موقع اسكتشات فنون سمعية وبصرية
نقدم لكم قصيدة أعز رفيق مكتوبة ومسموعة وفيديو للشاعر فارس قطرية ضمن سلسلة قصائده.
قصيدة أعز رفيق مكتوبة ومسموعة | فارس قطرية
كلمات قصيدة أعز رفيق:
تعرف يا صاحبي
إن الحياة ما سابتش حاجة بحبها
ما سبتش غيرك أي حد يكون معايا في أزمتي
أنت الوحيد وسط الجميع اللي اشتريت خاطري ودفعت
وأنت الوحيد اللي أعرف بيعرف يونس وحدتي
كبرنا ياض
واشتغلنا وشوفنا حالنا مع السنين
بعد أما كنا عيال صغار
أصبحنا فجأة معلمين
بنواجه العالم يا صاحبي
بقلب صافي ومحترم
والدنيا دي ما بتحترمش إلا اللي ضهره حديد متين
وأنت ضهري وأعرفك
وأعرف تمامك من زمان
كنت أما أخاف أنده عليك
وتجيني تبقى الدار أمان
تابع القصيدة:
من يوم ما شوفتك وأنت ضلي والرفيق اللي فاضلي
من سنين العمر اللي الهم فيها زاد وبان
أول ما كبرت عرفت بجد إنها أرزاق من عند الله
أوقات بيكون رزقك صاحب بتقضي سنين العمر معاه
لا يغير من حالك ولا مالك
ويهمه إنك تنجح وتزيد
ربنا لو حب البني آدم
يبعت له صديق يرشده لو تاه
مع إنك أرنوب
وحبيبتك بتقول عنك أشطر كتكوت
وإن غابت يجي ساعتين مثلاً
بتقول لها ردي يا بيبي بموت
وشخيرك لو بت في بيتنا
بيصحي الشارع طول الليل
وأما بقول لك كدة تضايق وتقول لي
أنا عمري ما بعمل صوت
بس أنا وحياة ربي بعزك وبعز الناس اللي تعزك
والهم إن كان في القلب تلال ب
قعد وياك أرجع مبسوط
تعريف الصاحب
هو الشخص القابل لجميع أحوالك
هو اللي يكون دايماً موجود
لا يهمه مكانك ولا مالك
فاشل يفضل بردو يحبك
ناجح يفضل بردو يحبك
مش قاعدة وبس على طول موجود
ومش عيل كدة على طول سالك
أنا لو ماقبلتكش في عمري
أنا كنت خسرت كتير يا صديقي
لو يعني ما جتش تنونسي
كان مين هيونسني أما تضيق
أنت عارفني وعارف طبعي
وأنا عمري ما باشكر فيك أبداً
بس أنت ابن أصول وكويس
تابع القصيدة:
قلبك أنا شاهد أنه برئ
فيه ناس هيزعلها كلامي
وأنت عارفهم
كنت تحذرني كتير منهم
وأنا أصلاً من بدري كاشفهم
كانوا بيوقعوا بينا وبيحكوا
ويقولوا كلام معجون بكلام
وأنا عارف صاحبي نضيف وشريف
ونعيش يا حبيبنا ونكسفهم
أن عمري ما خفت أنك تمشي
أو يوم حسيت إنك خاين
الناس بتجيني وتتصور
أما أنت في جنب ومش باين
ما تبناش إلا في وقت الأزمة
أو لما بتستلف الجزمة
حوشتك من الدنيا يا صاحبي
وعدينا مصايب وكماين
الله يديم الصحبة الصالحة
ويديم اللي ما بينا يا غالي
ومقامك محفوظ طول عمري
وهتفضل طول عمرك عالي
شكراً على كل اللي عملته
والجهد الصعب اللي بذلته
والأكل بتاعي اللي أكلته
يا أعز رفيق بالنسبة لي
هتفك هتفك
