موقع اسكتشات فنون سمعية وبصرية
نقدم لكم قصيدة سنة جديدة وقلب قديم 2024 ، كلمات فارس قطرية.
أول قصائد فارس قطرية للعام الجديد 2024.
قد يهمك:
قصيدة سنة جديدة وقلب قديم 2024
كلمات فارس قطرية
كلمات قصيدة سنة جديدة وقلب قديم:
هابي نيو يير على غزة وأبو عبيدة وعلى أهلي وكل الناس
على العالم قليل الأصل والدنيا اللي أنا فيها
على كل اللي جرحوني وعلى كل اللي حبوني
وأمي الساكنة في عيوني وبدعي ربي يرضيها
هابي نيو يير
أنا المرة دي مش هتمنى أمنية وأقول أحلام
ولا هدخل سنة جديدة وعشمان إن كله تمام
أنا هادعي وأقول يارب عدي من اللي فات في الجاي
وهأشرب شاي وأنا ساكت وباتفرج على الأيام
هاحاول ما ارتكبش ذنوب كفاية عليا أفعالي
هاصلي بانتظام أكتر وأخف شوية إهمالي
عشان الدنيا دي فانية وفيها الناس أديك شايف
ولا بترحم ولا ليها عزيز يفرق ولا غالي
سنة فاتت وفيها الحزن قد البحر خوف وجراح
ومين عن ربنا بيبعد ويستنى يشوف أفراح
بقينا بنجري ع الدنيا كأنوا مخلدين فيها
محدش خاد معاه حاجة ولم عزله وقت ما راح
وباشهد إني مش زعلان ولا ندمان على الماضي
أنا يا رب مش عاوز سوى سترك وأنا راضي
ببرأ ذمتي من الناس ومن الدنيا ومن الأخصام
ودنيا إيه؟! وناس على إيه؟! وزعل على إيه؟!
كلام فاضي
أنا شفت السنة دي يارب شورارع كاملة ممسوحة
أنا عرفت إن أنا مستور وفي ناس غيري مفضوحة
أنا مش عاوز أبقى غني أنا عاوز رضاك عني
وعارف مهما كنت غلط ببان التوبة مفتوحة
وعام مضى ما يجوزش فيه إلا الرضا
فيا رب راضيين بالقضا ورمين همومنا لرحمتك
اكتب لنا الخير في اللي جاي
واروي زعلنا بفرحتك
على قد ما تعبنا وعنينا وشفنا أيام مش تمام
خلي اللي جاي برد وسلام واربط قلوبنا بتقوتك
أنا نفسي في العام الجديد أحبابي يبقوا كويسين
أمي وأبويا وصحبتي وكل اللي مني قريبين
ما يورنيش فيكم أذى ولا نفترق ولا نتسرق
بدعي لكم من قلبي بصحيح لو حتى ما قولتوش أمين
إن شا الله يا أما أطلعك حج السنة دي في الحرم
وإن شا الله يابا تعيش كمان ويزيدوا فيك طبع الكرم
وإن شا الله يا صحابي العزاز يهديكو ويمسيكوا خير
ويدوم علينا الستر دايماً في الحلال والمحترم
كل اللي لي في قلبهم خير من زمان
الله يفتح ليكوا أقفال الببان
ويعود عليكوا بالفرح ويعود عليكوا بالإيمان
ونعيش سوا وتموتوا بعدي
لا أخلف وعودكم في أي شيء ولا تخلفوا ولا تنسوا وعدي
لأخواتي أصحابي العزاز في القلب ليكوا كلمتين
ليكوا مكانة ومنزلة وفاكركوا حتى إن روحتوا فين
عشرتكوا أغلى من الدهب الله يديمها بالأصول
وما تزعلوش مني أما أغيب أو يوم أقصر حبتين
وإن مت سامحوني وافتكروني
