قصيدة إن بعدهن عظيم | الست لما تحب راجل | فارس قطرية مكتوبة
نقدم لكم كلمات قصيدة إن بعدهن عظيم 1، 2، وقصيدة الست لما تحب راجل، للشاعر فارس قطرية مكتوبة كاملة مصحوبة بفيديو الإلقاء، ضمن قصائد فارس قطرية عن الحب.
وقد قدم فارس قطرية قصيدتين بعنوان إن بعدهن عظيم 1 ، وإن بعدهن عظيم 2 (قصيدة الست لما تحب راجل)، وأشهر أبياتها:
الست لما تحب واحد
تبقى أهله إن كان يتيم
تبقى شيفاه كل حاجة
وإنه حتة من النعيم
توهبه الأيام خفاف
وتكون أمانه إن مرة خاف
وتلفه زي ما يكون لحاف
وكأنه شئ نادر عظيم
ذات صلة:
قصيدة إن بعدهن عظيم مكتوبة ومسموعة
كلمات قصيدة إن بعدهن عظيم 1:
خلاص خلصت
وهاتعديني بالأيام
وتستهلي أكيد أحسن
وتلاقي اللي يستاهلك
ماحبتكيش
ما حستكيش
ولا أنت شكل تفكيري
ولا تفكري كان شكلك
زمان قلت إني حبيتك
ولو قربتي مش هاكلك
وعدى الوقت خلاني
أحسك تاني شئ عادي
يجوز تتشافي حد لطيف
لكن مش أم لولادي
ومش عيبك ولا غلطك
لكن قفلت وملهاش حل
هترضي تعيشي مع واحد
بقلبه وقلبه منك مل
وحتى لو أنت قبلاها
وهتعديها علشاني
فأنا عمري ما هأقبلها
وأعيش مع واحدة ليه بتتذل
ماجربتك وقربتك
ودربتك على طباعي
لقيتك سهلة مش ناشفة
وعملتك دبلة في صباعي
وإحنا يا حلوة نتكيف
من اللي نتوه مانوصلهاش
حاجات ما نروحلهاش جملة
لو اشترينها قطاعي
ساعتها عنيها عندتها
ساعتها عنيها عندتها
وكتمتها وصوتها اتهز
قالت له إن كان في بينا وصال
وباقي على اللي كان بينا
فأخر حاجة في وصالي
كلامك دا كسرهالي
يجوز كان ممكن أبقى عليك
وزعلي يطول شوية وقت
يجوز كان ممكن أشتاق لك
وأشوف الحلو وأنت أسأت
لو أنت كدبت في كلامك
وأنا من حبي فيك صدقت
فصدقني أنت شئ خلصان
وأنا من اللحظة دي نسيتك
لو أنت شفتني سهلة
ومتاحة وما أنفعكش حياة
فواحد بردو يشبه لك
ما أحبش عمري يبقى معاه
من جاور الرخيص يرخص
وحتى إن سعره كان غالي
مش أنت البيت ولا الفرحة
ولا الجاي اللي باستناه
طلعت عبيطة كالعادة
وعارفة عيوبي ومشاكلي
باتعلق بسرعة بناس
لا هم طباعي ولا شكلي
باسامح أد ما باقدر عشان
أما أمشي ما أستناش
وعقلي كل ما باسمحك
يقول لي بلاش
هتتاكلي وأجازف تاني
بشعوري وبارمي الزهر وأستنى
وأقول نارك مسيرها تروح
وأشوف من بعدها الجنة
وأتاري الطبع فيك غلاب
ومهما عملت طبع كلاب
وحكمة ربك إن توجع
لكنها خير
لكنها خير
بتاخد شر ناس عنك
ومش هاحكي في كلام عدى
وأقول لك إني مظلومة
وإني مهما كنت أديك
بانفخ قربة مخرومة
ما بين الكلمة والأفعال
سنين أنا ما بينهما مقسومة
وأديني طلعت أهو ظلماك
فلو يعني هتمشي بلاش
تسيب أعذار وجرح وراك
خلاص عادي
لقانا نصيب
ولو ما كملش بردو نصيب
محدش مات بجرح حبيب
ولا أنت في قصتي الجارح
أقول لك حاجة هتريح
يا سيدي عرفتك إمبارح
ولا اتعلقت ولا نيلة
وبينا رهان على اللي يحن
يبقى أهبل ضعيف حيلة
قلت أنا عمري ما هاسيبك
لكنك يومها ما حلفتش
قولت أنا ليكي هابقى
حياة وضهر وبيت
وما عرفتش
قولت أنا أبوكي وأنا بنتك
ودلوقتي ما خلفتش
وجاي تعيب
خلاص شلتك ولميتك
وحطيتك مع الكراكيب
يجوز إن كنت يوم هازعل
يكون على قلبي اللي اتهان
وإني لما ما اتصنتش
استنيت دقيقة كمان
فاكرني يعني هاتشحتف
وأعيط يوم عليك أنت
دا أنا الكحل اللي في عنيا
يجيب سعرك وحبة كمان
كلمات قصيدة الست لما تحب راجل (إن بعدهن عظيم 2):
كتبت له هي بإيد بتنزف حزن بين
أنت ليه عمرك معايا ما كنت طيب
أو حنين
ليه بخيل حتى في مشاعرك
والخصام في عينيك فجور
ليه اللي بينا عليا غالي
وكان عليك نسيانه هين
مستحملاك
على أد ما أنت كنت عصبي ومش مثالي
وكنت أقول يا بت عدي
المهم يكون حلالي
كان غيابك صعب فعلاً
بس أسهل من وجودك
كان قاتلني برود ردودك
حتى غلطك
صوته عالي
حاسس أنك سيد زمانك
وإن حبك ليا منه
كنت تنقص من مقامك
كل يوم بالفعل سنة
مرة غايب مرة خايب
مرة مش عاوز مناهدة
كنت أجاهد لجل أحافظ
وأنت بتهد اللي بينا
الغريب أنك مصدق
إن لما مشيت
ظلمتك
كنت بتهني بكلامك وأفضل أسكت
واحترمتك
جيت عليا كتير
وغلطتي إني أصبر وأعدي
اديت كرامتي 200 قلم
وزعلت لما أذيت كرامتك
الست لما تحب واحد
الست لما تحب واحد
تبقى أهله إن كان يتيم
تبقى شيفاه كل حاجة
وإنه حتة من النعيم
توهبه الأيام خفاف
وتكون أمانه إن مرة خاف
وتلفه زي ما يكون لحاف
وكأنه شئ نادر عظيم
الست لما تحب راجل
تخلق المكسور سليم
تقتلنا كلمة بسيطة في حوار من هزار
بس بردو نتصالح بوردة وكلمتين
أطفال بتعشق كل مين يضحك لها
وتكره قلوب غاوين يبكوا العين
الست لو ميزتها
فملكتها
الست لو أهملتها
أكبر أذية
اقتلها عادي وسيبها عادي اديحها عادي
بس ما تشوفهاش عادية
تعرف إيه عن واحدة عاشت
تحلم إنك تكون بيتها
اديتك أوقات وحب
زعلت فأنت أوام رمتها
مش هتلقى حاجات كتيرة
بعدي حد هيدهالك
وأدي طوبتك أهو يا سيدي
كات في إيدي خلاص رمتها
جايز أنا عيطت ياما
جايز أنا عيطت ياما
بس دمعي في حق ذاتي
إني دخلتك في قلبي
وأنت أصغر من حياتي
كنت أقول للناس ولأمي
أنت أعظم انجازاتي
وأنت فعلاً كنت أعظم
بس أعظم خيبة أخيبها
كنت ماسكة النار وراضية
بس جات من الله وهاسيبها
فالختام أنا عاوزة أقول لك
ولا أقول لك مش هاقول
بكرة تعرف أنت إيه وخسرت إيه
يا ابن الأصول
بكرة تاخد حد شكلك
يجي ياكلك زي فعلك
واللي تاخده القرعة سهل
مش هاتخده أم الشعور
لف بعدي وحب بعدي
وإن لقيت زي ابقى تبت
ربنا ما يوريك يا حلو أنت
القساوة في واحدة حبت
كنت بازرع أرض بور
بس بردو زرعت ورد
وأنت زارع شوك وقسوة
وزارع إيدك أهو منبت
خد بلوك
الست لما تحب راجل
تخلق المكسور سليم