قصيدة في بيتنا خنزير مكتوبة | فارس قطرية

نقدم لكم قصيدة في بيتنا خنزير مكتوبة فارس قطرية، لو كان الأقصى يهم الناس ما كنوش أصلاً عملوا له طوفان.

قد يهمك:

قصيدة في بيتنا خنزير مكتوبة

فارس قطرية

كلمات قصيدة في بيتنا خنزير:

مرة فيه عيل حرامي راح لمامته وقال يا مامي

عاوز أسرق بيت كويس وأمشي فيه بكيفي ونظامي

نفسي ألاقي أي حتة أي حتة تكون أمان

أقعد أنا وصحابي فيها وأعيش في صمت باحترام

أمه كانت بلطجية عندها سلطة وعفية

قالت اختار يا ابني حتة وإن اضربت اتحاما فيا

إحنا طول ما معانا قوة كله فل ومية مية

روح وخد حاجتك معاك

قال لها حاضر ياماما هروح وأقعد لك هناك

راح على بيت الجيران بيت جميل طبعه الأمان

وراح مطلع أهله منه وجاب مكانهم كوم فيران

وما أهل البيت قالوا له إيه إللي جابك أنت مين

قال لهم أنتوا إللي مين البيت دا ملكي ومن زمان

طلع السكاكين عليهم بعدها عيط وقال

الحقوني في حرامي في بيتي يا ولاد الحلال

هو أن علشان حنين وابن ناس يعني يهنوني

أه يا عيني انجدوني الناس هتقتل لي العيال

فجأة كل الدنيا قالت ع الحرامي إنه الشريف

بقى إللي مظلوم معتدي وبقى الوحش هو النضيف

وأمه جات جابت صحابها وشرشحت تحت المكان

وبعلو صوتها تقول خلاص أهل المكان ياخدوا الرصيف

أهل المكان ويا عيني على أهل المكان

70 سنة بيدقوا على كل البيبان

70 سنة بيعيطوا ويدورا على حق مشروع في الوطن

وبيشحتوا من الناس كلام وبيشحتوا من الناس أمان

شجر الزتون كره الزتون هيحبه ليه من غير بلد

الحلم في بلاد من رماد بيموت ولا يخلف ولد

إلا أنت يا فلسطين مدد رغم الهدد وبتحلمي

إزاي لا زلتي بتحلمي وضهرك من الظلم اتجلد

ملعونة الدنيا وقوانينها ومصالحها إللي بتسرق أوطان

لو كان الأقصى يهم الناس ما كنوش أصلاً عملوا له طوفان

بزيادة ما فيش إنسان وطني هنعيط حبة وننسى خلاص

ربنا من عنده هينهيها دا وعده المذكور في القرآن

أنا يا صديقى متعب بعروبتي فهل العروبة لعنة وعقاب

أمشي على ورق الخريطة خائفاً فعلى الخريطة كلنا أغراب

يتقاتلون على بقايا تمرة يتنازعون على بقايا تمرة

لو العباءات التي التفوا بها ما كنت أحسب أنهم أعراب

قصيدة في بيتنا خنزير مكتوبة | فارس قطرية