قصائد فارس قطرية عن الرسول | مكتوبة ومسموعة
نقدم لكم قصائد فارس قطرية عن الرسول، مكتوبة ومسموعة من ضمن قصائده المنوعة.
وقد ألقيت العديد من القصائد فيى مناسبات عدة مدحاً في النبي صلى الله عليه وسلم في مولده وفي مناسبة الهجرة النبوية.
قصائد فارس قطرية عن الرسول | مكتوبة ومسموعة
كلمات قصيدة حبيبي يا رسول الله فارس قطرية
حبيبي يا رسول الله
يا زين في الشكل والمضمون
يا نور مبعوث لكل الناس
يزيح جهل النفوس ويكون
هدايه ترشد التايه
لحق الله فيلقي رضاه
حبيبي يا رسول الله
وقلبي في حضرتك مرهون
أنا خجلان
وأشهد ربنا إني برئ
من اللي قالوه بني الإنسان
بيتهموا اللي عاش عمره يزيح الضلمة عن أمه
بإن كلامه لا يصلح
ويرموه ظلم بالبهتان
جيت للدنيا
والدنيا بيحكمها قانون الغاب
جيت من بيت كرم عربي
ونسبك أشرف الأنساب
جيت علشان تعلمنا
أصول إزاي نعيش في سلام
ونعرف نعمة الإسلام
بلا تأليف ولا أحزاب
هتفضل سيرتك الحية
على مر السنين في البال
تعلم كل قلب ضرير
وترشد للهدى الأجيال
سلام الله رسول الله
وصلى الله عليك يا حبيب
بسيرتك الوجع بيطيب
ويتبدل لخير وجمال
لكل اللي اتخذ نفسه
كبير نفسه وراح بهواه
فتش جوه إيمانك
يجوز تلقى إيمانك تاه
ما فيش في الدين طريق شخصي
ولا تفصيل ولا تأويل
وربك لما خلق الدين
خلقه شرحه في رسول الله
في تفاصيله وتدبيره
ومن أفعاله وكلامه
في رحمة قلبه باللي معاه
ولو أعداؤه قدامه
بعثت معلماً تروي أصول الدين والدنيا
عشان سيرتك تعيش تشرح معاني الدين
وأحكامه
فيا إنسان
لا تكابر ولا يغرك كلام جاهل
وخد دينك من العالم
ولا تاخدوش من الجاهل
زمنا فيه فتن ياما وحروب ياما على عقولنا
هتلقى فيه الحلال مرهق
بس الجنة جنب بيت النبي
تستاهل
كلمات قصيدة رداً علي الكلام المُسي للرسول الكريم
لما يبقى في كل وقت
وكل حتة وكل حين
اسمه حي وسيرته حية
في القلوب والمسلمين
لما حد يهين مقامه
عمر ما يقل المقام
دول يا سيدنا كلاب بتنبح
وأنت سيد العالمين
مش غريبة يقولوا عنك أي حاجة
يوصفوك والعلة فيهم بالصور أو بالكلام
لما تبقى يتيم وأمي
بس أشرف خلق ربك
لازم الكارهين يزيدوا
بس بردو أنت الإمام
هما عارفين كل حاجة
ومين محمد مين نبينا
وإن نعل المصطفي
يغلب كلابهم في المقام
مين يشبهك رحمة وهدى
وأنت الحبيب نور الهدى
إن ذكر اسمك سيدي
صلى عليك تعبدا
وتظل حياً في القلوب وتنتصر
فيزيد حقد الحاقدين تمردا
صلوا على سيدنا وقولوا لهم
الرسول يفضل مهاب
وإن مهما إن قالوا عنه السيرة صافية
إن مهما غاب
كل حاجة تعدي عادي
إلا سيرة المصطفى
وإن مهما الوحل يعلى
عمره ما يطول السحاب
طبت حياً وميتاً يا رسول الله
اللهم صل وسلم وبارك عليه