قصيدة سلام نفسي مكتوبة | فارس قطرية

نقدم لكم قصيدة سلام نفسي مكتوبة فارس قطرية.

قد يهمك:

قصيدة سلام نفسي مكتوبة

فارس قطرية

كلمات قصيدة سلام نفسي:

كبرت كتير عن إمبارح وبقى عندي سلام نفسي

بسيب الحاجة بظروفها وما يشغلنيش سوى نفسي

ما بستناش من الدنيا تجيب لي حد يراضيني

وخلاص ما بقتش محتاجها بقيت بعملها أنا بنفسي

فدايا كل شئ فايت ويتعوض بأمر الله

وكل الحب والتقدير لأي حبيب ظلمنا معاه

مسمحينك وحد الله ما بينا وبينك إيديك تاني

روح ربك يسهل لك ولو على الجرح فهننساه

هيرضينا بحق الليل وحق سهرنا وزعلنا

هيرضينا عشان عارف وعالم بينا وبحالنا

يا بخت إللي اتأذى وصابر وراضي بعدل مولانا

مافيش في جمال وكرم الله وهيبعت زي مافي بالنا

هتعقل وقت ما هتفهم إن الدنيا دي فترات

ولازم تلقى ناس صعبة وتتعلم من العلاقات

تقع مرة وتتعور وتنشف بعدها تهدى

وتبدأ تمشي وأنت تقيل ومش خايف من الصدمات

أقرب ناس هتيجي عليك وهتغير من حاجات عندك

وهتلاقي إللي بتحبه بيهدم فيك وبيعندك

وهتقابل صحاب فكة ما يتقلعوش من الرجلين

وهتقابل صحاب تانيين في وقت الوقعة بتسندك

هتكسب نص روقانك في وقت ما تنسى وتعدي

تسيب الموج يجيب الناس وزي ما جابها بيودي

ما تتعلقش بالجامد ولا تصدق كلام الناس

عشان أنا برده صدقته وهروني أقلام على خدي

مصيبة تكون حساس وأي كلام بيوجع فيك

هتفضل تقتلك تفصيل صاحبها كان معاك ونسيك

هو ارتاح وعاش مبسوط وأنت لسه بتموف أون

بيجيوا يقضوا وقت جميل وأنت تلم حق الشيك

صباح الفل على الغايب كفاية يا عم بزيادة

هتفضل طول ما قلبك خام تلف في دايرة متعادة

تحاسب ع إللي ما شربتوش وتتجرح وما يحسوش

يشيلوا إيديهم الناعمة ورقبتك أنت سدادة

كل الناس بتستسهل تدوس على أي حد ضعيف

ولو يوم قولت مش قادر هتطلع ندل كالعادة

فندل بندل شوف نفسك ونام على جنبك المرتاح

اقفل بابك المفتوح وارمي بعدها المفتاح

أنا على قد ما حياتي كانت صعبة بسبب قلبي

بقيت مبسوط ومتراضي وبعيش على أي فرح متاح