تحميل قصيدة في ناس بتمشي فراقها ميهزكش مكتوبة | فارس قطرية

نقدم لكم تحميل قصيدة في ناس بتمشي فراقها ميهزكش مكتوبة Mp3 Mp4 الشاعر فارس قطرية.

قصيدة فارس قطرية عن الفراق (وفي ناس فراقها بيدبح الأيام )مكتوبة.

قد يهمك:

تحميل قصيدة في ناس بتمشي فراقها ميهزكش مكتوبة

فارس قطرية

كلمات قصيدة في ناس بتمشي فراقها ميهزكش:

في ناس بتمشي فراقها ميهزكش

وفي ناس فراقها بيدبح الأيام

وأنا عندي حد فارقني من فترة

ومازلت أشوفه في كل فترة بنام

يوحشني صوته وشكل تجعيده

يوحشني منه هزاره وسط الجد

بما إني بأكتب له بما أنه مش موجود

فأنا عاوز أقول ببرود إنك وحشني بجد

لما أنت ناوي تموت وتصعب الموضوع

ليه سبتني أتعلق بحاجات هتبقى دموع

ليه يعني عودتني على حضن مش دايم

طب أديك أهو نايم وأنا صاحي بيك موجوع

قبل لما تمشي أنا جيت علشان أسلم بس

علشان أبوسك بس

والأوضة بابها الغبي مكتوب عليه ممنوع

كل الدكاترة هناك ولا يعرفوك حتى

ولا يعرفوا إن أكيد هتحب أكون حاضر

كان يومها أول يوم أسكت وأقول حاضر

حسيت كأني غريق والدنيا سودة ضباب

كان قلبي بيعيط من كسرة الخاطر

لفوك في توب أبيض يا أبو قلب لونه أبيض

كان كل شئ باهت بس السحاب أبيض

كان زفتك حلوة والناس حزينة بقلب

كانت ملامحك نور لون شعرك الأبيض

من يومها وأنا ضهري مكسور بقول الصبر

أقسم برب الكون حسيت بقلبي اتخلع ورموه معاك في القبر

الكسر لو في العضم بيلم بالأيام

كسرك ده كان في القلب والقلب رفض الجبر

مع إني واد شاعر بأوصف ألام وجروح

ما أعرفتش أكتب لك من يوم ما قولت هروح

ما أعرفتش أوصفني وأنا ببكي وأتشحتف

وأنت إللي قولت ما فيش راجل عنيه بتبوح

ما أعرفش ليه الليلة جيت أكتبك فبكيت

إن كان ده كله هزار فيا سيدي أنا استكفيت

بيقولوا وجع الحب صعب وتقيل ع الناس

لو داقوا وجع الموت كانوا ناموا جنب الحيط

شوف كام سنة غيابك على العهد مش ناسي

بأتباهى وسط الناس إن أنت من ناسي

بأفرح من حد يقول إني أشبهك في الطبع

إزي ما أكنش أصيل وإنت إللي أستاذي

فاكر الكلام بالحرف والله حرف بحرف

إني ما أخنش رغيف كالتوا في بيت إنسان

وإني أموت راجل ولا إني أعيش متهان

وإني لا أصاحب ندل ولا أمد إيد لجعان

وإن الكلام هيبة ولازم يكون له ميزان

وأنك تدين تدان لازم تعيش طيب

نفسي أسمعك تاني بتنصح وأقول طيب

ويا سيدي على كل ألقاكي هناك على خير

عيش أنت واتهنى

ولو أنت مش في نعيم مين يدخل الجنة

أنا مش بقر عليك أنا غرضي أكون وياك

مكتوب علينا نعيش في الموت بنستنى

الله يكون في العون

تحميل في ناس بتمشي فرقها ميهزكش فارس قطريه Mp3 Mp4