السبت , فبراير 4 2023

قصيدة محسودين على الهم مكتوبة | فارس قطرية

نقدم لكم قصيدة محسودين على الهم مكتوبة فارس قطرية، مع تحميل القصيدة Mp3 Mp4

قد يهمك:

قصيدة محسودين على الهم مكتوبة

فارس قطرية

بقى الواحد يخاف يفرح يلاقي الفرحة مش حباه

يخاف يرمي الحمول على حد ويتعشم في خلق الله

يخاف من ضحكته إن تطلع ولو لدقيقة من قلبه

ليحسدوا ضحكه على غلبه ويفتكروا الحياة حباه

ساعات الصورة بتبين حاجات غير اللي حسينها

بنضحك فيها زور ونبان جمال عشان نحسنها

ما حدش عارف المضمون ولا اللي مخبينه هناك

مظاهر حلوة ع الشاشة وأحزان فينا دفنينها

محدش عمره بيبن ولا بيظهر وجع جواه

ويمشي في دنيته بيندب ويستعطف في خلق الله

في ناس بتشيل همومها في صمت وتطلع للجميع تضحك

عشان عارفين مافيش إنسان يأمنوا له ويحكوا معاه

تشوفنا الخلق من بره يقول العيشة مبسوطة

وبص يا عم على حاله دي رايقة معاه ومظبوطة

لكن والله شفنا كتير وشلنا كتير وتوهنا كتير

ماكنش معانا ولا إنسان وإحنا بنطفح الكوتة

بلاش نحكم على الظاهر دا ستر الله مداري كتير

ونحسد حد على حاجة خسر قدامها برده كتير

نسيب الخلق للخالق ونشغل حالنا بأحولنا

عشان ممكن تشوف إنسان يبان مبسوط وهمه كبير

يدوم الستر على الواحد ويفضل باين إنه جميل

تشوفه الناس بيضحك زور فيفتكروا إن همه قليل

كلام الناس لا بيقدم ولا يأخر ولا بيفرق

فخليهم يزيدوا كلام على الضحكة ولو تمثيل

ده حسدوا الميت إنه ارتاح هتيجي يعني عل العايشين

فخليهم يزيدوا كلام وبنعيش الحياة راضين

واللهم لك الحمد ولك الشكر على الأحوال

ومهما إن زاد بلاءنا يا رب هنفضل للنعم شاكرين

بنتعب أه لكن ما نقولش ونزعل بس جوانا

ونطلع بره زي الفل ونمشي رجولنا شيلانا

ما بنحبش نبان ضعفا عشان الضعف مش لينا

ومانحبش هموننا تبان وحد يشلها ويانا

بفضل الله بنتصرف بدون ولا حد

فمش قادر تكون جنبي فكن إنسان جميل واسكت

ما تتكلمش عن حاجة ما تعرفش اللي جواها

تبص على من بره وتحكم على اللي مش حكمك

سيب الناس في أيامها وفي هموهما إللى شيلاها

تحس الناس بقت بتخاف تشوفك راضي ولا تمام

يبصوا عليك وإيه في ايديك وعندك إيه وليه وبكام

ما حدش كان معاك واقف لوحدك

وانت بتحاول تبان مبسوط وبتهزر وتخفي قسوة الأيام

رجاء للي مش فاهم وعارف ايه في قلوبنا بجد

يخليه في حاله وفي نفسه وما يبصش لنعمة حد

عشان ممكن يكون دافع قصادها حاجات وشايل هم

يبان لك سهل من بره لكن لو شيلته يوم تتهد

رجاء للي مش فاهم وعارف ايه في حياتنا بجد

يخليه في حاله وفي نفسه وما يبصش لنعمة حد

عشان ممكن يكون شايل قصادها حاجات وشايل حمل

يبان لك سهل من بره لكن لو شيلته يوم تتهد

وعجبي

تحميل اغنيه محسودين علي الهم لفارس Mp3 Mp4

اترك تعليقاً

لن يتم نشر عنوان بريدك الإلكتروني.