الإثنين , مايو 20 2024

قصيدة أهل النفاق مكتوبة | فارس قطرية

نقدم لكم قصيدة أهل النفاق مكتوبة الشاعر فارس قطرية مع تحميل القصيدة mp3 ,mp4.

قد يهمك:

قصيدة أهل النفاق مكتوبة

فارس قطرية

كلمات قصيدة أهل النفاق:

ماهو برده أكيد ربنا شايف الواحد عدى بإيه وراضي

عدى بصدمات وبشر فترات وزعيق وعياط وكلام فاضي

أنا كان في حياتي شوية ناس الطب النفسي يتوه فيهم

بتلاقي الواحد كله عيوب ويجلك يعملك قاضي

قبل لما تشوف بلوة غيرك روح صلح بلاويك وتعالى

بص على العقد اللي في قلبك واتصرف زي الرجالة

سبحان الله تلقى المعيوب بيفكر كل الناس زيه

ويشاور لك على غلطات الغير ومكانه الصح الغسالة

وفي نوع بيحب يقول ويعيد ويوسخ كل اللي يقابله

يحكي لك عن نزوات غيره وكأن مافيش بعده وقبله

هو اللي ملاك طاهر معصوم بيعاني من الدنيا الوحشة

النوع ده مالوش حل يربيه الحل الصح تسيب حبله

أشخاص بطلع نقصها فيك تأذيك لله من غير أسباب

لو ورتهم خير الدنيا وود الدنيا برده هتتعاب

يأمروا بالبر وبالتقوى وقلوبهم فيها سواد بين

يضحكوا لو قعدوا معاك في البيت ويجيبوا في سيرتك من ع الباب

في نوع من الناس تتكلم فيك وقت غيابك ويلسم ويبوس لو شافك

ويطلع أسرارك للناس ويقول إنه غطاك ولحافك

ومالوش أصحاب دايماً طاير يخبط في الضهر ويدارى

لو سبته يسوق فيها بيطغى ويدلدل رجله على كتافك

أن عمري ما كنت وحش مع حد بأتكلم جد

أنا مش إنسان ظالم وشديد

أنا بس عشان عندي كرامة لما أزعل باخد جنب بعيد

أنا بأعرف أعيش مع كل الناس وبحب الناس وبروح للناس

بس لو ما ارتحتش وأنا موجود مش فارق عندى وبأمشي وحيد

ما بجبش في سيرة حد وأغتاب وأرمي الباطل على أهل الحق

وجيتولي كتير وطلبتوا كتير وما قولتش ولا أسف ولا لأ

على قد ما ربنا قدرني ما طلعتش في الحوجة أناني

وأول ما وقفتوا إنتوا وقفتوا ومحدش فيكوا جالي وزق

قبل لما تجيبوا في سيرة الشخص افتكروا العيش اللي أكلتوه

افتكروا الشدة اللي تكسح ووجوده معاكوا لما احتاجتوه

مش عارف ليه البني آدمين لما بتاخد حاجة بتنسى

وإن مهما تكون حلوة طباعه مع أول مشكلة بيسبوه

عاوز تعرف طبع الإنسان اتفرج على زعله في مرة

إذا كان هيصون عشرة وأيام ولا هيقول اطلع بره

عمرك ما تقيس حب الإنسان والدنيا جميلة وكله تمام

شوف وقت ما يبقى ما بينكم خلاف هتلاقي المداري اتعرى

لا تعجبن لمن يخون مودة أو يرمي عرضك بالذي لم تأته

سارة قلوب الناس تحترف الأذى يؤذون ظهراً يضحكون لوجهه

من خان مرة قد يخون إلى الأبد لا تأكلن ولا تنمن وتأمنن بداره

تحميل اهل النفاق فارس قطريه Mp3 Mp4

2 تعليقات

  1. جميلة

  2. ربنا يكفينا شر المنافقين

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *