قصيدة الحضن الأخير مكتوبة ومسموعة | فارس قطرية
نقدم لكم قصيدة الحضن الأخير مكتوبة ومسموعة وفيديو للشاعر فارس قطرية ضمن سلسلة قصائده، وقصائده لعام 2025.
وقد ألقاه قطرية اهداء لروح الشهيد الشاب صالح الجعفراوي في غزة.
قصيدة الحضن الأخير مكتوبة ومسموعة | فارس قطرية
كلمات قصيدة الحضن الأخير
مين كان يصدق
إنها المرة الأخيرة
وإنها القعدة الأخيرة
وإن دا الحضن الأخير
وإن مش هاعرف أشوفك تاني
لو محتاج أشوفك كام دقيقة
مش كتير
وإن في أيام هتيجي
وأنت مش هتكون معايا
وإن دي نهاية الحكاية
دموع ومستشفى وسرير
هو كان بيقول لي دايماً
إن أوقات الحياة
تسرق الشخص اللي نفسك
تبقى طول عمرك معاه
هي دي الدنيا الغريبة
وهو دا يا ابني قدرنا
ربنا أول ما ينده
إحنا هنلبي نداه
ما كنتش فاهم الفكرة
وضحكنا شوية ومشينا
ما صدقتش هايجي يوم
عيون الناس تعزينا
يموت منك قريب منك
وتبكي عليه وتتحسر
يروح فجأة ويقطع بيك
وتدعي يا رب قوينا
تابع:
الفراق دا غريب يا غالي
يجي فجأة يخبطك
ياخد المطلوب ويمشي
بدون ميعاد ويلخبطك
يبقى فيه تفاصيل جميلة
عايشها مع إنسان تحبه
في ثانية واحدة كل حاجة
كانت جميلة تعيطك
كل شارع كنت تمشي فيه معاه
يقلب كئيب
كل قاعدة ضحكتوا فيها
تتقلب دمع ونحيب
الصور والذكريات
اللي اتبنت في سنين كتير
في يوم وليلة
كل دا بيسيب إيديك زي الغريب
هو دا كان قصد قولك يوم ما قولت
إن أوقات الحياة
تسرق الشخص اللي نفسك
تبقى طول عمرك معاه
كنت جاي بتقول سلام
كنت قاصد ترميهالي
بالطريقة في الكلام
بس دا مافهوش هزار
والمعنى ما وصليش ساعتها
وعلى العموم الله يسامحك
يلا قول ارتاح ونام
تابع:
اشبعوا من كل حاجة
قبل ما تروح من إيديكوا
عيشوا أوقاتكم بذمة
واحضنوا العزيز عليكوا
أصل كل الناس هتمشي
ولما يجي ميعاد رحيلهم
مش هاتيجي عشان تسلم
ولا تستأذن عينكوا
هتمشي فجأة
وفجأة دي من غير وداع ومقدمات
تبقى جنبه ومن ما فيش
في ثانية واحدة الشخص مات
والبقاء لله يا طيب
البقاء لله دا طيب
وأنت مش في الدنيا أصلاً
أنت في العمر اللي فات
فاشبعوا من كل حاجة
الدنيا خزان ذكريات
الدنيا إيه أصلاً تمنها
وعيشنا إيه في الدنيا دي
في كامل زمانها
الحياة هما الدقيقتين الهزار
هما اللي بنعيشهم سوا
مع أهلنا توب الصغار
هم الحبايب والمصايف والكلام
هم اليومين اللي احنا عشناهم
تمام مع ناس تمام وماكملوش
ومهما بنحاول نعدي الذكريات
مهما حاولنا ما بيتنسوش
الله يتقبل شهداء غزة جميعا