الأحد , يوليو 21 2024

قصيدة محدش بينفع حد مكتوبة | فارس قطرية

نقدم لكم قصيدة محدش بينفع حد مكتوبة وفيديو، كلمات وصوت فارس قطرية.

قد يهمك:

قصيدة محدش بينفع حد مكتوبة | فارس قطرية

كلمات قصيدة محدش بينفع حد:

نأتي إلى الدنيا ونحن سواسية

ابن الملوك هنا كابن الحاشية

ونغادر الدنيا ونحن كما ترى

متشابهون على القبور الخاوية

أعمالنا تعلي وتخفض شأننا

وحسابنا بالحق يوم الغاشية

حور وأنهار وجنات العلا

وجهنم تصلى ونار حامية

فاختر لنفسك ما تحب وتبتغي

ما دمت حياً والليالي باقة

فغداً مصيرك سوف يأتي عاجلاً

إما جنان الخلد إما الهاوية

وأديك شايف بلادك كاملة كانت عايشة وأهي بتتهد

محدش يا ابني في الدنيا يسيب نفسه

وينفع حد

يومين بايخين هيتعاشو وغصب عن عنيك هتعيش

فحوش حاجة تنفع لك وتشفع لك في يوم الجد

عيش أبيض وحب الناس عشان الكره زي النار

وسيب اللي يقول عنك يقول عنك مسى ونهار

صلي الفرض واستغفر وإقرأ صفحتين قرآن

ونام مرتاح وكل تفاح وإقرأ في سرك الأذكار

زمانك يا ابني جه في توقيته كل الدنيا مفتونة

فيه المعصية سهلة وبالتليفون ومضمونة

زمن فيه الجوامع هو وفيه الكباريهات زحمة

بقى فيه الشرف أرخص من الكافيار ومن التونة

عيش وارضى عشان ترتاح وخليك تحت طوع الله

وسيب الدنيا للدنيا واوعى تروح لها وتنساه

محدش يا ابني نسي ربه وكانت أخرته ترضيك

فخليك لكن خليك سايبها عليه وماشي معاه

هايجي زمان على الدنيا

تلاقي الدين تقيل ع الناس

تلاقي الكل بيدور على الأموال وجمع الماس

وده زمنك ودي دنياك وده الوضع اللي فيه ناسك

فحاسب يا ابني على نفسك وخليك قافل الترباس

خمسة جنية حلال تغنيك عن المليون بسكة حرام

هاتخد منها إيه الدنيا دي ماصفة كلها إخرام

فيه ناس تسمع وتستوعب وتاخد رزقها وترضى

وناس مرضى بجمع المال ومهما تقول لهم أصنام

صلي وادعي وقول يا رب ما تجعل فتنتي في ديني

ولا تحوجني غير لإيديك وراضي قلبي وارضيني

رخيصة الدنيا مش غالية ومش دايمة وهما يومين

فما تعلقش قلبي بها فتسحبني وتلهيني

تعليق واحد

  1. جميلة جدا وكلاماتها رائعة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *