موقع اسكتشات فنون سمعية وبصرية
نقدم لكم قصيدة أحلي نصيب مكتوبة وفيديو، قصيدة أحلي نصيب مكتوبة كلمات وصوت فارس قطرية.
قصيدة أحلي نصيب مكتوبة | فارس قطرية
كلمات قصيدة أحلى نصيب:
كان يا مكان
بالصلاة على النبي يحلى الكلام
حدوتة عن بنوتة حلوة
وعمرها في العشرينات
مختلفة عن كل البنات
كالبدر في ليلة التمام
كانت بترضي ربها
وأصيلة طالعة لأمها
وإن شفتها ترتاح لها
وكأنها لحظة سلام
تابع:
عدت عليا وشفتها صدفة في طريق
فجأة الحياة مشيت بطئ
ولقتني بعد سنين كتير حزن وجراح
بعد اللي جه وبعد اللي راح
بأخرج من الضيق للبراح
وأصبح في بحر الشوق غريق
إيه البنت دي ؟!
عمري ما في يوم ما قابلت
تحبها من ثانيتين
واحدة تشوفها تخطفك
وتراضي عين وتبكي عين
عين مني ترضى
عشان لقت أجمل نساء الكون هنا
والتانية بتعيط
وتسأل كنتي غايبة إزاي وفين ؟!
تابع:
ولأني بأفهم في الأصول
ما رضتش أقول
وأخدت أبويا وفرختين وأربع بيضات
وطلعنا نتمنى القبول
ودخلنا بيتها من المكان
اللي يليق بها إني أدخله
الطريق المستقيم
أقرب طريق لأجل الوصول
مين زيها؟!
أجمل نساء الكون يا دوب
ما تجبش شعرة في حسنها
تابع:
دخلت علينا في المكان وخجلها لون وشها
وسألها أبوها تقبليه
فقالت له بهدوء وبكسوف
بنتك ورأيك رأيها
وسمعتها
وكأني عيل في إمتحان ثانوية عامة
وقفله
وكأن عمري قبلها مليان بقع
وادتها عمري تغسله
من بين نساء العالمين
أنتي اللي من حظي أنا
فاتمسي بالخير والهنا
يا لذيذ يا رايق يا حلو
تابع:
سألتني
إذا كان ليا ماضي وفيه بنات زي الشباب
قولت لها مش بالظبط ماضي
أنا كنت مارمي في معجنة
حبيت بنات فيه منهم اللي كسرني مرة
وفيه اللي كان ظالم أنا
فقالت لي لو كان نيتك لعب وهزار تشبه ماضيك
ملهاش لزوم يا ابن الحلال
تلاعبني وتعشمني بيك
أنا قلبي خام زي العيال
وما تدخلوش غير بالحلال
ولو اشتريت خاطري في يوم
أفضل معاك عمري أشتريك
أنا عاوزة لما أكبر وأشيب
تبقى معايا في أزمتي
لما يزيد بينا الزعل
لا يغيرك من ناحيتي
نعمل سوا بيت فيه أمان
وعيال مافيش فيهم عقد
ويكبروا ويجوزوا وتفضل مونس وحدتي
تابع:
مش عاوزة مال ولا خدامين
هي البيوت إيه غير أمان
هي الحياة إيه غير شريك
يقسم معاك حمل الزمان
فإن كنت عاوز بيت جميل
وشريك حياة يكمل معاك
فهأعيش معاك
فقلت لها
أنا بأوعدك بالوفى والوعد عندي بدين
يحميك ويحميني رب العيون من العين
قلبي وعقلي معاك وماليهم الإتنين
مش عاوز أعرف ناس غيرك
ولا بعدك
يارب تلقي الفرح وتشوف هنا سعدك
