الإثنين , مايو 27 2024

قصيدة وزعلان يعني ع حالك مكتوبة | فارس قطريه | استعن بالله

نقدم لكم قصيدة وزعلان يعني ع حالك لأنه ما إستجـابش دعـاك مكتوبة فارس قطريه، استعن بالله.

قد يهمك:

قصيدة وزعلان يعني ع حالك مكتوبة

فارس قطريه

استعن بالله

كلمات قصيدة وزعلان يعني ع حالك:

وزعلان يعني على حالك لأنه ماستجابش دعاك

بتصلي وبتزكي لكن بردوا ما فيش تجديد

وبتقول الهموم هتقل وبتلاقي الهموم بتزيد

بتعمل خير ما يتردش برغم إنه وعد يترد

فتيأس من الدعا لربك وواحدة بواحدة تبقى بعيد

تقول إزاي أنا مهموم برغم إني مطيع لله

وغيري عاصي لأوامره لكن مبسوط وحلوة معاه

ربي وعدني لو وفيت حقوقه هيرضي وهيفرج

ليه أنا رغم طاعتي بعيد على الخير اللي بأتمناه

يا إنسان

تأدب في جلال مولاك وقول يارب واستنى

ربك عالم الأصلح وبيزيح الشرور عنا

مين أنت عشان تختار لنفسك ما يليق بيها

إبليس بردوا كان ناقم وربك حرموه من الجنة

فلا تألف نعم ربك وتنسى الشكر على حالك

تأمل في عطايا الله اللى بدون مجهود وهبها لك

ده لو جالك شوية برد بتفضل في السرير تشكي

تخيل أد إيه بتعصاه بنعمه عليك وسبهالك

اصبر واحتسب صبرك واحمد قد ما تعاني

وقول بينك وبين نفسك خلقني ومش هينساني

قول يارب أنا راضي وشاكر فضلك الموصول

رجائي فيك لا يبلى إلى أن تبلى أحزاني

خلي يقينك الدايم في عدل الله وتدبيره

ساعات الاختبار بيكون تقيل على قد تيسيره

كمل وأنت متأكد بإن الكرب فرجه قريب

ده رب الناس سند للناس ولا للناس سند غيره

تعليق واحد

  1. الحمد لله يارب استجب دعاءنا

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *