الأربعاء , مايو 29 2024

قصيدة خذلان بطعم السكر مكتوبة | فارس قطرية

نقدم لكم قصيدة خذلان بطعم السكر مكتوبة الشاعر فارس قطرية، ضمن قصائد فارس قطرية عن فلسطين والحرب على غزة.

قد يهمك:

قصيدة خذلان بطعم السكر مكتوبة | فارس قطرية

كلمات قصيدة خذلان بطعم السكر:

صباح الفل يا حبيبتي مع إن الصباح مش فل

أنا إنسان وأصعب حاجة عل الإنسان شعور الذل

مافيش في الدنيا ركن نضيف بدون المصلحة داير

مافيش ولا عدل ولا إنصاف ونار الجبن طيلة الكل

هقول لك إيه ؟!

أنا خجلان ومش عارف لا أقول ولا أعيد

أنا قاعد هنا في أوضتي وبنا حدود وسلك حديد

لا أنا واقف على أرضك ولا عارف أصون عرضك

وكنت أتمنى والله عيلتكوا تعيش تقضي العيد

هتكبري ليه؟!

أنا أصلاً حزين جداً لإني كبرت

يا بنتي الدنيا مش حلوة أنا مجرب كتييير وخسرت

مافيش أحلام بتتحقق في وسط الخوف فما تحوليش

بجد ما فيش

ضميرى كال وخش ينام فأرجوكي ما تستغثيش

ومع نفسك

محدش قام ضرب طلقة وأديك شوفتي ده بنفسك

أنا خاين وده خاين وده ساكت وده شايف

وده زعلان وده خجلان وده مطبع وده هايم

مين هيروح يبيع عمره عشان خطرك يا نور عيني

مين هيشيل سلاح لاجلك

أنا عن نفسي مش عارف

أنا علشان أحارب لك فلازم قبل أحب الموت

أكون فاهم أصول ديني بشكله الصح والمظبوط

أنا ما بلمش على قاعد أنا ما بلمش غير نفسي

عشان أنت اللي بتحربي وأنا ماسك في ايدي ريموت

رومانسي منظر الصواريخ وهي بتترمي على الناس

رومانسي منظر الراجل في ايده عياله في الكيسة

ولا يرضي النبي محمد ولا يرضي النبي يعقوب

ولا يرضي النبي سليمان ولا يرضي النبي عيسى

ودين أهلي ودين أهلك ودين كل العرب واحد

لكن بنحج بالباسبور وبالتأشيرة والفيزا

بلاش شعارات

وقول فاضي وعل الفاضي وفي الفاضي

أنا الإنسان وأعترف بأني مطبع راضي

أشاهد خلف شاشات وأعقد في نقاشات

وأدخل في اجتماعات مع الأمناء والقاضي

ولا جدوى

نجادل بعضنا بعضا ونغلق بعدها الندوة

صباح الفل يا حبيبتي مع إن الصباح مش فل

أنا إنسان وأصعب حاجة عل الإنسان شعور الذل

مافيش في الدنيا ركن نضيف بدون المصلحة بيمشي

مافيش ولا عدل ولا إنصاف ونار الجبن طيلة الكل

لكن بصي ورب الكون ليجي اليوم لرجليكي

تدوس على كل راس فكر يوجه مدفعه عليكي

ومش بسببنا ولا حاجة

لكن ربك حنين فوق

وهيجيب بتار أهلك وتار بلدك

ويحميكي

تعليق واحد

  1. قهر والله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *