موقع اسكتشات فنون سمعية وبصرية
نقدم لكم قصيدة مش عيب إنك تبقي حنين مكتوبة فارس قطرية، مع تحميل القصيدة Mp3 Mp4.
قد يهمك:
قصيدة مش عيب إنك تبقي حنين مكتوبة
فارس قطرية
كلمات قصيدة مش عيب انك تبقى حنين:
لو يوم قررت تعاتب حد قلبك بيعزه وهو آذاك
دوقه إحساس نفس الحاجة وساعتها هيفهم غلطه معاك
ولا يوم تتنازل عن حقك وتقول ده حبيبي وهيقدر
اديت معروف تاخد معروف غير كدة يبقى اسمه بستعماك
الحاجة الصح بتمشي تمام وتكمل ما بتأذيش روحك
لو فاكر حد هيبقى عليك يبقى أنت بتضحك على روحك
كل إللي العلاقات من غير تقدير عمرها ما بتكمل وقت كبير
أخرتها هتاخد كف تمام وهترجع تندب في جروحك
أفشل علاقات ممكن تحصل هي العلاقات الأحادية
هتلاقي طرف مسحول فيها والتاني تمام مية المية
واحد بيحاول ويصلح وبيتعب وبيدي الحاجة
والتاني بياخد ويضيع ويشوف إنها حاجة عادية
لو يوم مالقتش أمان امشي
لو يوم حسيت بوجع امشي
لو يوم ما اتقدرتش امشي
وما تبصش ورا منك تاني
في حاجات لو هتكمل فيها هتكمل عمرك بتعاني
ياما فيه أشخاص خسرت روحها وضحكتها علشان ناس فارقوها
ما إنها تعبت وادتهم كات تبني حاجات فيهدوها
اختار الأول شخص سليم ويحبك ويصونك علشانك
في ناس بتروح وتنقي جروح على هيئة ناس ويحبوها
مش عيب إنك تبقى حنين العيب إنك تبقى مكمل
في حاجات تعباك وبتيجي عليك وبرغم الحزن بتتحمل
بتقول هتعافر وتغير وبتتعب وبتطلع خسران
وتشيلها لوحدك في الأخر زي الأتوبيس ماشي محمل
لو عشت بترضى بغير قيمتك تستاهل ذلك وأوجاعك
وكنت بتشتري حد رخيص فبلاش تستعجب لو باعك
كان أبويا يقول لي أوعى ترخص من روحك وامشي بكل هدوء
وإن حد رماك يا ابني في مرة ارمي اللي جابوه بعزم دراعك
ربنا نفسه ما يرضاش بالظلم أنت هترضاه يبقى استاهل
ما تسبش مشاعرك تبقى مشاع وتعدى إهانتك بالساهل
إللي ما بيحسش نفسه كبير الناس هتشوفه كبير إزاي
وإللي ما بيحبش نفسه كتير إنسان جاهل
في ناس تعيش تاخد منا وتتعود تاخد ما بتديش
وبنتعب منها ونستحمل وندوس عل روحنا وما يكفيش
أوحش إحساس إنك تدي وتلاقي جميلك بقى عيبك
وعشان الواحد قلبه خفيف بيعدي حاجات كات ما بتعديش
فاليوم لو حبيت تدخل علاقات أوعى تسيب حد يهين نفسك
وإن أنت جميل تستاهل خير من غير الناس حلو بنفسك
وإنك مش ناقص علشان يوم تكمل بوجود حد وحاجة
وإنك غالي شوف نفسك شئ حلو ويتحب
هتلاقي الناس شيفاك عالي
لو يوم مالقتش أمان امشي
لو يوم حسيت بوجع امشي
لو يوم ما اتقدرتش امشي
وما تبصش ورا منك تاني