كلمات قصيدة لوحدي ومش زعلان | فارس قطرية

في هذه المادة نقدم لكم كلمات قصيدة لوحدي ومش زعلان كاملة مصحوبة بفيديو الإلقاء، مع نبذة عن حياة الشاعر فارس قطرية.

فارس قطرية شاعر مصري معاصر وأحد أبرز صناع الشعر العامي المسموع في مصر، اشتهر بقصائده الوجدانية التي تعتمد على لغة مصرية عامية بسيطة وإلقاء مؤثر، وتتناول موضوعات الحب والوحدة والمشاعر الإنسانية وغيرها، وقد حققت أعماله انتشارًا واسعًا على يوتيوب ومنصات التواصل الاجتماعي.

تعتبر قصيدة ” لوحدي ومش زعلان” للشاعر المصري فارس قطرية من أبرز قصائده التي تتحدث عن الوحدة وتخلي الأصحاب عن صاحبهم في وقت الشدة.

ذات صلة:

قصيدة لوحدي ومش زعلان مكتوبة وفيديو

كلمات قصيدة لوحدي ومش زعلان:

جربت في مرة تكون تعبان

وتضطر تبان مبسوط على طول

جربت في مرة تكون إنسان

على أد ما يزعل مش بيقول

جربت تكون وحداني بجد

ولا ليك أصحاب ولا ناس ولا حد

رغم إن حياتك فيها كتير

لكن أعداد من غير مفعول

أصل أنا جربت

إحساس أنك تبقى لوحدك

بتعافر في الدنيا بطولك

بيقسي القلب وبيخليك

مش سهل إن الحزن يطولك

بتشوف الدنيا بعين تانية

وبتهرب من الناس قدر الإمكان

وبتمشي طريقك مع حالك

وبتفرح وحد بأصولك

أنا أكتر حد وحيد شوفته

أكتر إنسان خد من الدنيا

أشياء ما كنتش اهتماماته

كل اللي ارتحت وأنا معاهم

ناس كانوا حلوين لكن ماتوا

سبحان الله الموت بينقي

الشخص اللي غيابه يشقي

وبتفضل طول عمرك بتقول

ما قبلتش خير غير في حياته

الناس اللي ما زالت عايشة

مافيهاش الخير زي الرايحين

مابقاش الواحد بيأمن لإيديه الاتنين

مش بني آدمين

الأصل الطيب والمعروف

والعشرة وكل القصة دا هي

تشربها عشان مش موجودة

ولو عشت بتدور عنها سنين

7 مليار إنسان موجود

وأنا لسه بخاف أدخل علاقات

وأنا بامشي وأعيش وأخرج وحدي

وأكتب أشعار وأعمل حوارات

وأنا عندي مشاكل

إني أنام بهدومي زي الناس التانية

ماليش صدقات

7 مليار إنسان موجود على ضهر الكون

وماليش صداقات

يمكن وأكيد عندي معارف

وصحاب مصلحة وصحاب قعدات

وأكيد بنروح وبنجي كتير

وبنسهر وبنتمشى ساعات

لكن كم مرة احتجت حاجات

مالقتش اللي يقول لي أنا جنبك

وبإيه هتفيدك لمت ناس

مش فارقة معاك لو كان ألوفات

فاتفرج على نفسي في مرة

وبعد اللي أنا عوزته وجالي

ولقتني وحيد جداً جداً

والأزمة باعديها لحالي

بصيت على عمري وأصحابي

وعلى كل الناس اللي أعرفهم

ولقتهم غالين على قلبي

لكن ماشفوش إن أنا غالي

يصعب على الواحد نفسه

ساعات لما بيحتاج حد يشيله

ويروح على كل اللي عارفهم

وينادي ولا حد يجي له

مش لازم يعني أكون عايز

من حد بحبه يقف جنبي

أنا عاوز بس أحكي همومي

وألاقي اللي أروح له أحكي له

لا أحد يساوي الأم

دا الواحد لولا وجود أمه

كان مات ومحدش خاد باله

كان قضى حياته يقول الأه

ولا حدش كان يسأل ماله

الله يخليك يا ست الناس

ويعزك يا اللي ماليش غيرك

كتر خيرك وجودك بس

يغنيني عن الكون دا بحاله

وفهمت خلاص

يتعافى المرء بنفسه

ومش بالناس الناس زايلين

وإن أنا أتعود ما أتعودش

وما أتعلقش ببني آدمين

ما أديش فرحتي وأيام عمري وسعادتي لحد

وأعيش تعبان

علشان وحدي اللي هأعيط

ولوحدي اللي هأشيل التيل

فيديو قصيدة لوحدي ومش زعلان