كلمات قصيدة مكنتش صدفة وفيديو | فارس قطرية
في هذه المادة نقدم لكم كلمات قصيدة مكنتش صدفة كاملة مصحوبة بفيديو الإلقاء، مع نبذة عن حياة الشاعر فارس قطرية.
تعتبر قصيدة “مكنتش صدفة” للشاعر المصري فارس قطرية من أبرز قصائده التي تتحدث عن القدر والإيمان بأن الله تعالى يختار الخير للإنسان، ويبعد عنه أصدقاء السوء.
ذات صلة:
قصيدة مكنتش صدفة مكتوبة وفيديو
نبذة عن الشاعر فارس قطرية
يعد فارس قطرية واحدًا من أبرز شعراء العامية في مصر خلال السنوات الأخيرة.
فارس قطرية هو شاعر وملحن ومغني مصري، ولد في 13 فبراير 1988 في مدينة طنطا بمحافظة الغربية، وتخرج من كلية التجارة.
صنع لنفسه حضورًا واسعًا عبر وسائل التواصل الاجتماعي بفضل أسلوبه البسيط والقريب من الناس.
بدأ كتابة الشعر منذ صغره، وصقل موهبته حتى أصدر ديوانه الأول “رفيق الليل” الذي حقق انتشارًا كبيرًا.
تمتاز قصائده بالصدق والاعتماد على تجارب واقعية تعكس مشاعر الحب والفقد والتحديات اليومية، مما جعله يحظى بجمهور واسع وملايين المشاهدات عند إلقاء نصوصه.
كلمات قصيدة “مكنتش صدفة” كاملة
مع كل مرة خسرت حد
وكنت بتحبه بصحيح
أو سبت حاجة وجودها عندك
كان مهم وكان مريح
مع كل صدمة وكل حزن
قبلته لو فكرت حبة
هتلاقيه كان شر
لكن ربنا الحارس يزيح
قعدت أفكر
اللي سابني وحدي
بدون سبب يذكر وغاب
واللي ما رضتش أخسره
وعاتبته مافرقلوش عتاب
لو كان فضل جنبي ومارحش
أنا كنت هأبقى سعيد كدة
دا أنا كان زماني بقيت مريض
وبعاني قسوة واكتئاب
لو حاجة كنت بحبها
وراحت من الإيد للبعيد
هتجيني تاني لحد عندي
إن كان لي فيها نصيب أكيد
دا لو أنت عشت عشان تطول
اللي ما لكش نصيب تطوله
هتموت ومش هتنوله بردو
وتفضل المسافات تزيد
تابع القصيدة:
ماكنتش صدفة
لما اترميت وسابوك لوحدك في الحياة
فقبلت حد جميل وطيب
يسندك تفضل معاه
الخير بيجي بعد شر
والنور بيطلع بعد ليل
وأكيد هتفرح فرحة حلوة
وينتهي الماضي بأذاه
مش يمكن اللي خسرته
يطلع في الأساس أصلاً قرف
كان شر هيجيلك معاه
وبرحمة الله انصرف
ما يلقش بيك تتحب
فترة وتترمي ويجيبوا غيرك
تستاهل اللي يكون معاك
وتحبه دا يشوفك شرف
رب القلوب ما يجبش شر
نصيبه أجمل ما يكون
بيبدل اللي هايقتلك
ويجيب مكانه اللي يصون
الحاجة بتروح من ايديك
تزعل عليها وتتقهر
هو أنت عارف فيها إيه؟!
إنكم لا تعلمون
تابع القصيدة:
أنا قولت إيه
هامشي وخلاص
والباقي يجي زي ما ربك يريد
مش هأفضل أفرك وأتقهر
على حد سابني وراح بعيد
لو كان فيه خير كان دام هنا
ومادام ما دامش فيبقى شر
ربنا بيختار وعارف
إيه اللي فيه الخير للعبيد
مرتاح كدة وهأفضل كدة
من غير ما أقول إزاي وليه
من غير ما أدور عن النصيب
هايجي لي وهايفتح إيديه
هايجي لي بالفرح الطويل
أبو ضحكة بداوي اللي فات
وهلاقي حكايات تتحكي
وقلب ابن ناس أسند عليه
بعد اللي شوفته باختياري
اخترت ما أختارش اللي جي
نقيت حاجات نفايات علل
قتلوني بعد ما كنت حي
أتاريني كنت أعند وأروح
بإرادتي مشي على الألم
لو كنت من الأول وقفت
العتمة كات تقلب لضي
بس أهو الإنسان كدة
ما يعلموش إلا الألم
مايفدش فيه كتر الكلام
ما يفوقش غير بعد الألم
على الأد ما الواحد سعى
في علاقات كتير علشان تدوم
على أد ما ارتاح أما خلصت
وانقطع حبل العشم
تابع القصيدة:
فيارب اختار أنت لينا
ما تدناش إحنا الخيار
أنت اللي عالم اللي خير
وأنت اللي في إيديك القرار
ما توديناش على سكة ضلمه
ونمشي فيها ونتسحب
ونفكر إن أخرها جنة
ويطلع إن أخرها نار
ابعدنا عن علل الزمن
إن كان في حاجة وكان في حد
واجعل قلوبنا في ملكنا
ومتخلهاش تركع لحد
اكتب لنا الحس الأمان
ونروح على اللي يحبنا
وإن حبناه وشبطنا فيه
يطلع أصيل فعلاً بجد
