتبكي على حد عزيز يوم ما اتوفى

ما لحقتش ليه تشبع منه أهو جاله الموت قلب الكفة

أخرك تدعي له يكون مبسوط وتقول الله يرحم روحه

لا هتعرف تحكي معاه تاني ولا تمسك ايده وتتدفى

باستغرب من اللي بيأذي أبوه ويسيب حضن أمه ويرميهم

لو كان ربنا رزقك واداك فاداك من بركة دعاويهم

يا ابني اللي مالوش خير في اللي معاه عمره ما هيكون فيه الخير للناس

لو راحوا هتندم طول عمرك ان انت ما عشتش ترضيهم

اسألوا اللي اتوجعوا وشافوا حبايبهم راحوا بلا استئذان

يقولوا لك خد عمرنا كله ونشوفهم صاحين مرة كمان

يحكوا لك عن وجع الدنيا من غير الغالين وياهم

وإن ساعتها الوقت بيمشي لكن ما بتمشيش الأحزان

الله يرحمه كان سيد الناس كان هيبة وعرض وطول وجميل

كان طيب جداً وحنين وكريم وخفيف وعفيف وأصيل

أنا كنت بحبه وكان عارف إن أنا عارف إنه حاببني

وأهو راح من كام سنة وماسبليش غير صورة ذكرى وهم تقيل

المغزى يا ناس اشبعوا من الناس افتكروا الناس ده الموت كناس

افرحوا واضحكوا واعملوا أوقات قبل لما الأرض تنادي الفاس

ف حاجات تتعوض بالأيام وحاجات بتروح ما بتتعوضش

أنا أهو جربت فراق الموت وفراق الموت أصعب احساس

اشبعوا من الناس أنا فاكر جدي أما اتوفي بعدين جدتي بعدين عمي

كان لي صديق كان أغلى صديق وارتاح من زني ومن همي

بأتسحب في السر أنا وبروح من وقت لوقت وأكلمهم

أقرأ لهم ربعين من القرآن وأدعي لهم من قلبي ودمي

أنا أصدق حد كتب في الموت علشان أعرفه وأعرف ناره

بأوصف تفاصيل صعبة أنا عارفة بس أعمل إيه دوقت مراره

باتمنى الوقت يعود تاني وما يفدش بحاجة إني أتمنى

من داق الشئ واتكوى منه بيكون على علم بأسراره

اشبعوا من الناس وما تتغروش وتقولوا ماهم جنبنا على طول

عيشوا كأن الدنيا دقيقة وهتعدى وكل الناس هتزول

ربنا لا يوري لحد غياب ولا يكسر قلب عزيز بفراق

ويصبر كل اللي اشتاق وعنيهم شايفة ومش بتطول

ويهدي الراجل اللي فوق ده وعجبي

اترك تعليقاً

لن يتم نشر عنوان بريدك الإلكتروني.