موقع اسكتشات فنون سمعية وبصرية
نقدم لكم قصيدة حديث مع الـ أنا | فارس قطرية 2024.
قد يهمك:
قصيدة حديث مع الـ أنا | فارس قطرية
كلمات قصيدة حديث مع ال أنا:
والنبي غلبان أنت يا غالي
قلبك لساه طيب وبريء
بقى بعد الضرب اللي أخدته
ولسه ما بطلتش تبقى رقيق
لسه بتتأثر وبتزعل على حد يروح وبتتعشم
هو أنت بتفهم لا مؤاخذة ولا بتستوعب بس بطيء
طب فهمني؟
أنا كل ما أروح أفتح قلبي بعد أما بروح
بيندمني
عرفني إزاي لسه يا طيب
بتقول للناس حاضر طيب
وبتيجي عليك وبتضحك فيك
وتداري دموعك في النني
ما ترد يا قلبي وكلمني
بتعملها إزاي؟!
الأسود أشيك لون عندك لايق على شكلك بزيادة
من كتر ما من جواك خرابيش ورقبتك حلوة وسدادة
بقى شكل ملامحك يشبه له
ومطبع فيك وفي تفاصيلك
وبتشرب 16 كوباية قهوة بدون سكر سادة
بص يا قلبي
ما تضخ الدم وبس يا عم وسيبك من القرارات أحلى
شايفين إني بقرص فيهم وبحب الزن
هو أنا نحلة؟!
دا أنا ألطف إنسان في العالم
وحبيب الكل الوحداني مش هامشي وراك أبداً تاني
أنت ما بتجبش إلا السحلة
عارفين غنوة لو نويت تنسى اللي فات
شايفها هتصبح كدة أحلى:
لو نويت تنسى اللي فات
واللي كان والذكريات
بالسلامة أنت بايع واللي بايع بالسلامة
إحنا مش بنشوفه تاني إحنا بنشوفه أنه مات
لو نويت تنسى اللي فات
عم جورج ده كان حنين
كان بيتكلم بقلبه عن حبيبه وعن هواه
بس بسأل؟
هو ليه يحكي مشاعره لحد مش فارق معاه
لما غيره خد مكانه
لما قلبه مش عشانه
لما خانه
لما هانه
لسه بيعاتبه؟!
بلاه
كان يقول له بلاش تشمت غيري فيا
بلاش تلومني على اللي فات
كل ده وقلبك يا غالي
لسه شاري
أنت متباع من بتاع سنتين تلاتة ولا أنت داري
إحنا في زمان العيال بتحب وبتعرف تقول
مش بتاع رجالة زيك لعبوا بيك زي الأتاري
كل حاجة بقيت باشوفها بشكل تاني
أحلى حاجة للأناني تبقى زيه تكون أناني
من بتاع شهرين تلاتة كنت باسكت لما بزعل
انهاردة أنا لما بزعل بأفضل أتنطط مكاني
كنت باتعب موت عشانهم
صرت باتعب موت عشاني
لما قلبي يحن ليهم يعني قبل ما أنام بقول له
أنت تاني؟!
اللي باعنا بالسلامة
دي حقيقة مش أناني
وعجبي
