الخميس , فبراير 22 2024

قصيدة ربنا نجاك مكتوبة | فارس قطرية

نقدم لكم قصيدة ربنا نجاك مكتوبة فارس قطرية مصحوبة بالفيديو.

قد يهمك:

قصيدة ربنا نجاك مكتوبة

فارس قطرية

كلمات قصيدة ربنا نجاك:

اسمع

الكلب إللي امبارح عضك وسنانه في ضهرك محفورة

مش ممكن يبقى أليف أبداً ولا ينفع يقلب عصفورة

الناس بردو ما بتتغيرش والندل بيفضل دايماً ندل

إياك تفرد له إيديك أبداً علشان هتيجي لك مكسورة

إللي أمنت له مرة وخانك عمرك ما تروح له ولو هتموت

الحب جميل لكن كداب ولا بيشبع ولا يبني بيوت

لما بتتإذي من حد عزيز وتسيبه دي مش قسوة في قلبك

دي اسمها بتحافظ على نفسك وبتبني حياة بأساس مظبوط

كلنا مرضى وعندنا حكايات مركونة في ناحية ما بنقولهاش

عندنا حوارات وصور وآهات وأغاني صحابها ما قدروناش

المحزن في الموضوع فعلاً إننا قدرنا إللي كسرنا

والمضحك في الموضوع فعلاً إن إحنا عرفنا وما وقفناش

معمول لك عمل إنك تفضل واقف مستني إللي ما بيجيش

يا ابني اتحرك مش ها أتحرك يا ابني اتحرك أصله ما عازنيش

ما يروح الله يسهل حاله ومشاكله واسمه وعنوانه

خليك تتنيل تبقى تمام

وتكمل بقى عمرك وتعيش

الواحد يزعل على إنسان كان فعلاً بيحب ووياه

يزعل على واحد باع الكون واعتزل الناس واستنى معاه

إنما يزعل علشان واحد دوقه من كل إللي يخوف

يا أخي بركة إن الواحد بيعيش وبينسى وبالوقت هتنساه

سبحان الله إللي بيجبر وبيبني إللي الناس بتهده

بتلاقس العبد خلاص يائس وأيادي الله فجأة تشده

تجبر بالخاطر وتراضي وتلم المتكسر جواك

لو جرحك قد الشرقية رحمة ربنا قدرة تسده

لو كان فيه الخير كان يبقى معاك إنما والله ما كان خير ليك

لو كان ربنا قسمه في رزقك مش جايز كان يفضل يأذيك

أوقات تتمنى حاجات حلوة وتفضل تدعي وتدعي وتدعي

وعشان ربنا عالم ورحيم يرزقك الحاجة إللي تليق بيك

إنت ما قصرتش ولا معيوب أنت الكسبان

وهتزعل أه وهتتعب أه وهتيأس أه أصلك إنسان

والوقت هيجري وهينسيك وتلاقي معاك إللي يصونك

وهتفرح بالعوض الطيب وتقول له يارب أنا مش زعلان

ربنا لما بياخد حاجة بيجيب بعدها حاجة تكمل

خد منك خوفك وتعاستك علشان يديك أفراح وأمان

تزعل على مين صلي على النبي ربنا نجاك

علمك إنك لازم تكبر وتنقي إللي يكمل وياك

تختار أبو قلب نضيف وخفيف ويحبك فعلاً ويصونك

وتسيب إللي بيكسر خاطرك وبيستعماك

ربنا نجاك

البني آدمين بقوا زي الطين وما يتعشروش

لو ضهرك مال يتلموا عليك ويغموا عنيك وما بيسموش

وعلشان ربنا عارفك غلبان ومالكش دراع يسند عودك

كان هو إللي بيسند عودك ويشيل الناس عنك ويحوش

مع إنك مش أحسن حاجة وبتنسى ساعات وما تفتكروش

فابقى افتكروه

سبحان الله إللي بيجبر وبيبني إللي الناس بتهده

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *