موقع اسكتشات فنون سمعية وبصرية
نقدم لكم قصيدة قوم نضف حياتك 2024 مكتوبة | فارس قطرية.
قد يهمك:
قصيدة قوم نضف حياتك 2024 مكتوبة | فارس قطرية
كلمات قصيدة قوم نضف نفسك:
واحد جميل يغنيك عن الناس كلها
أجمل كتير من ناس كتير ملهاش لزوم
كتر المعارف مش سند
بالعكس بيزيدوا الهموم
كل أما تختار مين معاك
كل أما تنضف دايرتك
وإن كنت في مكان مش أمان
سلم وسيب بقشيش وقوم
هتعيش بتاع ستين سنة
إن كملوا الستين .. تمام
هتعيش تضيع كل ده في غلب ووعود فاضية وكلام
طب ما أنت حلو وفيك صفات تتحب بيها وتتحفظ
هما اللي عدمات النظر مالهمش في الطيب مقام
الشخص لو ما استحملكش في أزمتك وفي شدتك
فما يستهلش يكون معاك وقت الوصول
الناس معادن حضرتك مش بالهدوم لأ بالأصول
أنت اشتريت ناس قد إيه؟!
مين اشتراك؟! مين مش رماك؟!
لما انحنيت ولا كان معاك واحد يتيم من كل دول
أصل البشر مش بالعدد ولا بالبلد ولا بالكلام
أنا أبويا قال لي إن البشر زي الخيول كدة في المقام
فيه خيل جميل عربي وأصيل صاحب نسب ويعززك
وفيه خيل ضعيف بلدي وبطيء ولا يسوى تمسك له اللجام
يا ابن الحلال الوحدة لو هتريحك خليك وحيد
أن هاعمل إيه بكتر البشر وأن وسطهم بس مش سعيد
الدايرة كل ما تتقفل هتريحك من الفرهدة
ومافيش فضا فيما مضى نفضل نقول بعدين نعيد
ويا سيدي خليهم يقولوا ويا سيدي منهم نستفيد
كتر البكا لو كان يجيب كان جدي مش هيموت زمان
كان كل واحد راح رجع وفضلنا مع بعض في أمان
بس الزعل ده شعور طبيعي للي عنده شعور بقى
فبتكتئب حبة وتقول راح اللي كان راح اللي كان
وبتنسى الماضي
يتتناسى وتكمل سير على خط السير
الله يمسيهم بما فيهم والله يمسيك بما فيك بالخير
أدي البني آدم بيجرب في الناس الفلوسو ويعرفوهم
مش كل الطير على شكله يقع والله صحيح مش كل الطير
طير بيكون طيب حبة ونضيف حبه وقلبه كويس
بيجرب ويقرب ويقول مش يمكن دا يبقى كويس
فيروح الطير يمشي السكة ويتساب في النص بكركيبوا
ويتقال له من الطير التاني ارجع لا مؤاخذة أنت يا ريس
عد اللي فاضل في الصور شوف الوشوش
وهتتصدم في عزاز كتير عشرة سنين ومكملوش
كان بينكم ملح وعيش وضحك وذكريات فوق الجميل
بس تعمل إيه الذكرى وصاحبها واللي فيها مش أصيل
يلا بينا على اللي بعده لسه هنعيد في القديم
أنت زي الفل يا ابني أنت طالع صاغ سليم
اللي باعنا مش بتاعنا اللي بعنا بتاع هزار
واللي ذوقه حمو بيكا مش هيسمع عبد الحليم
