الإثنين , مايو 20 2024

قصيدة في سر كبير جواك مكتوم مكتوبة | فارس قطرية

نقدم لكم قصيدة في سر كبير جواك مكتوم مكتوبة فارس قطرية.

قد يهمك:

قصيدة في سر كبير جواك مكتوم مكتوبة

فارس قطرية

كلمات قصيدة في سر كبير جواك مكتوم:

أنا عارفك جداً على فكرة

أديك إثبات

فيه جرح قديم لسه معلم جواك من واحد حبيته

فيه سر كبير جواك مكتوم عمرك ما كتبته ولا حكيته

كان عندك كتكوت اسمه غريب مات وإنت صغير ودفنته

ويا ريتك مت معاه صغير أحسن من الهم اللي عنيته

الشلة بتاعتك وصحابك أغلبهم راح لما كبرتوا

السهر إن كان بفلوس تغتني من كتر السهر إللي سهرته

ولا منك صاحي تكلم حد

ولا منك نايم ومنفض

قاعد بتبرق في الشباك

بتراقف وتعاتب كام شخص خسرته

حبيت واتسبت وقولت خلاص هتعيش مع نفسك ولحالك

مضايق إن مافيش إنسان كان عنده فضول يسأل مالك

الناس بتشوفك شخص كئيب

بس ما يرضوش يعرفوا طب ليه

شاطرين بس يعاتبوك وخلاص ويقولوا إيه غير أحوالك

خلقك بقى ضيق ومصدع وبتشرب قهوة

وزهقت تشيل همك وحدك فبقيت بتشيل همك والطين

خروجاتك قلت وصحابك ما بقوش يتصلوا فتتأسف

أصلاً أصحابك لصداعك ما بقوش فاضين

العالم داير من حواليك وإنت التفاصيل وقفت حالك

فيه حاجات بتهم الناس لكن ما بقتش حوار بالنسبة لك

زي اللمة أو طعم الأكل الحب ولبسك وشياكتك

أهملك الكل وفجأة بقيت مرتاح مع فكرة إهمالك

أنا مش ساحر

أنا حد يا دوب شبهك فبقيت يا دوب بوصف حالي

فيه حاجات بتهم الناس لكن ما بقتش حوار بالنسبة لي

زي اللمة أو طعم الأكل الحب وشكلي وشياكتي

أهملني الكل فبقيت مرتاح مع فكرة إهمالي

زيك بالظبط الناس اللي الشعر نداهم

بيميلوا لناس عايشة معاهم

الشعر اللي يحبه المجاريح اللي الأيام مش حباهم

المعتزلين كدب العالم أملاً في الجاي يكون أحسن

بيخشوا الحرب بكل هدوء وبرود وقلوبهم جيباهم

ما صباح الفل على الدنيا وهنخسر إيه يعني زيادة

امبارح توأم من بكرة وهي الأيام هي العادة

الحزن ميزاته إنك عايش مش خايف تحزن ما أنت حزين

وما فيش مقتول هيموت مقتول

أخره هيتخربش بزيادة

تعليق واحد

  1. حلوة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *