قصيدة النرجسي مكتوبة ومسموعة | فارس قطرية
نقدم لكم قصيدة النرجسي مكتوبة ومسموعة وفيديو للشاعر فارس قطرية ضمن سلسلة قصائده، وقصائده لعام 2025.
قصيدة النرجسي مكتوبة ومسموعة | فارس قطرية
كلمات قصيدة النرجسي:
النرجسي
هو شخص فاكر نفسه أذكى من الجميع
يؤمر ويتمنى ويحلم
وأنت من واجبك تطيع
أصل هو جميل ونادر
فرصة واحدة لا تقرر
وهو قرر يبقى جنبك
شوف بقى الشرف الفظيع
النرجسي إنسان مريض
وغروره أكبر من الدوا
فاكر وجوده أكسجين
ولو مشي يمشي الهوا
يحترف دور الضحية
وإنه مظلوم في القضية
ويخترع لك أي حجة
يملى بيها المحتوى
لما بتعاتبه في حاجة
يقلب الترابيزة قلب
ويقوم جايب لك أي حجة
يطلعك أنت ابن قلب
المهم إن النهاية
يبقى هو اللي اتظلم
والمهم إن النهاية
يبقى هو اللي انتصر
مهما وريته الحقيقة
أعمى البصيرة والبصر
أوعى تعتب على
اللي بيجادل في غلطه وهو عارف
دا مالوش في الحب نايب
أخره يبقى من المعارف
إحنا بنعيش الحياة مع ناس تقدرنا في زعلنا
مش تزيد على الغلطة غلطة
ويجي يعمل فيها كارف
مش حبايب دول نهائي
دول معارف
اللي فاكر نفسه أخر قطعة في السوق
فيه بداله
واللي شايف حبه منه
يغور بحبه وبجماله
القلوب الحلوة فعلاً
ما تعايرش الناس بحاجة
والأصيل ما يقولش نفسي
القلال هما اللي قالوا
كنا مع ناس الحقيقة
طلعوا أوحش في الحقيقة
كرهونا في المعاملة
في كلمة الحب البريئة
فهمونا إن إحنا ظالمة
وفينا عبر الدنيا جوه
وهم عاملونا بأبوة
وتضحية لأخر دقيقة
يا سلام حب وبراءة وطهارة
باينة في حروف الكلام
بس في الفعل الحقيقي
تعرف الوش الحقيقي
يبان جميل من بره جداً
بس جواه مش تمام
فاللي شايفك شئ رخيص
عرفه بنفسه وعيوبه
فهمه إنك أغلى منه
وإنه مش أد المقام
والمرة الجاية ما تأمنش لنرجسي
ربنا يكفينا شر المؤذي