السبت , يوليو 20 2024

قصيدة عدى النهار الأبنودي مكتوبة ومسموعة

نقدم لكم قصيدة عدى النهار الأبنودي مكتوبة ومسموعة بصوته، موال وأغنية عدى النهار غناء عبد الحليم حافظ.

قد يهمك:

قصيدة عدى النهار الأبنودي مكتوبة

كلمات أغنية عدى النهار:

عدى النهار

والمغربية جاية

تتخفى ورا

ضهر الشجر

وعشان نتوه فالسكة

شالت

من ليالينا القمر

وبلدنا ع الترعة بتغسل شعرها

جانا نهار ماقدرش يدفع مهرها

يا هل ترى الليل الحزينأ

أبو النجوم الدبلانين

أبو الغناوى المجروحين

يقدر ينسيها الصباح

أبو شمس بترش الحنين

أبداً .. بلدنا ليل نهار

بتحب موّال النهار

لما يعدّى فى الدروب

و يغنّى قدّام كل دار

و الليل يلف ورا السواقي

زى ما يلف الزمان .. و على النغم

تحلم بلدنا بالسنابل و الكيزان

تحلم ببكرة .. و اللى حيجيبه معاه

تنده عليه فى الضلمة و بتسمع نداه

تصحى له على ايد الأدان

تروح تقابله فى الغيطان

فى المصانع .. و المعامل .. و المدارس .. و الساحات

طالعة له صحبة .. جنود

طالعة له رجال .. أطفال .. بنات

كل الدروب واخدة بلدنا للنهار

و إحنا بلدنا ليل نهار

بتحب موال النهار

لما يعدى فى الدروب

و يغنى قدّام كل دار

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *