الخميس , يونيو 13 2024

قصيدة لا للتطبيع مع اليهود | فلسطين أجمل وأشيك ب العبري | فارس قطرية

نقدم لكم قصيدة قصيدة لا للتطبيع مع اليهود فلسطين أجمل وأشيك ب العبري فارس قطرية دعماً لفلسطين.

قد يهمك:

قصيدة لا للتطبيع مع اليهود

فلسطين أجمل وأشيك ب العبري

فارس قطرية

قصيدة لا للتطبيع مع اليهود:

فلسطين أحلى بالعبري وشيك على وضعها الحالي

لا هنضطر نخسر حد ونقطع ود ولا علاقات

وكل الدنيا في العالم بتمشي مصلحة وصفقات

فميغركش كام واحد بيطلع يهري نفسه عياط

ما فيش هنا وحدة عربية هنا اقتصادات

فطبع يا ابني واطبع وخد غاصبك برضى وقبول

وحقن العزة والعظمة هما يومين أثارها يزول

لاهما مغول ولا أنت في نسل حكامك صلاح تاني

فطبع يا ابني واطبع

ولم عزالك الباقية وشوف لك ركن واتربع

مصالح أنت هتعارض هتطارد

سجون المملكة اتعبت بأمثالك يا مترد يا متشرد

فنحن السادة الحكام غدنا يأتي ويورد

ما دام الضرب ورا بابك بتندب ليه

دموع الشعب في يدنا ونحن الآمر السيد

عشا ما أنساش أقول لولادي دي بلادي

عشان لما السنين تجري وأطبع زيهم عادي

كتبت النص دا تذكار

أقر بإني مش راضي وفلسطين أرض محتلة

وكل الشايف الساكت عليه العار

ولو فاكرين بإن السلم هو الحل

وإن الفيلم كدة كامل فموت يا حمار

قالوا لي إنها أرضك ودي بلادك وكنا عيال

كبرنا وقالوا ولا أرضك ولا بلادك

وإن الطاعة ثم الطاعة ثم الطاعة دي الإسلام

وإن الصح والأفيد في وقت الحكم في حيادك

ودول يا حبيبي أهل الأرض واصحابها

وشعب الله ومن نسل النبي يعقوب

لكن لو جم على حدودك فعندك جيش يدك حروب

ما هي حدودي!

يارتنا ما كنا علمناك صرفنا عليك

حدودك في الخريطة عن الدوشة إللي حاصلة هناك

ولو واحد هيجي عليك إحنا معاك

ولو هتصدق المنهج وتعليمك زمان يعني فيتعدل

في بينا مصالح إن عرفوا بكلامك ده هتتبهدل

في لغة البيزنس الصح دولار بيروح يجيب عشرة

ولو بيضايق الأخبار ودم الشهدا والشعارات ما تبقاش تفتح النشرة

على دا العودة يا سودا وليلة في قدسك العودة

يا راسية بكفتك على الأرض ودمك ع العلم مطرة

قبلنا نعيش في توب تماثيل فيران محكومة بالعصيان

وصراع أطراف ومرتزقة وقبل ما يبدأوه خلصان

فمش فارق هتخسر إيه؟ وعلى شان إيه؟ ومين خسران؟

تصقف وأنت بتوافق وتطلع جرى على الكرفان

فنتصرف وفكر عن الأوطان مع التجديد هيتحرف

مسيرك بكرة تتشرف بأنك بعت ما اتبعتش

مشينا فيكوا زي الغاز وانت حكيم ما ولعتش

سواء دلوقتي أو بعدين هتبقى لنا

نقسم بس ونرسم ونبقى نشوف

ويعني التركة مش ولابد دا هو خروف

هناخد اللحم هياخدوا الصوف هنبقى نشوف

وحيدة وحلوة يا بلادي عرينك للي نهبينك

تموت الأرض على حسك ولا يموت شبر من طينك

وحتى إن سنوا سكاكينهم وحتى إن نصبوا موازينهم

يدوق العمر زي الطيف ويركعوا طوع لسكاكينك

وأرض الله ما يحكمهاش نجس معلوم

سنة مية ميتين ألفين يعدوا زي ما يعدوا

هيبنوا الصور يهدوا بيوت يهدوا زي ما يهدوا

حسابه ميعادو متأجل هيجي وقته ويسده

جميلة وحلوة يا فلسطين

وطوب أرض في طوب ابنك رصاص يهلك

ما فيش في الأرض يشيه لك

أنا أسف أنا وجيلي ما حلتيش غير ورق وأقلام

وعارف إللي راح بالغصب بيجي بغصب مش بسلام

أنا أسف ما حلتيش حاجة أخري كلام

وعلى دا الحال مشي المركب

محدش سايق الدفة غرق والباقي وطى وراه

صحيح الصمت للعظماء ويما تاريخنا كان أخرس

لكن لما العظيم يسكت أكيد ما يكنش بالإكراه

شعار والأمة دي حفظاه

أمشي على ورقة الخريطة خائفاً فعلى الخريطة كلنا أغراب

لولا العباءات التي التفتوا بها ما كنت أحسب أنهم أعراب

قصيدة لا للتطبيع مع اليهود | فلسطين أجمل وأشيك ب العبري | فارس قطرية

4 تعليقات

  1. لولا العباءات التي التفتوا بها ما كنت أحسب أنهم أعراب

  2. جميله وحلوه يفلسطين 😭

  3. وحيده وحلوه يبلادي عارينك للي نهبينك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *