السبت , يوليو 20 2024

قصيدة الوطن بـ ٢ جنية مكتوبة | فارس قطرية

نقدم لكم قصيدة الوطن بـ ٢ جنية مكتوبة ومسموعة، كلمات الشاعر فارس قطرية 2024، مع تحميل القصيدة Mp4.

قصيدة الوطن بـ ٢ جنية تحكي عن مآسي الوطن العربي وما وصل له من ضعف وهوان رغم ما يملكه من تاريخ وعلماء وثروات.

قد يهمك:

قصيدة الوطن بـ ٢ جنية مكتوبة | فارس قطرية

كلمات قصيدة الوطن بـ ٢ جنية:

خد يا باشا إقرأ الخبر

الوطن .. جرنان الوطن ب 2 جنية

بص شوف أخبار بلادك إيه انهاردة .. عاملة إيه؟

كام رضيع مات الليلة! دي وكام ولد ساب البلد!

خد يا باشا شوف أخوك والغريب حاطط عليه

علمونا في مدرستنا إننا الأمة العافية

وإن وحدتنا الأساس وإننا أصحاب قضية

وإن ديب الصحرا واقف للغزالة علشان ياكلها

بس طول ما إيدينا واحدة عمرنا ما نكون ضحية

كنت عيل يومها واقف في الطابور وسط العيال

كنت عيل قلبي غلة والكلام بيهز فيا كنت باحلم

أشوف بلادي أحلى من كل البلاد

كنت باتمناها تبقى أم بتراضي الولاد

تبني فيهم حلم عالي وتساعدهم يوصلوا له

مش تسيب الواد بطوله يشكي لله من العباد

F 16 يا صاحبي طالعة بتدوس على العيال

الزمن ده فيه الحقيقة تبقى أغرب من الخيال

تابع:

إحنا بني آدمين وفينا قلب بيحس ويميز

ولا من كتر المعاصي اتقلبنا كالبغال

فاكر أنت ليبيا طيب بتاع 70 سنة!

والعراق بلد الفرات! من بتاع 70 سنة!

ولا سوريا وبيت حلب من بتاع 70 سن!

واليمن تاج الزمن من بتاع 70 سن!

ولا لبنان الجميلة أرض فيروز والهنا من بتاع 70 سن!

اللي عارفين التاريخ عارفين مقام أهل العرب إلا العرب

ياللي جدك هو أول حد اخترع الحضارة

وأنت أول حد بالجهل اضرب

تابع:

إحنا مش زي الأجانب إحنا أسياد الأجانب

بس هم بيحبوا المعامل واحنا بحب الطرب

إحنا العرب

نص بترول الوجود عند هنا وواقف عليك

والدهب عندك هنا تحت التراب بيهبب إيه

والخضار عندك هنا والبحر والأنهار أهي

والعقول بيصدروها للغريب ما أعرفش ليه

إحنا العرب

إحنا اللي قاعدين كسلانين لما العمران اتخرب

فين زمان أيام معاوية لما قال لهركل اسمع

من أمير المؤمنين لكلب أهل الروم إني

لا أعادي أخوتي وعشيرتي فالكل مني

إن رأتك الغرب ملكاً قد رأتك العرب كلباً

والجيوش بأهل أرضي في المعارك لا تسلني

لما كان فيه غريب بيسأل عن عمر

ملك الملوك فيلاقيه ممد ونايم تحت شجرة نوم عميق

فيقول أمير المؤمنين ينام في نصف الطريق

قد شهدت بأن دينك كدين حق ليس زوراً

قد حكمت الناس عدلاً طبت للناس الرفيق

إحنا بس نسينا إحنا وإحنا مين

فالغريب قام قال علينا ناميين متخلفين

الخواجة شكله ناسي إنه متعلم حدانا

من ابن سينا والفارابي وابن حيان وابن الهيثم

والإدريسي وأبو بكر الرازي والخوارزمي

هانسى مين وهاعد مين

وقال لك إيه! متخلفين

أنت عربي وأمتك أمة رسول كان أصله عربي

ومسجدك الأقصى عربي

وكعبتك على أرض عربي

وربنا يوم ما نزل على عبيد قرآن وسنة كان لسان الوحي عربي

ولما كلم عبده موسى كلمه على أرض عربي

وده تاريخك .. ده ماضيك

جدك أنت بنى المصانع وهم راحوا يبيعوا ليك

فاستقيموا يرحمكم الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *