موقع اسكتشات فنون سمعية وبصرية
شعر بالعامية عن حرب أكتوبر ونقدم شعر بعنوان أكتوبر يا تاريخ محفور للشاعر بهاء منيسي، وشعر بعنوان أكتوبر رمضان تشرين للشاعر ممدوح العرابي، وشعر الله يا بلدنا لمحمد الغرباوي.
والقصيدة الأولى مطلعها: أكتوبر يا تاريخ محفور، جوانا بحروف من نور، راح تفضل جوانا الذكرى، امبارح واليوم دا وبكرا، يوم سته غيرنا الفكره، وهزمنا الجيش المغرور.
والقصيد الثانية فمطلعها: أكتوبر رمضان تشرين، جيل النصر أهُم جايين، كل ولادي هيصنعوا مصر، مستقبل واعد و متين، شوفوا ازاي جايبين النصر، من شوقهم لصلاح الدين.
والقصيد الثالثة مطلعها: الله يا بلادنا الله على جيشك والشعب معاه، ده جهادك غنوة يا بلادنا يا حلوة يا حلوة، بسلاحنا وعزيمتنا الحامية ماقدرش الغاصب يغلبنا، أساطيل وجيوش الأحرار حاربتنا بغدر ووحشية.
والقصيدة الرابعة مطلعها: رايحين رايحين، شايلين في ايدنا سلاح، راجعين راجعين، رافعين رايات النصر، سالمين سالمين، حالفين بعهد الله، نادرين نادرين، واهبين حياتنا لمصر.
شعر بالعامية عن حرب أكتوبر
أكتوبر يا تاريخ محفور
كلمات بهاء منيسى
أكتوبر يا تاريخ محفور
جوانا بحروف من نور
راح تفضل جوانا الذكرى
امبارح واليوم دا وبكرا
يوم سته غيرنا الفكره
وهزمنا الجيش المغرور
كان قبلك الوهم أسرنا
كان عايش جوانا كاسرنا
وأدينا غيرنا مصيرنا
وأحلامنا اهى شافت النور
كان قبلك الحزن مالينا
كان ساكن أحضان ليالينا
وأدينا عبرنا وعدينا
والمصري كان قد القول
أكتوبر رمضان تشرين
كلمات ممدوح العرابي
أكتوبر رمضان تشرين
جيل النصر أهُم جايين
كل ولادي هيصنعوا مصر
مستقبل واعد و متين
شوفوا ازاي جايبين النصر
من شوقهم لصلاح الدين
جيل أكتوبر جيل النصر
راح يمشوا و يعدوا سنين
و يخَطوا بأدوات العصر
و يسابقوا بأحلام ملايين
لو عاوزين نوصل للنصر
يبقى مفيش شاكي وحزين
بس عمل و علوم العصر
نقدمها بإيمان و يقين
الله يا بلادنـا
للشاعر محمد عبد المنعم الغرباوى
الله يا بلادنا الله على جيشك والشعب معاه
ده جهادك غنوة يا بلادنا يا حلوة يا حلوة
بسلاحنا وعزيمتنا الحامية ماقدرش الغاصب يغلبنا
أساطيل وجيوش الأحرار حاربتنا بغدر ووحشية
هزمتها أيادي الأحرار بسلاح الثورة الشعبية
وعلمنا الغالي لو قال يا بلادى
راح يرفع في المجد علاه الله يا بلادنا
ح نعيش من أول وجديد والنصر ينور أعيادنا
ونحيى روح كل شهيد بترفرف على أرض بلادنا
دايماً حنبص لقدامنا والماضي مش راح ننساه
راح نبني بلادنا ونربي ولادنا على درس جهادنا
ونعيش وياهم في حماه الله يا بلادنا
رايحين رايحين
رايحين رايحين
شايلين في ايدنا سلاح
راجعين راجعين
رافعين رايات النصر
سالمين سالمين
حالفين بعهد الله
نادرين نادرين
واهبين حياتنا لمصر
باسمك يا بلدي……حلفنا يا بلدى
جيشك وشعبك يصد التحدى
ارضك وزرعك…..شمسك وقمرك
شعرك ونغمك…..نيلك وهرمك
بدمي افادي واصد الاعادى
وافدى بروحى عيونك يا مصر
رايحين رايحين شايلين في ايدنا سلاح
شرفك يا بلدى
وعزة كرامتي
يا ملياه تحدى
امانة في رقبتي
حبك وسحرك ليلك وكرمك فى نخلك ودربك
فى صبرك وسهرك
تصحى حياتى وباسم الشهاده اسجل نشيدك تاريخك يا مصر
جميل خالص بسم الله ماشا الله
الله اكبر ولااحمد لله
جميل
رووووووووعة بجد
جامد طحن موت😭💗💗
راااااائع
رائعة