موقع اسكتشات فنون سمعية وبصرية
نقدم لكم قصيدة التاريخ لا يَنسي مكتوبة ومسموعة وفيديو للشاعر فارس قطرية ضمن سلسلة قصائده عن فلسطين.
وقد ألقى فارس قطرية العديد من القصائد في مناسبات مختلفة ذاع صيتها بين أوساط التواصل الإجتماعي.
قصيدة التاريخ لا يَنسي مكتوبة ومسموعة | فارس قطرية
كلمات قصيدة التاريخ لا ينسى:
قد غاب ذكر الله عن قوم هنا
فأضلهم ربي بعقر بيوتهم
قد كانوا أسياد تقود بما مضى
واليوم تلك القوم يسرق قوتهم
سبحان ربي عادل في حكمه
يعلي ويخفض من يشاء
ويؤتهم رزقاً كثيراً طيباً ومقدراً
قدر التوكل ليس قدر قنوتهم
عارفين عمر؟
طب تعرفوا إيه عن عمر؟
عمر اللي قال إن إحنا ناس
الله وهبها الدين علا
فنروح ونطلب عز دونه؟!
انتهينا
وإننا لو سبنا بعض وكل واحد راح لحاله
الكلاب تكتر علينا
وإن فيه أيام هتيجي على العباد ينسوا الكرامة
يشوفوا أخوه بيموت يقول لك
وإحنا إيه يعني في إيدينا
ونعمل إيه غير الدعاء
يا صديقي
البكاء أو الدعاء من المنازل في المعارك تلك أفعال النساء
تابع:
لما بسرح في التاريخ وأسمع قصص عهد النبي
بادعي لينا بالهداية
لما جدك كان صحابي وأنت بتكبس هدايا
إحنا فين والعز فين والمجد فين والحق فين
لما يتلموا الأعادي وأخويا عادي ومش معايا
3000 جندي في غزوة مؤتة
هزموا 200 ألف رومي
دون إيمان بالله حقيقي يا بلادي لن تقومي
إحنا مش وحشين يا غالي بس ما بنقراش تاريخنا
بس إيه لازمة تاريخي وربنا أخر همومي
شوهوا القدوة في عين الجيل بحاله
غصب عنكم وغصب عني
تيجي تسأل واد صغير لما تتكبر
تبقى عالم ولا ظابط ولا دكتور ولا إيه؟
يقول لك مغني
الغنا بيجيب فلوس والعلم مين خاد منه إيه؟
بكرة هاكبر وأبقى نجم وأملى كل الكون بفني
حد يسمع عن
أحمد سعفان أو أشرف منصور أو أمل أمين أو أبوعباس القرقشندي
كل دول علماء في مصر ومجهولين
ما تجيش بقى وتسأل لي روحك إحنا ليه متخلفين
أنت نفسك جوة نفسك عارف إحنا بعاد أوي
والفنون حلوة ولطيفة
بس عمرك شوفت أمة بتزدهر بالفنانين
لما يبقى الدين مجرد خانة في بطاقة الهوية
وأما يبقى العلم منسي تحت فستان اغازية
وأما تبقى الكورة حرب وعاملة فتنة طائفية
والشباب يرمي البلد
يبقى ما تجيش تعترض
لما ما تلاقيهاش سند
كل ده في الأصل خطة من زمان بيرتبوها
بيجبروك ترمي البلد فيقطعوا في عضمة أبوها
ألف إيد من ألف حتة نفسها تزرع في قلبك
إن حب الدنيا نعمة والنصوص بيحرفوها
هي دي حرب العقول لو تعرفوها
تابع:
أنت من أشرف مكان نزلو البشر
أرض العرب
أنت دينك دين سماح وأصول وخير ملهوش مثل
من قبايل فيها نخوة ومن تاريخ زي العسل
طبع راقي وفن راقي
مصري وخليجي وعراقي
والشوام وجميع بلادنا بيضربوا بيها المثل
أوعى تنسى في يوم بلادك
حتى لو مافيهاش مكان
أوعى تنسى إن أنت دينك
هو رمانة الميزان
أوعى تنسى تقول لابنك
كل حاجة عن الكرامة
وإن أرضه زي عرضه يفتديها كيف ما كان
والله لن ننسى ما يحدث ولن يرحمكم التاريخ