موقع اسكتشات فنون سمعية وبصرية
نقدم لكم كلمات قصيدة علاجي مش مضاد حيوي الشاعر فارس قطرية، مع عرض القصيدة Mp4.
قد يهمك:
كلمات قصيدة علاجي مش مضاد حيوي | فارس قطرية
وكان لازم أعامل نفسي بطريقة تليق بيا
ماجيش على نفسي واستحمل حاجات كسرت حاجات فيا
غلوتك في العيون بتكون بحجم ما أنت بتشوفها
لو أنت عزيز في عين نفسك هتبقى تقيل وليك دية
علاجي مش مضاد حيوي
علاجي أنضف العلاقات
أبطل أفتكر أشخاص ما شفتش منها غير إحباط
أصعب حاجة في الدنيا تروح على حد بتحبه
وتطلب يسمعك ساعة وهو يقول بلاش حوارات
ساعتها بس بتصدق بإنك مش ضروري تقول
وإن الوحدة مش وحشة وإنك شخص مش مقبول
ولازم تكتفي بنفسك ولما تميل تشيل نفسك
ومش لازم تكلم حد وتفتح أي باب مقفول
كل الناس هتبقى معاك وأنت تمام وزي الفل
ولما الدنيا هتقفل وتجي الشدة يجري الكل
هتحكي لحد غير الله وتطلب حاجة من مخلوق
هينقص في العيون وزنك وهتشوف من العباد الذل
يارب يا خالق البلوى وخالق بردو ليها الحل
فيه عبد ضعيف ومتجرح وقلبه من عبادك مل
تعبت يارب من كوني بسابق نفسي مع نفسي
وحاسس نفسي مش طايق وعقلي من العبيد اتشل
تابع القصيدة:
مضلمين ومزيفين ومبوخين ومطيين ومكركبين
ومدخلين روحهم حاجات ما يجوزش فيها إلا السكات
ومسيكبين زي البنات وحاجات كدة بين كل حين
طب هم مين؟
مين هما يعني عشان نفكر في الكلام
ده أنا حتى لو عديت عليكم مش هقف وأرمي السلام
الله يجازيكوا بفعلكوا وما تدفعوش هأدفع لكوا
وإن كلامي يهمكوا فابنحتسبكم من العلام
وعادي يعني
محدش عمره عاش مكسوف وخاد حقه من البجحين
بيبقوا معاه وياكلوا عشاه وهو يشيل لوحده الطين
هي الدنيا دي ميزانها ودي أطباع في سكانها
لو أنت نضيف وقلبك خام ما تتحكش ببني آدميين
قلوب مسعورة في الشارع
ومش تشبيه دا دي الحالة
وكله بيجي على كله الدماغ مش نايمة شغالة
هتكبر بس وهتنزل تشوف الدنيا مع حالك
هتلقى الدنيا مش دنيا هتلقى الدنيا غسالة
فيها بشر تبان ماركة لكن ولا تسوى كيس فاضي
فيها غلابة بتعافر وتتمرمط على الفاضي
وفيها الطيب الهادي اللي مهما يشوف شقى راضي
وفيها الديب
ما فيش في الدنيا دي منطق مافيش في الدنيا غير ألاعيب
الزمن يشبه لناسه وناسه أهو زي ما أنت شايف
كله بيلاعب في كله وكله بقى من كله خايف
إحنا بنعيب الزمان بس الحقيقة العيبة فينا
مين جميل ومين قبيح ما بقتش مهتم أبقى عارف
علاجي مش مضاد حيوي
علاجي أسطح العلاقات
أبطل أفتكر أشخاص ما شفتش منها غير إحباط
أصعب حاجة في الدنيا تروح على حد بتحبه
وتطلب يسمعك ساعة وهو يقول بلاش حوارات
علاجي مش مضاد حيوي