كلمات قصيدة راضي يارب | فارس قطرية

نقدم لكم كلمات قصيدة راضي يارب فارس قطرية، مصحوبة بالفيديو، وهي من القصائد الجديدة في عام 2023.

قد يهمك:

كلمات قصيدة راضي يارب

فارس قطرية

لكل إللي فرح في وزود همي وأنا محني  

بدل ما يخفف الأحمال سحب سكينة ودبحني

لكل عزيز كسر خاطر وسابني لأني مش شاطر

أحب أطمن الغايب وأقول له البعد ريحني

بقيت دالوقتي وحداني ومش عاوز ونس تاني

ولا أيامكو وحشاني ولا السيرة بتجرحني

وسبحانه تلاقي الناس جميع الناس أصيلة وحلوة في البدايات

بيبقوا معاك لذاذ خالص ويهتموا ويرغوا ساعات

وبعد شوية بيملوا ولما يملوا بيقلوا

ولما يقلوا بتلاقي الوعود كدابة واشتغالات

بنفسك حابي على نفسك مافيش عكاكيز

هتسمع من الكلام ياما وتشوف ربعه في التنفيذ

مافيش واحد هيفضلك وهيهمه إللي يحصل لك

أقول لك سر وتصونه ماعدش فيه حد عنده عزيز

بقينا في دنيا بتقول لك يتبقاك ديب يتبقى خروف

يتدخل وسطنا بكيفك يتخرج مأذي بالمعروف

وعشان البعيد طيب وقال حاضر وقال طيب

جابوني الأرض بشياكة وباعوا اللحم ثم الصوف

أنا الشخص إللي كان له الحق في كل حكاية في الدفتر

وأنا الشخص إللي ساب حقه وما أخدهوش عشان مكسوف

يا متعشم بحبل الناس يا متعلق بديب سعران

زمان الطيبة فات والأن أنا ومن بعدي ألف طوفان

ما شوفتش حاجة من الدنيا وأهل الدنيا غير الخوف

وكل ما قلبي يوزني بلاقي إن الميزان خسران

وكان لازم أدوس قلبي وأشد العقل من إيده

بدل ما أتهان وأعيش زعلان وبردو أطلع أنا الغلطان

كلام العقل بيقول لك فألف سلامة مش أزمة

عشرناكم وشفناكم

عرفتوا طبعنا الطيب وخدتوا عزاه وعرفناكو

مافيش تاني إلا من التاني

إللي يتأذي بيأذي وندعي ربنا جزاكوا الله بنواياكو

ولو على الخير ورد الخير

فعوزين العوض منه ومش عاوزين عوض من حد

مابينا سنين عجاف من طين وفجأة إللي اتبنى بيتهد

هنزعل لا ما فيش داعي ما كل الناس بتتغير

وإحنا هدفنا ناس تفضل وما بتمشيش في وقت الجد

عياطك وأنت بتصلي وتدعي ربنا ينجيك

من الناس إللي كلوا منك وسابوا ذكرياتهم فيك

من الحزن إللي داس وشك وحاوط عينك السودة

وقال يا عبدي هما أذوك وأنا هارضيك

على الله الوجع يزول يعدي الليل ومهما يطول

أكيد الحزن له قفلة وأكيد إللي صبر هينول

تعبنا كتير من الدنيا لكن ولا قولنا ولا هنقول وبتعدي

في قلبي حزن مش هين وفرحي قليل وعلى قدي وراضي يارب