موقع اسكتشات فنون سمعية وبصرية
نقدم لكم تحميل أغنية انا عايز أروح الغيط بالكلمات، قناة زغاليل رسوم متحركة.
الأغنية كلمات وغناء وألحان ورسم خلفيات حازم سامي، رسم وتحريك خالد حسن، توزيع موسيقى إبراهيم صلاح.
أغنية أنا عايز أروح الغيط أغنية ساخرة هزلية عن الأوضاع الحديث.
تعرض قناة زغاليل محتوى فني هزلي ساخر لا يتنافى مع القيم والأخلاق الجميلة كما وضحت عن نفسها.
قد يهمك:
تحميل أغنية انا عايز أروح الغيط
بالكلمات | قناة زغاليل
كلمات أغنية أنا عايز أروح الغيط:
مع كامل احترامي لقيمة الدولار
مع خالص تقديري للاستثمار
حابب أعلنها
خلاص خدت القرار
هسيبك وأمشي بعيد
يا حياة الكبار
أنا عايز أروح الغيط
وأربي معييز جنب البيت
وأعيش طول عمري رايق
بلاها شهرة وسيط
مع كامل احترامي لتعلم اللغات
ما خالص تقديري لكل الكورسات
بس بصراحة يعني ما بحبش الحداثة
ولا عمري تابعت أبداً أخبار السياسة
أنا عايز أروح الغيط
وأربي معييز جنب البيت
وأعيش طول عمري رايق
بلاها شهرة وسيط
ما أقدرش أنكر إعجابي
بالتواصل الاجتماعي
وأحدث صيحات الموضة
والذكاء الاصطناعي
لكن بصراحة وحشتني الدقة القديمة
أيام الدفئ الأسري
دي مشاعر عظيمة
وأتجمع أنا وأحبابي
في أخر اليوم لو فاضي
نضحك سوا ونهزر مش في الواقع الافتراضي
أنا عايز أروح الغيط
وأربي معييز جنب البيت
وأعيش طول عمري رايق
بلاها شهرة وسيط
بس حابب أوضح حاجة
أنا مش ضد تحقيق الذات
ولا ضد الواتساب والشات
مافيش أجمل من الانجازات
اسمعوا بس الطلبات
أشوف الشمس الشموسة
والصبح أحلب الجاموسة
وأخرج بره المدينة
وألعب في قلب الجنينة
طب إيه؟
مش يلا بينا
على فين؟
ما تيلا بينا على الغيط
ونربي معييز جنب البيت
وأعيش طول عمري رايق
بلاها شهرة وسيط
