أغنية رمضان مكتوبة | قناة زغاليل كرتون

نقدم أغنية رمضان مكتوبة، قناة زغاليل كرتون، الأغنية غناء حازم سامي عيسى.

كلمات أغنية رمضان بالرسوم المتحركة هي رسالة باللهجة العامية المصرية لكل شخص يريد التغيير للأحسن في شهر رمضان، وفيه رسالة للشخص المجتهد في عبادته ويوسس له الشيطان بأنه منافق، والشخص اليائس من كثرة ذنوبه.

وأخيراً رسالة لمن يضيع وقته في شهر رمضان فرمضان شهر الطاعات، وليس للنوم ومشاهدة المسلسلات.

قد يهمك:

أغنية رمضان مكتوبة

قناة زغاليل كرتون

كلمات أغنية رمضان:

رسالة لكل شخص حابب يتغير للأحسن في شهر رمضان.

عاوزين نقولك:

لما تلاقي نفسك في بداية رمضان

متغير للأحسن ما بقتش زي زمان

حتى إن كنت بعيد عن ربك الفترة اللي فاتت

أوعى الشيطان يضحك عليك ويقول لك أنت منافق

ليه ما تقولش إن ربك اختارك من الفايزين في الشهر الكريم

وعاوزك تطلع منه بخير وثواب عظيم

أما بقى الشخص اليائس المحبط من كتر ذنوبه أحب أقول لك:

لما تلاقي نفسك يائس من كتر الذنوب

وتوقع وتقوم وتقع وتقع دايماً مهما تتوب

وتفتكر إن خلاص ما فيش فايدة وما فيش أمل

هو إنت فاكر إن ذنوبك أكبر من رحمة ربك

بطل هبل

رمضان فرصة عظيمة

تمحي ذنوبك اللي فاتت

وتبدأ للمرة المليون وواحد

وأخيراً بمناسبة أن كلنا للأسف بنضيع في وقتنا حابب أقول:

لما تلاقي نفسك بضيع في الأوقات

واليوم بيعدي بسرعة بدون أي إنجازات

أوعى تكمل بنفس الأسلوب في شهر العبادات

رمضان شهر الطاعات مش نوم ومسلسلات

حرام عليك لو سبت الفرصة تضيع من بين إيديك

هل ضامن إن فيه رمضان تاني هيعدي عليك

رمضان كريم وكل سنة وأنتم طيبين