موقع اسكتشات فنون سمعية وبصرية
نقدم لكم قصيدة الحمد لله مكتوبة الشاعر فارس قطرية، مع تحميل القصيدة Mp3 Mp4
قد يهمك:
قصيدة الحمد لله مكتوبة
فارس قطرية
كلمات قصيدة الحمد لله:
يجوز كل إللى ضاع منك ما كنش يليق عليك يا جميل
كل شعور وكل حبيب وكل صديق ووقت تقيل
يجوز الماضي كان تعبك وبيلعبك وبيهدك
علشان لما العوض يجي تحس بفرحة التفاصيل
أكيد ربك له حكمة عشان يزيد الحمل على ضهرك
وزي ما زاد عليك الحمل خلق لك كتف صعب يميل
مافيش واحد ضميره سليم بيفضل يكسر على طول
بيزعل أه ويتعب أه ويجي اليوم وزعله يزول
يدوق من إللي اتحرم منه ويرجع له اللي ضاع منه
وزي ما عاش سنين يصبر يعيش نفس السنين بينول
مادام ما أذتش بني آدمين ولا في قلبك سواد من حد
وبتراضي إللي بيجيلك وتطلع شهم وقت الجد
ما تشغلش الدماغ بالناس ورب الناس معاك أصلاً
تأكد إن زرع الخير بيطرح في النهاية الورد
يجوز تزعل وتتعكنن من الدينا وبلاويها
يجوز تشعر بإنك ضيف مالكش مكان في وسطيها
يجوز يأذوك ويجوا عليك لحد ما تبقى مش طايق
وفجأة تلاقي خير جاي لك يرد الروح ويحيها
قالت لي أمي زمان وأنا طفل لو اصحابك أذوك إمشي
سمعت كلامها وأما مشيت لقتهم جولي بعديها
وهي الدنيا مستهلة مناهدة وشد في الأعصاب
جينا الدنيا وإحنا ضيوف وهنودعها برده أغراب
تعيش بارد تموت مبسوط ولو ركزت تتجنن
كفاية كلام على الخاينيين وغدر إللي كانوا صحاب
هتلقى صحاب وناس حلوة تشدك من إللي شوفته زمان
هتلقى حبيب وناس جدعان
هتتفرج على الأيام وتضحك على إللي عدى عليك
وتحمد ربنا إنه إداك عوض يرضيك عن الحرمان
ربنا عادل وكريم ورحيم وبيسمع ويشوف ويحاسب
لو فاكر إن مالكش سند ربنا يا عبيط سند الغلبان
أنا كنت بقول إن أنا مظلوم وماليش في الدنيا نصيب أفراح
الناس كلها واخده الأرزاق وأنا رزقي عياط وزعل وجراح
غدتني الأيام على وشي سنتين وتلاتة وعشرة كتير
وفي ثانية لقتها بتتبدل والدنيا بتقلب بيا براح
الحمد لله أجمل كلمة على كل الخير أو كل الضر
الحمد لله على كل الجاي والحمد لله على كل ما مر
كلمة بسيطة وأثرها كبير وإن صدقتها ترضى وترتاح
لو كانت كل الدنيا عليك تسترها عليك وترد الشر
اصبر واحتسب صبرك واحمد أد ما تعاني
وقول بينك وبين نفسك خلقني ومش هينساني
قول يارب أنا راضي وشاكر فضلك الموصول
رجائي فيك لا يبلى إلى أن تبلى أحزاني
خلي يقينك الدايم في عدل الله وتدبيره
ساعات الاختبار بيكون تقيل على قد تيسيره
كمل وانت متأكد بأن الكرب فرجه قريب
ده رب الناس سند للناس ولا للناس سند غيره
اصبر واحتسب صبرك واحمد أد ما تعاني
وقول بينك وبين نفسك خلقني ومش هينساني
قول يارب أنا راضي وشاكر فضلك الموصول
رجائي فيك لا يبلى إلى أن تبلى أحزاني
وعجبي
تحميل قصيده الحمد لله فارس قطريه Mp3 Mp4
الحمد لله دائما وابدا
بجد بجد قصيدة رائعة
اللهم لك الحمد كما ينبغي لجلال وجهك ولعظيم سلطانك