السبت , يوليو 20 2024

قصيدة بس يا سيدي وطلعنا احنا الوحشين مكتوبة | فارس قطرية

نقدم لكم قصيدة بس يا سيدي وطلعنا احنا الوحشين مكتوبة ومسموعة ، الشاعر فارس قطرية 2024، مع تحميل قصيدة بس ياسيدي Mp3 Mp4.

قد يهمك:

قصيدة بس يا سيدي وطلعنا احنا الوحشين مكتوبة

فارس قطرية

كلمات قصيدة بس يا سيدي وطلعنا احنا الوحشين:

بس يا سيدي

وطلعنا إحنا اللي بتوع حوارات

وبنظلمهم وبتعالى

هما ولاد البطة البيضة وإحنا زبالة

إحنا القاسين اللي بنمشي بعد ما بنتهان ما بنستناش

وبردوا المفروض إننا نرضى ونستحمل هبل الرجالة

ايتقال عننا أوحش أوصاف

وعيوب والله ما كات فينا

لو كنا لقينا آمان وونس

ولا كنا زعلنا ولا مشينا

إزاي تطلبني أفضل جنبك

وتدوس على قلبي بأفعالك

وأنا أصلاً مش شاغل بالك

ولا فارق عندك تأذينا

الصبر إن كان بفلوس أغتني من كتر الصبر اللي صبرته

والسهر إن كان بفلوس أغتني من كتر السهر اللي سهرته

تابع:

والحب إن كان يتقاس أفعال

فأنا أكتر واحد فيهم شال

واتقال عن حبي حب عيال

الله يلعنه ما تجيب سيرته

الدنيا كدة والخلق كدة

وقلوب الناس ما فيهاش بركة

تعمل حركات وحشة وتسأل .. إيه رأيك بالله في الحركة؟

عمركش لقيت قسوة وطغيان وصفار في هزار زي هزارنا

وإن عملوا معاك حاجة تفرح

بتكون من باب إنها صدقة

لا مش عاوزين .. الله يغنينا عن العكاكيز

وبعون الله بنفسنا شايلين

ما بنستناش كلمة تطيب من حد غريب ولا قريب

والحب إن كان بنفاق شكراً مش عاوزينه

وإحنا مسامحين

هما ما فهموش إن الإنسان صبره بيخلص

وإن الطيب مش حد عبيط

هما ما فهموش إننا فاهمين شغل التعابين

شغل التخطيط

تابع:

الواحد بس بيدي العذر عشان لو ساب يبقى بأسباب

إنما عادي بنقسى ونمشي وما فيش مشكلة والوضع بسيط

كلنا بتعوضنا الأيام

مش كل الأشياء تتقدر

ولا كل الناس بفلوس يا مدام

ادوني مساحة عشان أنسى

أنا أصلي بطول في النسيان

باخد فترتي علشان أرمي

مش باخد فترة عشان زعلان

اللي تركنا ترك الطيبة ترك الإخلاص ترك الهيبة

جاتنا الأفراح جاتهم خيبة

ودلوقتي خلاص مالهمش مكان

والنبي خسروا القلب الهادي

هما هيزعلوا بس أنا عادي

هيجي لهم يوم يعرفوا قيمتي

وهايجي الغايب وينادي

والنبي نرجع .. وهأقول لأ

والني اسمع .. وهقول لأ

والنبي سامح .. وهقول لأ

مش هارضى عليكم يا ولادي

بقى أنا يتقال عني في ضهري

إن أنا بياع وبتاع نفسي

ده أنا كنت بشيل مني أديكم وبدتكم انتوا على نفسي

أنا لما كلامكم كان يوصل من اللي انتو حكيتوا معاه عني

كنت أضحك من قلبي عليكم

وأزعل إن أنا قليت نفسي

بكرة يا سمكة تحتاجي البحر

وها تيجي وتحكي له همومك

وساعتها البحر هيبقى خلاص

مش فارقة معاه حتى يلومك

هيدور وشه لناس غيرك

ويسيبك تمشي في مصلحتك

فعشان مصلحتك ما تحوليش تراضيه تاني

وكملي عومك

تحميل قصيدة بس ياسيدي Mp3 Mp4

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *