قصيدة حتي انت كمان مكتوبة | كلمات فارس قطرية

نقدم لكم قصيدة حتي انت كمان مكتوبة | كلمات فارس قطرية 2024.

مع تحميل قصيدة حتي انت كمان فارس قطرية Mp3 Mp4 .

قد يهمك:

قد يهمك:

قصيدة حتي انت كمان مكتوبة | كلمات فارس قطرية

كلمات قصيدة حتى أنت كمان:

في حد كدة عاوز أقول له:

حتى أنت كمان

دا كنت بقول عنك غيرهم

وأنك أولهم وأخرهم

دقدقوا على راسي بمساميرهم

وأنت اللي داوتني وكنت أمان

هتقوم تتغير وتقرر تجرحنى وتتغر عليا

دا أنا كنت بقول عنك غيرهم

أنا كنت بقول عنك إنسان

أنا لما حكيت لك عن وجعي من ناس كانوا قبلك ويايا

كان قصدي تطمني يا طيب مش تيجي وتعملها معايا

لما أنت هتمشي من الأول خلتني أتعشم ليه في قربك

كنت تعرفني إنها صفحة مش مكتوب لها تبقى حكاية

طب أصدق مين وأنا كل ما أقول على حد جميل بيكدبني

بقى شكلي وحش قدام نفسي من كتر ما قلبي معذبني

بينقي الناس اللي تعلمه ما يحبش حد ولا يآمن

وفي نفس الوقت بليد وعنيد ومصمم بردو يغلبني

تابع كلمات قصيدة حتى أنت كمان:

أنا خدت قرار

إني أتغير مش أزعل ولا أعاتب تاني

لو كنت إختارت إنك تمشي

أنا بردو اختارت أبقى أناني

أصحى من النوم علشان نفسي

وأسيب الناس في سلام نفسي

وأعمل تفاصيل حلوة بنفسي

وأفضل على الوضع الوحداني

وأخر مرة خد كل الود وكل الحب وأي كلام واطلع بره

أنا أحسن واحد هتقابله

وخد بالك من بعدي هتتهان

هتلف وهتلف وهتدور وتشوف من الناس أشكال وألوان

هتلاقي مافيش واحد فيهم إداك لو ربع اللي اديته

وهتعرف إنك شئ عادي وأقل كتير من عادي كمان

كان مالي ومال الهم ياعم أنا

أنا واحد صحتي على قدي

أنا عاوز حبة شاي حلوين

وصحاب صافيين يفضلوا حدي

إنسان أحكي له ويحكي لي

يشاركني همومي وتفاصيلي

ونعجز مع بعض ونكبر

والعمر أهو ماشي وبيعدي

أنا مش طماع

لكن فعلاً

الواحد لازم يستنضف

لازم يختار حد مناسب

مش لسة هيتعب ويعلم

ربنا بيعلم ويحاسب

تابع قصيدة حتى أنت كمان:

الحب لوحده ما بيطولش

ولو طول ما بيستحملش

ومش منطق تطلب مشاريب والطرف التاني اللي يحاسب

محدش فينا كان عاوز يكون أرحم من التاني

ولا يضحى عن التاني

أنا وأنت اللي كنا زمان أحب اتنين

وأحن اتنين

وكان أتخن خلاف بينا يدوب في يومين

يا دوب في يومين

زعلنا ليه النوبة دي ازداد

وخلى الخطوة بينا بلاد

وفرقنا على طريقين وصرنا غراب خلاص تاني

ما حدش فينا كان عاوز يكون أرحم من التاني

ولا يضحي عن التاني

ليت الليالي تعود وتمحو شعوري بحب لشخص قديم

بجهلي وصغري وسوء إختياري تركت فؤادي يجوب الجحيم

ولا عيب أني ارتكبت الفظائع بنفسي لنفسي ثم استفقت

ولكن حزين بحق لكوني خدعت مراراً ولم أستقيم

وعجبي

تحميل قصيدة حتي انت كمان فارس قطرية Mp3 Mp4