موقع اسكتشات فنون سمعية وبصرية
نقدم لكم قصيدة رسائل من على الحدود فارس قطرية، 3 رسايل في جيب جندي استشهد في حرب فلسطين.
قد يهمك:
قصيدة رسائل من على الحدود
فارس قطرية
كلمات قصيدة 3 رسايل من على الحدود:
1
لأبويا
لسه واقف على الحدود على كتفي شايل أر بي جي
لسة يابا ابنك ما متش ولا عزرائيل قرب عليه
صوت رصاصي بيدوي فيهم لجل ما يسيبوا السلاح
لسه حي على الفلاح بترن في الخوف وتوسيه
جه في رجلي كام رصاصة وماشي بأعرج بيها يابا
جه العميد وقال لي اقعد انت تعبان من الإصابة
بس ما سمعتش كلامه وشكلي هفقد دفعة تاني
بس مش سايب مكاني إلا لما نخلص من الديابة
أه صحيح من الحق يابا جبت تلفزيون جديد
نفسك أشوفك أنت وأمي ربنا يقرب بعيد
لما هاجي هبوس إيديك علشان واحشني ونفسي أشوفك
لما هاجي هجيب مكافأة القليل في ايديك يزيد
2
لأمي
ادعي يا أما الأرض تنضف بعد ما تغور الكلاب
علشان سمعت كلام كدة بيقولوا خطة انحساب
بيقولو ممكن ننهزم أصل العرب متفتتين
وأنا والله ما مفارق مكاني إلا لما أصفلكو الحساب
كان لي واد صاحب جدع وصحبتوا يجي بقالي شهر
وأما كنت هموت عشية خاد رصاصة مكاني مهر
جات له غدر في قلبه مات شيلني حمل جميل تقيل
دا يا دوب عارفني ومات عشان وقال قلبي آيد نار وجمر
3
لحبيبتي
لما أرجع والأقصى بتاعنا نجوز ورجولتي سليمة
لو حد يقول لي إنك عربي أسمعها وما تكنش شتيمة
إزاي يا حبيبتي أقول لها لك ورجولتي ضريرة بدون قيمة
أنفع لك راجل يا حبيبتي وأنا عايش وبلادي يتيمة
صوت الطيران فوقنا بيعلى والخلق بيجري ويداروا
والقادة خلاص ما بقوش قادرين
بيقولوا خلاص خدنا أوامر هنسيبك وحدك يا فلسطين
بس أنا هأفضل
كان فيه 20 دبابة بعيد ورصاصي بيضرب ما يأثرش
صوت الصورايخ كان مزيكا لكن مزيكا ما بتهزرش
سرب الطيران عمال بيزيد وماكنش بعيد وأنا ما اتهزتش وما بفكرش
ورصاصهم بيعدي في جسمي كات عيني بضحك ما تعيطش
والدم مطرتش ع المخلة باكتب لك في رسالة التفاصيل
لو فاضل منك دمعي يسيل عياطي عل الأرض اللي اتسرقت
لو كل بلادي كانت واحدة يمكن يا حبيبتي كانت فرقت
قصيدة رسائل من على الحدود | فارس قطرية
لو كل بلادي كانت واحدة يمكن يا حبيبتي كانت فرقت