موقع اسكتشات فنون سمعية وبصرية
نقدم لكم قصيدة بعد صبرك تلقي جبرك مكتوبة الشاعر فارس قطرية.
وسميت أيضاً بقصيدة أنا عندي يقين بالله أو يقيني بربنا كان كافي.
قد يهمك:
قصيدة بعد صبرك تلقي جبرك مكتوبة | فارس قطرية
كلمات قصيدة بعد صبرك تلقي جبرك:
أنا عندي إيمان
إن الأيام في خير متعان
للي بيصبر ويزيد الصبر
وإن أنا من بعد ما دوقت كسور
هتلم كسوري وأدوق الجبر
وإن اللي اتأذى وعنيه دبلت
من كتر ما شاف أيام صعبة
هيجي له نصيبه الحلو أكيد
وهايفرح فرح يوازي القهر
وإن مهما الليل طول عل الواد
فالصبح هيطلع وينور
يجبرنا بحق اللي خسرناه
ويداوي القلب اللي اتعور
تابع:
مش خايف طول ما ضميري سليم
ومراضي الله وأنا تحت سماه
ومآمن إن نصيب ربي
أجمل بكتير مما أتصور
أنا يعني خسرت حاجات توجع
واتسابت لتفكيري قتلني
وتعبت كتير وقليل وحدي
وكل اللي أنا روحت عليه خزلني
ما اترحتش غير لما استغنيت
وعرفت إن الدنيا تلاهي
والناس مشغولة ومش فاضية
عن حالي المايل تسألني
إنما ربنا أكرم بكتير
ونصيبه جميل دايماً موجود
تابع:
الساند ضهره بخير الله
لو مين وياه لا مش مسنود
الناس بتسيب وبتتغير
وبتأسى وتنسى وبتتلون
إنما لو روحت لباب ربك
عمرك ما تلاقي الباب مسدود
وعشان كدة واثق جداً
إن الأيام جاية بعوضي
جاية تطبطب لي على كتافي
جاية توريني إن أنا على حق
ويقيني بربنا كان كافي
وإن اللي سابوني في عز العوز
وافتكروا إن أنا مكسور بيهم
أنا جاي أعيش وأوريهم
وأنا ماشي أتمخطر خفافي
أنا يعني أستاهل ناس أحسن
ناس فيهم طباع الحنية
ناس تعرف تبقى اكتاف تسند
وتشلني ما تتسلاش بيا
عمر اللي اتربى يخاف من الله
يسلك مع ناس ما تخافش الله
ولا ليا نصيب أبقى معاهم
ولا ليهم هما نصيب فيا
هأزعل على إيه وأنا مش خسران
خير وقت وحبة ناس رايحين
أنا شوفت القسوة في ناس مني
لو شافها حديد كان عضمه يلين
مع إني وعهد الله استنيت
وصبرت وقولت هايتعدلوا
ما نابني بصبري إلا العلة
وهاينوبك إيه من البني آدمين
أهي ناس بتسلم ناس وخلاص بنبدل فيهم بالأيام
يدخلوا ويعيشوا معانا شوية
وياخدوا الخير ويقولوا سلام
الواحد بقى حاسس نفسه
كرسي في مترو مالهوش صحاب
ومجرد وقت بيتقضى
وحبة تفاصيل وهزار وكلام
جبرت الناس وطباع الناس
ولقيت الناس مش بالطيب
فمشيت في طريق الله لله
ولقيته حنين وقريب
وفي كل ما كنت أرمي حمولي على حد
وأقول ده أكيد غيرهم
يكسفني
إنما ربنا موجود ولا مرة لجأت إليه وخيب
فاللهم وكيلي تكفي
وإليك الأمر بما يرضيك
أنا عبدك يارب ضعيف
وذهبت إلى العرش أناجيك
لا تكلني لغيرك
فعبيدك لا تخشى الظلم بمن منهم
اسمع شكوايا وكن قربي
وإجبر قلباً ذاتب يناديك
