موقع اسكتشات فنون سمعية وبصرية
نقدم لكم قصيدة اللي تعبنا سنين في هواه بالكلمات | فارس قطرية 2024 .
قد يهمك:
قصيدة اللي تعبنا سنين في هواه بالكلمات
فارس قطرية
كلمات قصيدة تعبنا سنين في هواه:
اللي تعبنا سنين في هواه
واللي شقينا وشلنا معاه
خد من عمري الحبة الحلوة
وساب لي القسوة والمعاناة
جاي يقول إنه هينساني
وإنه خلاص مش راجع تاني
وإن أتعامل مع أحزاني
وإني أشوف الحال وأنساه
كان متخيل إني هعافر
وإن كرامتي رخيصة عليا
وإن هوافق يجي عليا وهابقى معاه
فاللي تعبنا سنين في هواه
أنا مشيته خلاص يا ولاه
يانهار أبيض ع البني آدم لما بياخد قيمة زيادة
لما تكبر طفل صغير وتعلمه ياكل ببلاش
تبقى بتتعب علشان راحته وأنت بلاش
أول حاجة هيتعلمها إنك ملزم دايماً تدي
وأخر حاجة هيعملها لك أنا أقولها لك ولا بلاش؟
يبقى بلاش
أنا دلوقتي كويس جداً
عندي مساحة وعندي حياة
وبقيت أكبر وبقيت أهدى وفيا يقين كامل في الله
وبروح أدعي يا رب اختار لي
أنا ما بقتش أحب اختار
ما هو ربنا عالم بالواحد
واللي حصل له من اللي معاه
فاللي تعبنا سنين في هواه
قلبي وعقلي وحتى عنيا ولا بتحبه ولا فكراه
خدها نصيحة من البني آدم
داق من الكاس وعذاب الكاس
أوعى تحاول أبداً أبداً
تجي عليك علشان الناس
أنت مش أمه علشان تستحمل
أو تدي له حاجات ناقصاك
أوعى تروح على أرض غريبة
مش ليك فيها وتمسك فاس
خليك فاكر ربك دايماً
وارضيه دايماً وامشي معاه
وبطل تمشي ورا الإحساس
ماشي؟
فاتت سنين على حد
كانت روحي فيه ودلوقتي عادي
أصلاً بقيت شبه الجيتار ما يحركوش إلا الغنا
أنا مش بقول إني نسيت أو قلبي مات
نشتاق أحياناً رافقاً كانوا في الماضي هنا
نشتاق لكن لا نعود
تابع:
إحنا اللي كسرة قلبنا بعد الوجع طرحت ورود
الله يعوضنا العوض عن كل إنسان مش جميل
الله يورينا العدالة في كل واحد مش أصيل
مش زعلانين بس محتاجين حبة هدوء وسلام كدة
مش عشمانين غير في الأمل والفرح والبال الطويل
وللي راح خليك هناك ما تجيش تقرب عندنا
إحنا خلاص مش محتاجين ناس بالأونطة تحبنا
أنا خت درس أحب نفسي وأكون لنفسي وكل حاجة
ولما هأختار اللي جاي هأختار أصيل يدخل هنا
أنا قلبي ده أصلاً شرف مش أي حد ينول رضاه
أه من اللي خاد من وقتنا حب وأمل والله أه
أنا عقلي كان فين وقتها وبهبب إيه وبزعل عليه
بأشكي له ليه من كسرتي
طب ما أشكي لله في الصلاة
