موقع اسكتشات فنون سمعية وبصرية
نقدم لكم قصيدة هتستحكم وهتفرج مكتوبة وفيديو، قصيدة هتستحكم وهتفرج مكتوبة كلمات وصوت فارس قطرية.
قصيدة هتستحكم وهتفرج مكتوبة | فارس قطرية
كلمات قصيدة هتستحكم وهتفرج:
لو عملت خير وما اتقدرتش
ربنا عالم باللي عملته
فمتستناش تقدير الناس
والخير اللي بيطلع لله
صاحبه بيلقاه بنفس الإحساس
لونسيو الشئ وباعوه ببلاش
ربنا موجود فوق ما بينساش
من ظلمك يوم واتكلم فيك
هيدوق الحزن في نفس الكاس
بكرة الأيام هتلف تلف وترجع بالحق البين
هيدوقوا من اللي أنت عانيته
وحكيتهلهم وشافوه هين
تابع:
ولا تنزل يوم دمعة عينك
على واحد مش عارف قيمتك
وأنت اللي بقلبك حبتهم
وخصامك كان هادي ولين
خليك عارف إن الطيب
عمره ما بيعمر مع كداب
في واحد من الإتنين بيروح
ويسيب التاني بدون أسباب
الناس بتحب اللي شبهها
ما تحبش حد يقطمها
دايماً هتلاقي المش سالكين
لو جم مع بعض يصبحوا أحباب
احمد ربنا إنك تعافيت
من غير ما تغير من حالك
بكرة هتتقابل مع أشخاص
من نفس دماغك وخيالك
هتلاقي اللي يقدر قيمتك
وهيدفع فيك حب وتقدير
وتعدي عليهم وتشوفهم
حبة غلطات بالنسبة لك
تابع:
شوف كام إنسان كان غالي عليك
دلوقتي تشوفه كأنه سراب
شوف كام إنسان كان أغلى حبيب
دلوقتي بقيتوا إتنين أغراب
الدنيا دي موقف ميكروباصات
بتحمل ناس وتنزل ناس
هتشوف ركاب أشكال وألوان
وهتلقى أعادي وتلقى صحاب
يا أخي دايماً أقرب ناس للقلب
هم اللي يدوسوا على الإنسان
تديهم خيرك وحنانك يلدغوا زي التعبان
بيكونوا سببب حزنك وشقاءك
والهم اللي بكسر عودك
وتقول طب ليه طيب يعني
ده بدل ما تكونوا سند وأمان
بس بردو الحمد لله على القلب
اللي ما يعرفش إلا الإخلاص
والناس تنكر خيره
مايقولش هأقسى وهانسى خلاص
هو إحنا بنرضيكم أنتو؟!
إحنا بنرضي اللي إدانا الخير
بس المتعاص دايماً بيشوف
كل اللي معاه شبه ومتعاص
تابع:
إحنا !!
إحنا بخير وفينا الخير
ولسه بطبعنا الطيب
مفيش واحد ضميره سليم
بيحصد حزن يا طيب
مهما يزيد عليه همه
ويمشي في الحياة تعبان
بيجي يوم عليه
وينول جزاء الصبر والإحسان
ما تتغيرش عن طبعك
ومهما يشدوا فيك خليك
هتستحكم وتستحكم وتستحكم
وهتبكيك
وفجأة هتفرج الدنيا
وهتلاقي العوض عوضين
مادام بتراضي كل الناس
فربك مستحيل يأذيك
فلا تقلق هما اللي يقلقوا
