موقع اسكتشات فنون سمعية وبصرية
نقدم لكم قصيدة صحاب صيني مكتوبة وفيديو، قصيدة صحاب صيني كلمات وصوت فارس قطرية.
قصيدة صحاب صيني مكتوبة | فارس قطرية
كلمات قصيدة صحاب صيني:
لو كان معاك صاحب أصيل علم عليه
أصل اللي نازل كله صيني وبعد كام أزمة
يبوظ
الفلوس بتروح وتيجي إنما الأصحاب
كنوز
عمري ما بهاب العدو على أد ما بهاب الصديق
أصل العدو معروف عدو إنما الأصحاب
حظوظ
وأنا كنت عارف ناس معايا لما كان الحال تمام
وأما ضاقت دنيتي وانفضت الناس
كله قام
تابع:
مالقتش ولا واحد يتيم صان الرغيف اللي اتقسم
كل الوعود الطيبة اللي حفظتها
طلعت كلام
وقت النجاح هتلاقي أصحابك كتير
من غير عدد
بس مش كل الصحاب شالت معاك ولا كات سند
البشر بتحب تظهر في الصور واللقطتين
بعدها يقوم الحبايب يلعنوك وسط البلد
الناس هنا تحب الغريب وبتسنده وتشيل معاه
أما القريب بيبهدلوه وكأنهم حابين أذاه
مع إننا كنا هنا ولا ضمهم غير حضننا
لكن نقول إيه للبشر وهنعمل إيه
أدي الحياة
تابع:
أصعب جراح عدت علينا
كات من الناس العزاز
اللي لما احتاجنا ليهم كاوا أندال بامتياز
اللي قولنا عليهم إحنا هيشلونا في أي محنة
وكسروا خاطر أبونا وفتفتوه زي الإزاز
فخدها مني
إن كان معاك صاحب أصيل حافظ عليه
اللي لو يوم روحت له وطلبت شئ يديك عينيه
اللي موجود في الزمن ده
ناس ما تعرفش الكلام ده
اللي موجود في الزمن ده
ما تدفعوش فيهم جنيه
صحبة إيه دي اللي ترازيك وتحب لك كل الشرور
اللي مش عاوزك تكون إنسان سعيد
خليه يغور
تابع:
الحبايب تسوى إيه من غير قلوب صافين لبعض
مش شوية ناس مريضة يلففوك زي الماتور
اللي مش عاوزك تكون إنسان سعيد
خليه يغور
وابعت يارب
ابعت لي ناس بدل القديم
كل القديم واخد هوا
مافيناش مرارة للدلع
أنا أصلي عايش بالدوا
كل اللي كانوا في حدنا ولا حد كان بيحبنا
وفضلنا نوهم نفسنا ونقول هنتغير سوا
ابعت صحاب مش محتاجين
ولا مربوطين بالمصلحة
مش تيجي تاخد كل شئ وتقوم تقول لي مروحة
تابع:
أنا كنت باختار البشر بضمير سليم وبحبهم
خلوني تايه ليه وبلف وبجري زي المروحة
كل اللي قال إنه جنبي
ماكنش جنبي عشان حبيب
كان جنبي عاوز حاجة خادها وراح
على الصف الغريب
الطعنة جات من ناس يارب
أنا كنت بارتاح وسطهم
واللي حسبته حمل وديع
ما طلعش غير خاين وديب
ورضيت وقولت إنه نصيب
فارضيني من صبري يارب
وابعت لي ناس بدل القديم
