قصيدة كبسو كبسو مكتوبة ومسموعة | فارس قطرية
نقدم لكم قصيدة كبسو كبسو مكتوبة ومسموعة وفيديو للشاعر فارس قطرية ضمن سلسلة قصائده.
وهي قصيدة تحكي مرارة الواقع الذي همش فيه الدين وكثرت فيه الجريمة وأصبح السفهاء هم القدوة.
قصيدة كبسو كبسو مكتوبة ومسموعة | فارس قطرية
كلمات قصيدة كبسو كبسو
من غير أدب وبدون كسوف
اسمع يا باشا الكلمتين
شوف اللى حال الدنيا فيه
والوضع بقى واصل لفين
بقيت بتصحى كل يوم
على مين قتل أو مين سرق
والدين بقى شوية ورق
انساه وروح عيش لك يومين
التيكتوكر بقى ذو مقام
والناس بتسمع كلمته
بيروح ويتكرم
ويطلع يحكي إنجاز حضرته
والناس تسقف من الكفاح
وتقول له نتصور معاك
وتيجي الصحافة تسأله
عن بدلته وعن جزمته
تابع القصيدة:
بودي القمر ما بقاش بياكل
عارفين بودي؟!
مبقاش بياكل إلا لو بعتوا له حوت
وجنبه ناس من كتر جوعها
بياكلوا في حجارة البيوت
كم ضحك ما يتوصفش
من العته في الدنيا دي
قوم عاد بالنسبة ليهم
قوم عاد أشخاص كيوت
بقيت بتسمع كل يوم
دا فلان عمل في فلان كذا
بعد ما كان الناس أمان
الناس بقت هي الأذى
في غفلة من أمرهم
وذنوبهم تتابع
مع إنهم حاضرين جماعة
كل يوم دفنة وعزا
تابع القصيدة:
فين المبادئ والقيم في المجتمع
يا ابن الحلال
فين الأمومة المدرسة والتربية
وفين الرجال
عاوز توقع أي أمة
وقع القدوة في عنيهم
ولا أقول لك
هات يا باشا كارت فكة وبص بصة على العيال
هتلاقي أحلى عيال هناك
أنت فين يا أمه
لما بنتك تفتح التليفون
وتلقى كل حاجة عن الفساد
والأب فين وبيعمل إيه
وما قالش ليه عيب للولاد
قبل ما تفكر تخلف
خد قرار أنك تربي
ما تجبش جيل مليان عقد
وتبتلي بيه العباد
ابني ابنك
قبل ما تبني لابنك واحتويه
علمه العيب والحرام
واقعد معاه واهتم بيه
ازرع الصالح في قلبه
قبل ما يكبر وينسى
تابع القصيدة:
المجتمع بقى غير مناسب للعيال يتربوا فيه
لما يبقى الدين مجرد خانة
في بطاقة الهوية
وأما يبقى العلم منسي
تحت فستان الغزية
وأما يبقى القدوة واحد تيك توكر طالع لايف
يبقى فيه حاجة غلط
بس مش عارف إيه هى
الناس بقى لها 10 سنين
مش عاملة أي حساب لدين
بيلوشو في بعض وخلاص
زي الفراخ المطلوقين
مستعدين يعملوا أي حاجة مع الترند
زي لامؤاخذة المواشي
شمال شمال يمين يمين
بس بردو مهما الدنيا باظت
والحرام بقى شكله أحلى
بردو مش زي الحلال
مهما كان سهل وبيغري
وفيه وجاهة وقيمة أعلى وكتر مال
هو ليه ربك خلق جنة ونار قبل البشر
علشان يجازي أهل اليمين
ويجزي بردو أهل الشمال
فياب تجعلنا اللي نختار جنتك عند الممات
لا تعلق القلب الضعيف بالدنيا دي والسيئات
اهدينا لطريقك يا رب ولا نحيد عن ما أمرت
يا صاحب الطبع الكريم ارحم قلوب كل العباد
واهدينا
الزلازل والبراكين اللي بتحصل دي؟
لا تهتز الأرض إلا لمعصية الله
جميل جدا وبتوصف واقع مرير فعلا الناس عيشاه